Фернандо Алонсо – Kurir.mk

Алонсо ја откри причината за несреќата

Ивана Ефремовски — Sun, 30 Jul 2023 08:30:33 +0000

Пилотот на Астон Мартин, Фернандо Алонсо го коментираше излетувањето во спринтот на Големата награда на Белгија. Тој на еден свиок неколку пати се вртеше со болидот и излета од патеката Спа по само три круга. - Бев блиску до Нико [Хулкенберг] на влезот во „Пуон“ (името на свиокот). Ја изгубив влечната сила и изгубив контрола над болидот. Беше многу лизгаво и тоа беше моја вина. Иако сепак немаше да влеземе во бодовната зона. Со оглед на тоа што имаше само 11 круга, тешко беше да се бараат бодови. Подобро нека се случуваат такви работи во спринт подобро отколку во неделна трка, изјави Алонсо за клупскиот сајт на Астон Мартин. Возачот на Ред Бул, Макс Верстапен, победи во спринтот на Големата награда на Белгија. Втор на трката беше Оскар Пјастри од Мекларен, на третото место се пласира Пјер Гасли од Алпин. Главната трка за Големата награда на Белгија ќе се вози денес со почеток во 15 часот. Алонсо ќе стартува од 9-тата позиција. (МИА)

Алонсо ќе носи кацига посветена на првиот Ф1 болид на Астон Мартин

Ивона Петрова — Thu, 06 Jul 2023 09:34:31 +0000

Возачот на Астон Мартин, Фернандо Алонсо, подготви специјална кацига за Големата награда на Британија. - Специјална кацига, посебна трка. Домашно Гран при за Астон Мартин - напиша двократниот светски шампион објавувајќи фотографии на социјалните мрежи. Дизајнот на кацигата се однесува на „DBR4“ - првиот Формула 1 болид на Астон Мартин. Конкретно, на врвот на кацигата има стилизирана слика на воланот на автомобилот, а бројот на Фернандо е направен во соодветен стил. ДБР4 се натпреваруваше во 1959 и 1960 година. По сезоната 1960, компанијата не се тркаше во Формула 1 до 2021 година.

Алонсо се надева на барем една победа сезонава во Ф1

Тале Кристо — Tue, 16 May 2023 20:10:47 +0000

Возачот на екипата Астон Мартин, Фернандо Алонсо, изрази уверување дека сезонава може да дојде до победа во трките во Формула 1, истакнувајќи ја како најголема можност за тоа Големата награда на Монако. Двократниот светски првак добро ја почна новата сезона, завршувајќи третопласиран во четири од првите пет трки, а Астон Мартин е на второто место во генералниот пласман на конструктори, зад шампионот Ред Бул. Неговите пласмани на подиумот се прославуваат речиси како победа, а по серијата добри резултати 41-годишниот возач размислува и за победа. На новинарско прашање, дали сезонава би можел да забележи „победа или две“, Алонсо во изјава за телевизијата Скај одговори: „Милам дека можам, да“. „Нашиот болид е особено добар во свиоците, така што би рекол дека на најбавните патеки, како Монако, Будимпешта или Сингапур, во овој момент имаме најголеми шанси“, изјави Алфонсо.

Алонсо: Ферари се понестабилни отколку кога бев таму

Ивона Петрова — Sun, 14 May 2023 12:12:46 +0000

Пилотот на Астон Мартин, Фернандо Алонсо даде свое мислење за тимот на Ферари. Алонсо беше член на Ферари од 2010 до 2014 година. - Со Ферари бевме во борба секоја сезона и речиси никогаш не правевме грешки. Двапати се боревме за титулата до последната трка. За моја среќа и за Астон Мартин, сега Ферари е понестабилен отколку кога бев таму, вели Алонсо го цитира „SoyMotor“ Алонсо. По пет етапи од тековната сезона во Формула 1, Фернандо Алонсо е на третото место во Генералниот пласман на пилотите.

