фернандо торес – Kurir.mk

ВИДЕО: Го повампирија Фернандо Торес: Водителката целосно се загуби

Ристе Здравков — Thu, 07 Oct 2021 07:10:43 +0000

Репрезентацијата на Шпанија ноќеска на „Сан Сиро“ успеа да слави со 2:1 против домаќинот Италија, во раки на полуфиналето од Лигата на нации. Двата гола за Шпанија ги постигна одличниот Феран Торес, а Италија постигна гол во самиот финиш, со кој го направија натпреварот интересен, но немаа некои посебно големи шанси со играч помалку. Она што е познато, е дека постојано Феран Торес го мешаат со Фернандо Торес, па честопати водителите и водителките знаат да направат кикс. Таков беше случајот ноќеска со водителката на РАИ, која во својот извештај, наместо Феран Торес, го спомна името на некогашниот голгетер Фернандо Торес.

Doublé de Fernando Torres ce soir selon la RAI. On vous souhaite donc une très bonne année 2012pic.twitter.com/k4US0s7gVQ
— FrSerieA (@FrSerieA) October 6, 2021

Погледнете ја трансформацијата на Фернандо Торес- изгледа како вистински ѕвер (ФОТО)

Дарко Андоновски — Sat, 19 Sep 2020 10:01:46 +0000

Поранешниот шпански репрезентативец и член на Челзи, Ливерпул и Атлетико Мадрид, Фернандо Торес направи трансформација на својот изглед. Торес и по завршувањето на фудбалската кариера сакаше да остане во форма. Торес покрај фудбалот е голем љубител и на боксот, па по фудбалската кариера тренира за да се посвети на овој спорт.

View this post on Instagram

Prepárate para convertirte en quien quieres ser. #9Fitness #ElLimiteEstaDondeTuDecides

A post shared by ⓃⒾⓃⒺ ⒻⒾⓉⓃⒺⓈⓈ (@9fitness) on Jul 3, 2020 at 4:00am PDT

Засега нема најави дека би можеле да видиме некоја негова борба, но изгледот дефинитивно го промени во однос на оној кој го имаше додека активно играше фудбал.

Торес: Челзи не е на нивото на Реал

Дарко Андоновски — Wed, 26 Jun 2019 06:11:47 +0000

Поранешниот напаѓач на Челзи и напаѓачот на Атлетико, Фернандо Торес верува дека Еден Азар направил вистински потег со преселбата во Реал Мадрид. – Азар е импресивен играч кој има потреба од предизвик во клуб каков што е Реал Мадрид. Тоа му треба за да го достигне нивото што има потенцијал да го достигне. Челзи не е клуб како Реал Мадрид, изјави Торес. Најдобриот белгиски фудбалер Еден Азар на 7 јуни направи трансфер од лондонскито во „кралскиот“ клуб. Тој потпиша петгодишен договор со Реал.

Торес и официјално меѓу „Самураите“

Даниел Василев — Tue, 10 Jul 2018 14:58:59 +0000

Досегашниот напаѓач на Атлетико Мадрид, Фернандо Торес официјално премина во Саган Тосу, соопшти веб сајтот на тој клуб. „Ел Нинјо“ во Јапонија оди како слободен играч зашто ова лето му истече договорот со „Јорганџиите“. Торес ги помина сите младински селекции на Атлетико пред да потпише професионален договор. Настапуваше и за Ливерпул, Челзи и Милан, а за репрезентацијата на Шпанија одигра 110 натпревари и постигна 38 гола.

Емотивен фудбалски викенд полн со солзи: Три големи легенди се збогуваа со своите клубови (ВИДЕО)

Матеја Петровски — Mon, 21 May 2018 10:28:50 +0000

Викендот кој е веќе зад нас, може да кажеме дека е еден од најемотивните викенди во фудбалската историја, три големи легенди се збогуваа од своите клубови. Во саботата од својот Јувентус се збогуваше капитенот Џанлуиџи Буфон, тој во 63-тата минута ја напушти играта на теренот во Торино, при што предизвика солзи во очите на сите на стадионот. Другите две збогувања пак беа во Шпанија. Може да се каже дека шпанскиот и европскиот фудбал никогаш повеќе нема да бидат исти. Фернандо Торес го одигра својот последен меч за Атлетико Мадрид, а Андрес Иниеста за Барселона. Тие двајца, исто како и Буфон беа испратени со овации од фановите на стадионите каде поминаа најголем дел од своите кариери. И како некој да пишуваше совршено сценарио за последниот натпревар на популарниот Ел Нињо во дресот на Атлетико, каде ја носеше и капитенската лента, Даде два гола на Ванда Метрополитан, кои сепак беа доволни само за реми од 2:2 со Еибар.

