ФЕТО – Kurir.mk

Ердоган-Рама: Нема да дозволиме ФЕТО да ги труе односите меѓу Турција и Албанија

Тале Кристо — Thu, 07 Jan 2021 14:40:36 +0000

Албанија и Турција се согласија дека терористичката организација ФЕТО претставува закана за двете земји. Затоа нема да дозволиме ФЕТО да ги труе односите меѓу Турција и Албанија, ова е заедничкиот став на турскиот претседател Реџеп Тајип Ердоган и албанскиот премиер Еди Рама на заедничката прес-конференција во Анкара, пренесуваат албанските медиуми.

Како што јави дописничката на МИА од Тирана, се додава дека ФЕТО е терористичка организација која ја предводи Фетула Ѓулен, кој живее во Соединетите Американски Држави, а за чија екстрадиција Турција има доставено официјално барање.

ФЕТО се смета дека е одговорна за крвавиот обид за државен удар во Турција ноќта на 15 јули во 2016 година. Во текот на обидот за државен удар во Турција загинаа 251, а ранети беа околу 2.200 лица.

На прес-конференцијата, турскиот претседател Ердоган ги нагласи историските врски на двете земји.

– Планираме да ги зголемиме инвестициите во инфраструктурата и туризмот во Албанија. Сакаме нашата економска соработка да ја подигнеме на повисоко ниво. Договоривме изградба на болница во градот Фиер, како и бесплатно лекување во Турција на 100 албански државјани заразени со Ковид-19, основање турски универзитет во Албанија и реставрација на џамијата во Скадар, рече Ердоган.

Турција и Албанија потпишаа Договор за унапредување на билатералните односи на ниво на стратешко партнерство.

– Ги подигнавме нашите односи на ниво на стратешко партнерство. Овој чекор што го направивме денеска ќе овозможи понатамошен развој на нашата соработка на секое поле, посочи Ердоган, посакувајќи слободни и демократски избори на 25 април, кои ќе бидат во полза на албанскиот народ.

Премиерот Рама се заблагодари за помошта дадена по земјотресот од 26 ноември минатата година, нагласувајќи дека Ердоган „не делува како многу држави за време на пандемијата кои ја запреа помошта за Албанија“.

Рама, кој денеска ја завршува дводневната посета, Ердоган вчера го дочека со официјална церемонија, а денеска албанската делегација го посети и музејот на таткото на современа Турција, Мустафа Кемал Ататурк.

Владата на Заев финансира весник поврзан со терористичката организација ФЕТО, одговорна за неуспешниот обид за државен удар во Турција

Ивана Ефремовски — Wed, 30 Jan 2019 16:39:21 +0000

Владата на Република Македонија објави список на печатени медиуми на кои им доделува финансиска поддршка. На 11 печатени медиуми им се исплатени 42.568.620 денари со владината Програма за поддршка на печатење и дистрибуција на печатени медиуми за 2018 година. Од Програмата за 2018 со која беа на располагање 50 милиони денари се исплаќаа трошоци за печање и за дистрибуција, врз основа на фактури за 2017 година. На „Нова Македонија” и се исплатени 6.183.000 денари, „Слободен печат” – 14.277.742 денара, „Битолски весник” – 244.500 денари, „Заман” 903.092 денара, ДИТ Зенит прес ДОО Прилеп – 287.343 денари, „Капитал” 2.115.614 дебнари, „Коха” – 4.932.157 денари, „Вечер” – 7.255.047 денари, „Лајм” – 1.043.912 денари, „Фокус” – 4.624.438 денари и на „Економија и бизнис„ – 701.105 денари. Меѓу горенаведените, можете да го забележите и весникот „Заман Македонија”. Истиот е поврзан со терористичката организација ФЕТО, одговорна за неуспешниот обид за државен удар во Турција. Амбасадата на Турција во Скопје, писмено реагирала во врска со овој случај, при што нагласила дека остро го осудува тоа што весникот „Заман Македонија” добил материјална поддршка во рамките на оваа програма од страна на македонската Влада. „Одлуката на Владата на Македонија да се додели финансиска поддршка за весник на ФЕТО ја сметаме за скандалозна и неприфатлива. Очекуваме дека Владата на Македонија ќе ја преиспита својата одлука и ќе ги земе в предвид долгогодишните пријателски односи помеѓу двете земји и двата народи“, стои во реакцијата на Амбасадата на Турција во Скопје, пренесува агенцијата. „Заман Македонија” од Владата на Зоран Заев доби 903.092 денара. Под ФЕТО, турските власти ја означуваат мрежата на исламистичкиот проповедник Фетула Ѓулен кој од 1999 година живее во доброволен егзил во САД, кого го обвинува дека стои зад обидот за формирање „држава во држава“ во турската администрација и организирање на неуспешниот воен удар, Што добива Владата на Република Македонија од терористичката организација ФЕТО, одговорна за неуспешниот обид за државен удар во Турција, па одлучи финансиски да ја поддржи, останува отворено прашање.

