Фернандо Сантош – Kurir.mk

Фернандо Сантош отпуштен од селекторската функција на Полска

Бошко Тасиќ — Wed, 13 Sep 2023 18:52:44 +0000

Португалскиот фудбалски тренер, Фернандо Сантош брзо доби отказ од позицијата селектор на Полска, поради лошите резултат следуваше очекувана разделба. Фернандо Сантош кој во 2016 со Португалија стана Европски шампион, во Полска пристигна за подобри резултати на оваа селекција, но наместо тоа големи се шансите тие и да не се пласираат на Европското првенство. Од пет меча имаат три порази и два од нив се од Албанија и Молдавија. „Сакам да му се заблагодарам на селекторот Сантош за работата во репрезентацијата и му посакувам многу среќа во следните предизвици. Избор за нов селектор сега е приоритет на Извршниот комитет, па наскоро ќе обзнаниме кога ќе биде тоа“, рече Цезари Кулеша, првиот човек на полската федерација. Сантош се заблагодари за можноста да биде селектор на Полска и посака добра иднина на оваа репрезентација. „Иако ја прекинуваме соработката, благодарен сум што ја водев националната селекција на Полска. Ѝ посакувам сѐ најдобро на Полска и на нејзиниот народ, кои преубаво ме дочекаа додека живеев тука“, рече Сантош.

Сантош ја презеде репрезентацијата на Полска, доби задача избори пласман на ЕП 2024

Дарко Андоновски — Tue, 24 Jan 2023 15:19:32 +0000

Фернандо Сантош и официјално ја презеде репрезентацијата на Полска. Полскиот фудбалски сојуз (ПЗПН) го претстави поранешниот селектор на португалската репрезентација. – Сантош ги освои Евро и Лигата на нации, работеше со големи фудбалери, светски фудбалски ѕвезди, ова е исклучително вредно. Верувам дека новиот тренер ќе донесе многу добри работи за тимот и за целиот полски фудбал. Цел број еден во моментов е да стигнеме до завршниот турнир на ЕП 2024 година и на тоа се фокусираме пред се, изјави првиот човек на ПЗПН, Цезар Кулеша. Сантош беше селектор на португалската репрезентација осум години, а ја напушти функцијата по Светското првенство во 2022 година. Тој е познат и по работата со Порто, Спортинг, Бенфика и грчката репрезентација. Шеесет и осумгодишниот Португалец го замени доскорешниот селектор Чеслав Михневич.

Полска добива нов селектор

Бошко Тасиќ — Tue, 24 Jan 2023 06:07:59 +0000

Репрезентацијата на Полска имаше солиден настап на Светското првенство во Катар каде успеа да ја мине групната фаза по што загуби од Франција во првата нокаут фаза (3-1). Сепак овој резултат не беше доволен за Чеслав Михневич да остане на селекторската функција. Полска во иднина ќе работи под палката на Фернандо Сантош. Сантош е искусен, докажан стратег кој осум години ја водеше Португалија со која го освои и ЕП во 2016 година. Тој претходно ја водеше успешно и Грција, има работено во многу клубови, па сето ова му го отвори патот да биде селектор на Полска. Според Фабрицио Романо се е договорено и се очекува официјална потврда во текот на утрешниот ден.

Фернандо Сантош повеќе не е селектор на Португалија

Бошко Тасиќ — Fri, 16 Dec 2022 06:17:49 +0000

Фернандо Сантош, 68-годишниот поранешен селектор на португалските фудбалери повеќе не е на таа позиција, објавија бројни португалски медиуми. Португалија на Светското првенство чиј домаќин е Катар беше елиминирана во четвртфиналето против Мароко (0:1). По тој натпревар Фернандо Сантош, кој е селектор на Португалија од 2014 година, изјави дека нема да поднесе оставка. Заклучно со Европското првенство во 2024 година, Фернандо Сантош имаше важечки договор со Португалскиот фудбалски сојуз. Локалните медиуми пренесуваат дека Фернандо Сантош и претседателот на сојузот имале разговор и конечно договориле разделба, а португалскиот фудбалски сојуз наскоро треба да го објави името на неговиот наследник. Најголемиот успех со Португалија Фернандо Сантош го постигна во 2016 година кога неговата селекција стана европски првак, додека три години подоцна Португалија ја освои Лигатата на нации на УЕФА.

Георгина повторно „распали“ по Сантош: Го потцени најдобриот фудбалер на светот!

Ристе Здравков — Sun, 11 Dec 2022 10:42:34 +0000

Кристијано Роналдо на најлош можен начин го заврши своето последно светско првенство, со елиминација во четвртфиналето од Мароко и одиграни само 55 минути во нокаут фазата, не успевајќи да постигне гол за својата биографија. На крајот „тенко“ светско првенство за Роналдо со само еден постигнат гол и далеку од посакуваниот трофеј. Со тоа што беше резерва и во четвртфиналната пресметка со Мароканците, не можеше да се помири неговата сопруга Георгина која по елиминацијата на Португалците „распали“ по португалскиот селектор Фернандо Сантош, притоа обрајќи му се на Роналдо дека неговиот „пријател селектор“ направил непростлива грешка. „Денеска твојот пријател и тренер реши да направи грешка. Тој пријател за кој секогаш имаш само зборови на восхит и почит. Истиот оној кој кога те внесе во игра, виде како сè се смени, но беше предоцна. Најдобриот играч на светот не може да се потцени, неговото најмоќно „оружје“. Не можеш да одбраниш некој што не го заслужува тоа. Животот нè учи лекции. Денес не загубивме, но научивме“ – напиша Георгина на својот Инстаграм профил.