Алонсо: Сè уште треба да се навикнам на автомобилот на Астон Мартин

Ивона Петрова — Wed, 08 Mar 2023 14:02:52 +0000

Пилотот на „Астон Мартин“ Фернандо Алонсо изјави дека му треба време за да се навикне на карактеристиките на новиот болид. - Сè уште треба да се навикнам на управувачот и другите карактеристики на овој болид. Во своето однесување, оваа кола е нешто поразлична од Алпин, неколку пати, искрен да бидам, ми приреди изненадувања. Болидите на различни тимови секогаш се многу различни едни од други во однос на геометријата на предната суспензија. Само треба да поминувам повеќе време на патеката и повеќе време со овој болид, ги цитира зборовите на Алонсо „Аутоспорт“. Шпанецот рече дека тимот се уште не ги прилагодил сите поставки сто проценти. - Продолжуваме да работиме. Како што кажав, колата е сосема нова. И треба да научиме повеќе за неа, треба да се навикнам на неа. Така, ваквите моменти се повеќе поврзани со процесот на навикнување на автомобилот - со контролата, повратните информации, карактеристиките на серво воланот. Се додека не ги прилагодиме сите поставки на сто проценти, додаде Алонсо. Возачот на Ред Бул, Макс Верстапен победи на првата трка сезонава. Второто место му припадна на неговиот тимски колега Серхио Перез. Третиот резултат го покажа Алонсо.

Алонсо би можел да го замени Фетел во Астон Мартин во 2023 година

Ивана Ефремовски — Thu, 05 May 2022 10:53:34 +0000

Себастијан Фетел може да го напушти Астон Мартин на крајот на сезоната. Според „F1-Insider.com“, сопственикот на тимот Лоренс Строл е заинтересиран за возачот на Алпин, Фернандо Алонсо. Договорот на Фетел со тимот од Силверстон истекува на крајот на годината, а се уште не е познато дали 34-годишниот возач ќе ја продолжи кариерата. Алонсо пак изјави дека има намера да вози уште неколку години и покрај неговата возраст. Шпанецот на лето ќе наполни 41 година. Во 2021 година Фернандо веќе се поврзува со преселба во Астон Мартин. Врз позицијата на Алонсо во Алпин има влијание присуството на резервниот возач Оскар Пјастри, актуелниот шампион во Формула 2. Тимот има намера да најде место за својата нова ѕвезда до сезоната 2023 година. Се очекува Пјастри да добие место во Алпин доколку двократниот светски шампион, Себастијан Фетел се пресели во Астон Мартин. (МИА)

Алонсо: Се чини дека Ферари го има најбрзиот болид во моментов

Ивона Петрова — Mon, 28 Feb 2022 13:23:19 +0000

Пилотот на Алпин, Фернандо Алонсо изјави дека тимот Ферари му оставил добар впечаток на првите претсезонски тестови. Според Алонсо, токму Ферари го има најбрзиот болид. На тестовите, Ферари помина најголемо растојание меѓу тимовите – Карлос Саинц и Шарл Леклер поминаа вкупно 439 кругови за три дена. – Се чини дека Ферари го има најбрзиот болид во моментов. За Карлос Саинц и за Шпанија воопшто, ова е одлична вест. Иако Мерцедесот, очигледно, е исто така многу брз, изјави Алонсо. Новата сезона во Формула 1 започнува на 20 март со трката за Големата награда на Бахреин.