Анкара: ФБИ почна истрага во врска со т.н. ФЕТО

Ристе Здравков — Mon, 17 Dec 2018 17:21:50 +0000

Турскиот министер за надворешни работи Мевлут Чавошоглу изјави денеска дека ФБИ почна сериозна истрага во врска со т.н. Фетулахистичката терористичка организација (ФЕТО) Чавушоглу прецизираше дека на некои места, вклучително и во државата Њу Џерси, спроведени се неколку апсења. Турција го обвинува исламскиот проповедник Фетулах Ѓулен, кој живее во САД, и неговото движење за организирање на обидот за преврат во јули 2016 година. Чавушоглу и вчера рече дека американскиот претседател Доналд Трамп му кажал на својот турски колега Реџеп тајип Ердоган дека Вашингтон работи на екстрадиција на Ѓулен. Турција одамна бара екстрадиција на Ѓулен, кој живее во САД близу 20 години. Ѓулен негира секаква поврзаност со обидот за преврат.

Турските власти издадоа налози за апсење на 26 војници осомничени за поврзаност со ФЕТО

Ивона Петрова — Mon, 05 Nov 2018 10:51:34 +0000

Турските власти денеска издадоа налози за апсење на 26 војници осомничени за поврзаност со организацијата ФЕТО, јави турската телевизија Си-Ен-Ен Турк.

Главното обвинителство во Анкара утрово ги издала наредбите за апсење на војниците кои служеле во командата на копнените сили. Во тек е операција во 14 области на земјата. До сега се уапсени 20 војници, а полицијата ја продолжува потрагата по останатите шест осомничени. Според турските власти, групата ФЕТО на Фетулах Ѓулен кој живее во САД е одговорна за обидот за преврат во Турција во 2016 година. МИА

Во Турција издадена наредба за апсење на 56 лица поврзани со ФЕТО

Ристе Здравков — Wed, 24 Oct 2018 08:13:24 +0000

Во Истанбул е издадена наредба за апсење на 56 лица во рамки на истрагата за поврзаност со исламскиот проповедник Фетулах Ѓулен, објави приватниот телевизиски канал Си Ен Ен-Турк. Се претпоставува дека осомничените биле корисници на мобилната апликација Бајлок (ByLock), користена за подготовка и реализирање на обидот за државен удар на 15 јули 2016 година. Според турските власти, мрежата на Ѓулен – ФЕТО го организирала и извршила пучот, при што 250 луѓе загинаа, а околу 2.200 беа повредени.

Турција: Акција за апсење на 271 припадник на армијата

Даниел Василев — Fri, 06 Jul 2018 07:49:38 +0000

Турската полиција денеска почнала координирана акција за апсење на 271 припадник на армијата, кои се осомничени членови на групата ФЕТО на Фетула Ѓулен, кој е обвинет дека е организаторот на неуспешниот државен удар од 2016 година. Акцијата почна во пет часот изутрината. Меѓу бараните лица има 10 активни полковници како и пензионирани генерали кои биле во контакт со оперативци на Ѓулен. Од обидот за државен удар, во Турција беа уапсени над 160.000 лица, мнозина од нив од армијата, а уште приближно толку беа отпуштени до работа. Кривични пријави беа поднесени против 77.000 лица. МИА

Во Турција продолжува апсењето на војници поврзани со ФЕТО

Даниел Василев — Thu, 03 May 2018 10:21:36 +0000

Турските власти денеска издадоа налози за апсење на 70 војници под обвинение за поврзаност со организацијата на муслиманскиот свештеник Фејтулах Ѓулен (ФЕТО). По издадените налози полицијата спроведе акција за апсење во 35 турски оркузи. За турските власти Ѓулен, кој живее во егзил во САД, е организатор на неуспешниот воен удар во Турција, во јули 2016 година. МИА

Во Турција уапсени 63 лица осомничени за поврзаност со ФЕТО

Дарко Андоновски — Sat, 28 Apr 2018 12:00:03 +0000

Турската полиција во Истанбул и уште 35 окрузи во земјата утринава извршија истовремена операција против лица осомничени за врски со терористичката организација ФЕТО, при што се уапсени 63 лица, објави весникот „Милилет“. Операцијата беше извршена по истрагата што доведе до налог за апсење од вкупно 103 осомничени кои соработувале со членови на организацијата. Полицијата продолжува да дејствува за апсење други осомничени лица. Турските власти ја обвинуваат организацијата поврзана со американскиот исламски проповедник Фетулах Ѓулен дека стои зад обидот за државен удар во јули 2016 година.(МИА)