фетел – Kurir.mk

Фетел: Не очекував Леклер да се обиде да ме претекне

Тале Кристо — Sun, 12 Jul 2020 16:11:21 +0000

Пилотот на Ферари, Себастијан Фетел го сподели своето мислење за судир со тимскиот колега Шарл Леклер во првиот круг од денешната трка, втора оваа сезона во шампионатот во Формула 1. – Бев изненаден, не очекував Леклер да се обиде да ме престигне. Автомобилот овој пат беше многу подобар од пред една недела, па штета е што не бевме во можност да го провериме нашето тркачко темпо и нашите ажурирања, изјави Фетел. По судирот двајцата пилоти беа принудени предвреме да ја завршат трката. Леклер подоцна му се извини на партнерот.

Леклер се извини за судирот со Фетел

Тале Кристо — Sun, 12 Jul 2020 14:33:23 +0000

Пилотот на Ферари, Шарл Леклер му се извини на тимскиот колега Себастијан Фетел за денешниот инцидент во трката од Формула 1 шампионатот во Австрија. – Разочаран сум од себеси. Не можам да опишам со зборови колку е срамно. Направив недопустива грешка. Ја уништив седумдневната напорна работа на целиот тим. Бев нестрплив во желбата да напредувам од самиот почеток. Ќе ја научам лекцијата од оваа грешка, стои во извинувањето на Леклер. По судирот во првиот круг, двајцата пилоти на Ферари беа принудени предвремено да ја завршат трката.

Фетел: Кога од Ферари ми кажаа дека нема да го продолжат договорот со мене, веднаш го повикав Хелмут Марко

Тале Кристо — Tue, 07 Jul 2020 11:52:22 +0000

Пилотот Ферари, Себастијан Фетел зборуваше за одлуката на тимот да не го обнови договорот со него. – Сè уште мислам дека имав шанса да останам во Ферари. Прво ми најавија дека сакаат да ја продолжат соработката, а потоа одеднаш ми се јавија и рекоа дека нема да има понуда за нов договор. Јас ќе продолжам да го давам максимумот до последната трка. Да бидам искрен, кога Ферари ја објави одлуката за мене, веднаш го повикав Хелмут Марко (советник на Ред Бул). Не го прашав за слободно работно место, едноставно имаме добра врска, сакав да побарам совет. Сè уште не сум донел одлука, па не знам што ќе направам понатаму, изјави Фетел. Германецот во Ферари е од 2015 година.

Фетел е незадоволен од однесувањето на болидот за време на квалификациите на австриското Гран-при

Тале Кристо — Sat, 04 Jul 2020 19:01:24 +0000

Пилотот на Ферари, Себастијан Фетел го коментираше резултатот од квалификациите на Големата награда на Австрија. Тој го зазеде 11. место. – Секако, сметавме на повеќе. Се чини дека останатите отидоа на тренинзи со многу гориво, или ние самите делувавме премногу конзервативно, цитираше. Не сум задоволен од однесувањето на автомобилот посебно на излезот од кривините. Ајде да видиме како оди трката. Мислам дека ситуацијата ќе биде поинаква. Во трката, секогаш изгледаме подобро отколку во квалификациите. Затоа се надевам дека ќе заработиме доста бодови, изјави Фетел. Трката ќе се одржи утре со почеток во 15:10 часот на патеката „Ред Бул“.

Фетел по првиот тест на „Муџело“ по 8 години: Оваа патека заслужува да биде во Ф1

Дарко Андоновски — Wed, 24 Jun 2020 14:02:24 +0000

Возачот на Ферари, Себастијан Фетел, се врати зад воланот на автомобилот во Формула 1 за прв пат од паузата што ја наметна пандемијата од коронавирус. Четирикратниот светски шампион, заедно со неговиот тимски колега ШарлЛеклер, тренираа со автомобилот од пред две години на патеката „Муџело“. Ова беше прв тест на Формула 1 на патеката по осум години, кога во 2012 година Фетел возеше за последен пат со тимот на Ред Бул. Фетел, исто така, ја коментираше патеката, за која многу се шпекулира дека е голем кандидат за влез во календарот во Формула 1 подоцна оваа година. Причината е откажување на многу натпревари надвор од Европа. – Со задоволство се вратив во автомобилот по толку невобичаена пауза во Формула 1. За мене зимата е исклучително долга, а сега моравме да почекаме уште подолго до нашето враќање на патеката. Не можев да дочекам да ги видам момците од тимот по толку долго време. Беше огромно задоволство да се доживее уникатното чувство за излегување на автомобилот од гаражата по сето ова време. Патеката овде е импресивна и навистина мислам дека „Муџело“ заслужува и треба да се врати во календарот во Формула 1. Јас не сум бил овде веќе осум години, но после еден круг започнав навистина да уживам, изјави Германецот.

Шефот на Ферари: Ќе бидам среќен ако Фетел оди во Мерцедес

Тале Кристо — Sun, 07 Jun 2020 10:06:18 +0000

Шефот на Ф1 тимот на Ферари, Матија Биното го сподели своето мислење за идната дестинација на Себастијан Фетел, кој ќе го напушти италијанскиот тим по 2020 година. – Одлуката да се разделиме со Себастијан не беше лесна. Ние во Ферари го сакаме како возач и човек, тој е дел од нашиот тим. Ако Себ не најде место во кој било тим, тоа ќе биде сериозна загуба. Се шпекулира дека може да оди во Мерцедес. Ако се случи тоа, јас ќе бидам многу среќен за него. Фетел е одличен човек и професионалец. Сигурен сум дека тој сака да го заврши настапот во Ферари, давајќи се од себе зат тимот. Сигурен сум дека нема да имаме потешкотии, рече Биното за „Марка“.