Фетулах Ѓулен – Kurir.mk

Турското обвинителство апси 158 осомничени за соработка со имамот Фетула Ѓулен

Ристе Здравков — Tue, 19 Oct 2021 08:08:52 +0000

Турското обвинителство нареди апсење на 158 осомничени , вклучувајќи и 33 војници во активна служба,поради наводна поврзаност со имамот Фетула Ѓулен, кого официјална Анкара го товари дека е одговорен за неуспешниот воен удар во 2016 година. Ѓулен кој живее во САД ,ја отфрли вмешаноста во неуспешниот воен пуч во јули 2016 година кога загинаа над 250 луѓе. Медиумите наведувата дека во текот на последната полициска рација уапсени се 97 луѓе . а меѓу осомничените се и 110 питомци на Военото училиште како и 48 поранешни и активни припадници на армијата. Колку за потсетување . По неуспешниот воен удар околу 80.000 лица беа во притвор очекувајќи судење а околу 150.000 државни службеници , воени лица и други се отпуштени од работа или суспендирани, а околу 20.000 луѓе се буквално исфрлени од работа. Forto: DW

Турција очекува Македонија да и предаде 86 лица поврзани со Фетулах Ѓулен

Ивона Петрова — Wed, 14 Jul 2021 11:20:13 +0000

Турција очекува од Македонија да и бидат испорачани 86 лица, турски државјани, кои се осомничени за поврзаност со движењето на проповедникот Фетулах Ѓулен, кого Анкара го смета за организатор на обидот за државен удар во земјата пред пет години. – Во изминатите четири години зголемен е бројот на барањата за депортирање и екстрадиции до властите во земјава. Вкупно за 86 лица се бара депортирање од земјата, за 20 од нив се бара екстрадиција. Сите овие барања се испратени до надлежните на Северна Македонија, но засега не е преземен чекор во оваа насока, изјави турскиот амбасадор во Скопје, Хасан Мехмет Секизќок на денешната прес-конференција по повод 15 јули – Денот на демократијата и националното единство на Турција. Тој истакна дека во изминативе пет години еден од основните приоритети на турската држава беше оневозможување на дејствувањето во земјата и во странство на движењето на Ѓулен, кое Анкара го нарекува „Фетулахистичка терористичката организација“ – ФЕТО. Во Турција, рече Секизќок, е „дешифрирана структурната поставеност на ФЕТО во државните и вондржавните институции“ и се сузбиени нејзините активности, а спроведени се и депортации од странски држави. – Кога сме кај Северна Македонија, структурите на ФЕТО продолжуваат да бидат присутни во земјава затскриени зад превези како образовни институции и трговски друштва. Во секоја прилика до надлежните на Северна Македонија ги пренесуваме нашите барања за оневозможување за дејствување на структурите на ФЕТО и депортирање на лицата поврзани со ФЕТО. Ставањето крај на дејностите на структурите на ФЕТО и депортирањето на лицата поврзани со ФЕТО ќе претствуваат конкретни чекори од аспект на билатералната соработка во насока на борбата против тероризмот. Ја користам оваа прилика одново уште еднаш да ги истакнам овие очекувања. Со одлучност ќе продолжат нашите дејности во насока на сузбивање на структурите на ФЕТО во странство, рече амбасадорот Секизќок. Тој сепак посочи дека односите меѓу Турција и Северна Македонија се зановаат врз цврсти темели и не зависат од само едно досие. – Ние со актуелизирање на барањата во врска со ФЕТО изразуваме наше легитимно барање. Турција секогаш ќе ги следи овие барања, бидејќи ние како држава сметаме дека овде ги реализираме потребите на правните постапки. Испратени се досиејата за лицата за кои бараме екстрадиција и депортирање и ќе продолжиме и во иднина да ги следиме овие наши барања. Тоа не се однесува само на Северна Македонија. Турција со упорност ќе ги следи овие барања не само за припадниците на ФЕТО, туку и за припадниците на сите останати терористички организации против кои се бориме. Бегањето од првадата не може да биде трајно и доколку не се овозможи да одговараат пред правдата овие лица ќе се загрози чувството и меѓународната совест во врска со правдата, рече амбасадорот Секизќок. Во однос на екстрадицијата на Фетулах Ѓулен, кој живее од САД, Секизќок истакна дека се уште не се исполнети очекувањата на Турција, но оти со упорност ќе продолжат да ја следат ситуацијата, а оваа тема секогаш ќе се актуелизира во билатералните односи со Вашингтон. Запрашан за спорот на земјава со Софија, турскиот амбасадор истакна дека не може да коментира на таа тема која е „надвор од неговите надлежности“, но го повтори официјалниот став на Анкара дека Северна Македонија и Бугарија се две пријателски земји и оти верува дека со взаемна добра намера и со дипломатски дијалог може да се дојде до решение. Во неуспешниот обид за државен удар во Турција на 15 јули 2016 година што според турските власти го организираше движењето на Фетулах Ѓулен, загинаа 251 лице, а над 2000 беа повредени.