Сантош: Немам проблем со Роналдо, ние сме пријатели

Ристе Здравков — Wed, 07 Dec 2022 11:05:36 +0000

Фернандо Сантош, го изненади фудбалскиот свет со одлуката да го остави Кристијано Роналдо на клупата против Швајцарија. На неговото место играше напаѓачот на Бенфика, Гонзало Рамош, кој постигна три гола во победата на Португалија над Швајварија од 6:1. Роналдо, едоби шанса во финишот на мечот. Влезе на теренот во 74.минута, постигна гол кој беше поништен поради офсајд. Селекторот по мечот ги уверуваше новинарите дека помеѓу него и Роналдо не постои никаков проблем. „Нема проблеми со нашиот капитен. Ние сме пријатели со години. Разговаравме пред натпреварот и не му пречеше мојата одлука. Тој е пример за сите“. Португалија во четвртфиналето ќе игра против Мароко на 10.декември.

Сантош за односот со Роналдо: Некои работи не влијаат од нас

Бошко Тасиќ — Wed, 07 Dec 2022 05:59:07 +0000

Португалците против Швајцарија блескаа и без првата ѕвезда Кристијано Роналдо кој влезе во игра кога се беше готово околу патникот во четвртфиналето. Одлуката на селекторот Фернандо Сантош да го изостави ветарнот од почетната постава беше изненадување за многумина, но според стратегот се е во ред и Кристијано тоа го прифатил како што треба, како вистински лидер. -Веќе тоа го објаснив, нема повторно тоа да го направам. Роналдо и Рамош се различни играчи. Нема проблем меѓу Фернандо Сантош и капитенот на репрезентацијата, ние сме пријатели со години. Некои работи не влијаат на нас. Веќе објаснив се дека таму се е решено, тој даде одличен пример, како вистински капитен, -рече Сантош кој проговори за сигурниот триумф. -Ова не беше баш совршено шоу, но би рекол дека беше многу успешно. Однесување, концентрација во секој момент од натпреварот. Сигурно беше голем натпревар, но сега најважно е да се спушти топката, -предупреди Португалецот.

Сантош по поразот од Шпанија: Моравме повеќе да комбинираме

Дарко Андоновски — Wed, 28 Sep 2022 07:00:08 +0000

Селекторот на португалската фудбалска репрезентација, Фернандо Сантош ги искажа своите впечатоците за натпреварот со Шпанија во натпреварот од Лигата на нации. Шпанците синоќа во Брага победија со 1:0, стрелец на единствениот гол беше Алваро Мората во 88. минута. – Тимот одигра многу добро во првото полувреме. Изгледавме добро и покрај тоа што Шпанците имаа поголем посед на топката. Но, моравме повеќе да комбинираме со топката за да го развлечеме противникот и да создадеме поголем притисок. Во првото полувреме создадовме неколку шанси, додека Шпанија не направи ништо, изјави Сантош. Шпанците го освоија првото место во својата група и се пласираа во плеј-офот од Лигата на нации.

Сантош: Ова е меч на живот или смрт, ни треба креативност и страст за да ја победиме Македонија

Магдалена Андонова — Mon, 28 Mar 2022 14:22:02 +0000

Португалскиот селектор Фернандо Сантош на прес-конференцијата, пред мечот против Македонија за пласман на Мундијалот во Катар, кажа дека воопшто нема да биде лесно за неговите репрезентативци. Португалија ја има предноста на домашен терен и големиот број навивачи кои ќе бидат на трибините, но и Италија имаше нешто слично во Палермо, па на крајот загуби со 0-1. „Ги анализираме и другите натпревари на Македонија, не само последниот против Италија. Го гледавме и мечот против Германија на кој успеаа да слават. Тие имаат квалитетни фудбалери, посебно Елиф ЕЛмас. Ова е меч на живот и смрт за нив, исто е и за нас. За да победиме ни треба многу креативност, страст и интензитет“, кажа Сантош.

Сантош: Македонија мора да се респектира

Бошко Тасиќ — Mon, 28 Mar 2022 13:42:29 +0000

Селекторот на фудбалската репрезентација на Португалија, Фернандо Сантош е внимателен во најавите за утрешниот финален бараж натпревар за пласман на Светското првенство во Катар против Македонија. Сантош е пријатно изненаден од резултатите на „црвено-жолтите“ кои во четвртокот во полуфиналето на баражот ја совладаа Италија со 1:0 благодарение на голот на Александар Трајковски во 92 минута. – Македонците ја изненадија Италија, но тие ги победија и Германците во Дуизбург. Ова е финале, а таквите натпревари секогаш се тешки. Сум бил дел од такви натпревари и знам за што зборувам. Ќе му пристапиме на натпреварот против Македонија со истиот респект што го покажавме кон Турција. Во овие моменти, фудбалот е поинаков и кој може да победи секого. Имињата, бројките и статистиката не се важни – изјави Сантош.