Алонсо се кае што не се повлече од Формула 1 пред 2018 година

Магдалена Андонова — Tue, 26 Oct 2021 19:33:07 +0000

Возачот на Алпин, Фернандо Алонсо, жали што не се повлече од Формула 1 пред 2018 година. – Дали се каам за нешто? Веројатно само за едно – тоа што заминав предоцна. Морав да ја напуштам Формула 1 порано. Сега е лесно да се каже, но не требаше да чекам до 2018 година. Требаше да заминам во 2015 или 2016 година, две години порано, да го пробам Дакар и трките за издржливост. Веќе во 2015 година имав такви размислувања, но ми требаше време за да одлучам. Можеби премногу време, изјави Алонсо за Планет Ф1. Во 2015 година, шпанскиот пилот се пресели од Ферари во Мекларен. Во 2018 година донесе одлука да се повлече од Формула 1, но во 2020 година се врати и стана возач на Алпин. Актуелниот договор на 40-годишниот Алонсо со Алпин е со важност до крајот на сезоната 2022 година. (МИА)

Алонсо: Шумахер беше подобар пилот од Хамилтон

Дарко Андоновски — Thu, 01 Oct 2020 13:51:53 +0000

Рекордите на седумкратниот светски шампион Михаел Шумахер во Формула 1 се подобруваат еден по еден од големата sвезда на Мерцедес Луис Хамилтон, но ова не може да го убеди Фернандо Алонсо дека Британецот е најголемиот возач во историјата. Според Фернандо, Михаел останува најдобар, а Шпанецот може да направи објективна споредба меѓу нив, откако се натпреварувал против двајцата. Алонсо ги направи своите први чекори во Формула 1 кога Михаел доминираше во Ферари. Во 2005 и 2006 година, Фернандо го победи и ги освои неговите две светски титули. Во 2007 година, Нандо се приклучи на Мекларен како етаблиран шампион и мораше да соработува со дебитантот Луис Хамилтон. – Тешко е да се споредат возачите од различни периоди со различни автомобили. Сепак, се сеќавам на Шумахер како многу тежок противник. Тој имаше нешто повеќе и тоа го издвојуваше од другите. Хамилтон е многу добар пилот, најдобар од неговата генерација, но Михаел беше подобар. Никогаш не дозволуваше тимски колега да го победи, никогаш. Не можеме да не се сетиме како Џенсон Батон во Мекларен, а потоа и Нико Розберг во Мерцедес добија директен натпревар со истите болиди против Луис, истакна Шпанецот.

Пред Алонсо, Рено разговарале со Ботас и Фетел

Ивана Ефремовски — Thu, 16 Jul 2020 16:15:27 +0000

Тимот на Рено разговарал со Себастијан Фетел и Валтери Ботас за можен трансфер во францускиот тим пред да потпишат договор со Фернандо Алонсо. Советникот на тимот Ален Прост призна за разговорите во промотивно видео за главниот спонзор на францускиот – „ДП Ворлд“. -Фернандо беше еден од трите врвни возачи со кои разговаравме, другите беа Себастијан Фетел и Валтери Ботас. Валтери вози за Мерцедес и многу му е тешко да го напушти овој тим. За Себастијан, не знаевме која ќе биде неговата мотивација. Фернандо, од друга страна, секогаш ја покажува својата желба и мотивација да се врати во тимот. Дури и минатата година во Абу Даби имавме долга дискусија. Она што се случи со него и сите екипи вокои возеше беше мојата најголема загриженост, многупати разговаравме за тоа. Верувам дека тој ќе биде различен човек. Две години надвор од Формула 1 не беше лошо за него, според мое мислење, да има различни чувства и различно гледиште. Тој знае што ќе добие од презентацијата на автомобилот, знае дека 2021 година ќе биде малку тешка. Тој е подготвен за тоа, јас навистина мислам дека ќе биде многу поразличен човек од тоа што беше пред да ја напушти Формула 1, прокоментира „професорот“. По трет пат во својата кариера, Алонсо ќе вози за тимот со седиште во Енстон, со кој ги освои своите две светски титули во 2005 и 2006 година. Тој ќе го замени Даниел Рикардо, кој оди во Мекларен, и ќе биде партнер со Естебан Окон, чиј договор со Рено трае до крајот на сезоната 2021 година. (МИА)