Уапсен внукот на Фетулах Ѓулен

Тале Кристо — Mon, 31 May 2021 11:48:22 +0000

Турската разузнавачка служба го уапси во странство и го врати во земјата внукот на исламскиот проповедник Фетулах Ѓулен, противникот на претседателот Реџеп Тајип Ердоган кој го обвини за неуспешниот државен удар во 2016 година. Агенти на Националните разузнавачки организации го уапсија Селахадин Ѓулен и го вратија во Турција, објави агенцијата Анадолија. Не се наведува во која земја е извршено апсењето. Агенцијата, која објави и фотографии на осомничениот со лисици на рацете, не соопшти дали операцијата е спроведена во соработка со земјата каде што е уапсен внукот на Ѓулен. Фетулах Ѓулен, кој живее во САД, е лидер на една невладина организација и компанија и од 2016 година ги отфрла тврдењата дека е вмешан во обидот за државен удар во Турција. Ердоган смета дека Ѓулен е предводник на терористичка организација, со цел да се собори актуелната турска Влада. Од неуспешниот обид за преврат во 2016 година досега уапсени се неколку десетици илјади луѓе, а над 140.000 се отпуштени или суспендирани од своите должности.

Tурција нареди притворaњe на уште над 300 осомничени поддржувачи на Фетулах Ѓулен

Тале Кристо — Tue, 16 Jun 2020 10:46:06 +0000

Турските власти наредиле притворање на уште 318 осомничени поддржувачи на исламскиот свештеник Фетулах Ѓулен, кој со години живее и се крие во САД, а во врска со неуспешниот пуч во 2016 година, каде тој е посочен за организатор, објави денеска агенцијата Анадолија. ДПА пренесува дека повеќето од осомничените се припадници на војската, кои се товарат за своите врски со Ѓулен. Денешните рации се изведени во неколку провинции, вклучувајќи ги и Истанбул и главниот град Анкара. Во Измир се бараат 167 активни или поранешни војници, додека јавниот обвинител во Истанбул нареди апсење на 84 осомничени лица, јави Анадолија. ДПА јавува дека се приведени веќе приближно 200 лица, додека полицијата трага по останатите осомничени низ целата земја. Турција го смета движењето на Ѓулен за терористичка организација и постојано соопштува дека неговата мрежа со децении се инфилтрирала во клучните јавни институции за да го контролира она што владата го нарекува „паралелна држава“.

Турција: Се апсат 176 војници поради поврзаност со Ѓулен

Ивона Петрова — Tue, 14 Jan 2020 07:46:26 +0000

Турското обвинителствo издаде налог за апсење на 176 војници под сомнение дека се поврзани со мрежата на Фетулах Ѓулен, за кој Анкара тврди дека стои зад обидот за пуч пред три и пол години, јави државната новинска агенција „Анадолија“. Меѓу оние на кои им се заканува апсење се 143 поручници, од кои 97 се уште се на должност и 33 помлади поручни лица, од кои 11 се уште се на должност. Апсење им се заканува и на шест пилоти на авиони Ф-16. Полициската акција против осомничените била координирана од западниот град Измир и насочена во 49 провинции, според Анадолија. Ѓулен негираше каква било вмешаност во неуспешниот обид за пуч во јули 2016 година, во кој загинаа околу 250 луѓе.