Lágrimas en la grada. La grada del Metropolitano despidió con emoción a su ídolo: Fernando Torres. #ElDíaDelFútbol pic.twitter.com/LmGeo9gxJE
— La Casa del Fútbol en Movistar+ (@casadelfutbol) May 20, 2018

Торес ерата во Атлетико ја заврши со 129 гола, низ кој започна уште во 2001 година во втората лига. Играше за мадридскиот им до 2007 година, па после епизодите во Ливерпул, Челзи и Милан, во 2015 година се врати дома. Емотивно вчера беше и на Камп Ноу, каде на вечниот капитен Иниеста пред стартот на мечот со Сосиедад му беше приредени спектакуларна кореографија со порака: „Иниеста засекогаш“.

? Camp Nou ?❤ #infinit8iniesta pic.twitter.com/1Y1vkQyD3G
— FC Barcelona ?? (@FCBarcelona_es) May 20, 2018

Андрес го напушта каталонскиот клуб после 673 натпревари, 22 години и 17 сениорски сезони, во текот на кои освои импресивни 32 трофеи. Кариерата веројатно ќе ја заврши во јапонскиот прволигаш Висел Кобе, чиј сопственик е главен спонзор на Барселона. Барселона сезоната ја заврши со победа од 1:0, а стрелецот на единствениот гол беше Кутињо во 57 минута.

Торес пред трансфер во САД

Даниел Василев — Wed, 16 May 2018 08:00:06 +0000

Напаѓачот на Атлетико Мадрид, Фернандо Торес се наоѓа пред заминување во американската МЛС лига. 34-годишниот шпански фудбалер по завршувањето на сезоната ќе стане слободен агент. Тој е во преговори со Монтреал и според последните информации објавени во американските медиуми, двете страни веќе постигнале договор. Торес оваа сезона постигна осум гола и запиша две асистенции на 43 натпревари колку што настапи за шпанскиот тим. Вечер во финалето од Лига Европа, Торес со Атлетико Мадрид ќе игра против Олимпик Марсеј, а в недела против Еибар за последен пат ќе го облече црвено-белиот дрес во Ла Лига. МИА

Торес: Атлетико е поважен од мене

Даниел Василев — Wed, 02 May 2018 14:05:37 +0000

Напаѓачот на Атлетико Мадрид, Фернандо Торес вели дека неговото заминување од тимот ова лето е вистинска работа за екипата. Торес по завршувањето на тековната сезона ќе се опрости од Мадриѓаните. -Секогаш ќе го ставам Атлетикот пред себе, тие ми се најважни. Мојот сон отсекогаш бил да играм овде, како дете и тоа го исполнив, рече Торес за шанска Марка. Тореш за Атлетико настапуваше во два наврати. Прво од 2001-2007, а потоа од 2015 досега. За клубот постигна вкупно 96 голови на 263 настапи. -Ова е втор пат да го напуштам клубот и двата пати беше поради негово добро, а би го направил тоа и трети, дури и четврти пат. Овој клуб мене ми значи се и секогаш ќе ми биде во срцето, рече Торес.

Торес: Не останувам во Шпанија по заминувањето од Атлетико

Матеја Петровски — Tue, 17 Apr 2018 10:52:54 +0000

Легендарниот фудбалер на Атлетико, Фернандо Торес изјави дека нема да остане во Ла Лига по завршување на актуелниот договор со клубот од Мадрид. - Уште не одлучив каде ќе ја продолжам кариерата. Постојат некои варијанти, но едно е сигурно, во Шпанија нема да останам. За во Европа не сум сигурен, додаде Торес. Поранешниот шпански репрезентативец има неколку понуди од американската МЛС лига. За него се интересираат Монтреал, Сиетл, Њу Јорк, Спортинг Канзас и Чикаго. Торес освен Атлетико играше за Ливерпул, Челзи и Милан, и беше дел од шпанската репрезентација која освои две Европски првенства и еден Светски шампионат. (Миа)