Турција наложи апсење на 1.112 лица поради поврзаност со Ѓулен

Ивана Ефремовски — Tue, 12 Feb 2019 13:25:44 +0000

Турските власти денеска издадоа налози за апсење на 1.112 лица, осомничени за поврзаност со движењето на исламскиот проповедник Фетулах Ѓулен, кого Анкара го обвинува дека стои зад обидот за државен удар во Турција во 2016 година. Како што јави турската агенција Анадолија, налози за апсење се издадени во рамки на истрагата за наводни измани на испит во 2010 година, со што им е овозможено на полицајци да станат заменици полициски инспектори. Обвинителството тврди дека прашањата пред тестот им биле поделени на следбеници на Ѓулен, кој живее во доброволен егзил во САД. Ова е една од најголемите операции против мрежата на Ѓулен по неуспешниот државен удар. Полицијата покрена симултани операции во Анкара и во уште 75 провинции. Од неуспешниот државен удар, досега се уапсени околу 77.000 луѓе, а 130.000 се отпуштени од работа. Ѓулен, од своја страна, негира дека имал каква било поврзаност со обидот за државен удар.

Во Турција уапсени 48 пилоти поради наводна поврзаност со Ѓулен

Предраг Кукиќ — Wed, 30 Jan 2019 11:17:38 +0000

Турските власти уапсиле 48 воени пилоти за кои постои сомневање дека се поврзани со Фетулах Ѓулен. Официјална Анкара го обвинува Ѓулен за организирање на обидот за преврат во 2016 година. Обвинителството во Анкара соопшти дека се уапсени 48 пилоти на хеликоптери. Сите се во составот на командата на копнената армија, тројца се со чин полковник и четворица со чин потполковник. Уапсените пилоти се во притвор во седиштето на полицијата за борба против тероризам. Обвинител издаде и налог за апсење на 15 цивили за кои постои сомнеж дека биле „врска“ на пилотите со движењето на Ѓулен.

Уапсени 22 лица поради наводна поврзаност со Фетулах Ѓулен

Ристе Здравков — Mon, 24 Dec 2018 11:02:26 +0000

Турските безбедносни сили уапсија денеска 22 лица, осомничени за поврзаност со движењето на муслиманскиот проповедник Фетулах Ѓулен. Безбедносните сили спровеле антитерористичка акција во северозападниот округ Бурса. При претрес во домовите на осомничените биле конфискувани големи суми пари во различни валути и многу книги од Ѓулен. Според турските власти, движењето на Ѓулен, кој живее во САД, е одговорно за обидот за преврат во Турција во 2016 година.

Трамп не размислува за екстрадиција на Ѓулен

Ристе Здравков — Sat, 17 Nov 2018 16:31:18 +0000

Американскиот претседател Доналд Трамп изјави денеска дека не ја разгледува можноста за екстрадиција на исламскиот проповедник Фетулах Ѓулен. – Не, тоа не се разгледува, нагласи Трамп. Турските власти бараат Ѓулен да биде екстрадиран во Турција поради вмешаност во неуспешниот пуч во 2016 година.

Нови проблеми за Арда Туран, го поврзуваат со Ѓулен

Ристе Здравков — Fri, 19 Oct 2018 07:26:47 +0000

Поранешната ѕвезда на Барселона, Арда Туран, доживува вистински пекол во својата родна Турција. Откако беше казнет за туркање на асистент-судија, а потоа се степа со познат локален пејач, обвинителството сега го гони Туран за тероризам. Обвиненијата се повеќе од тешки и може да остават траен белег врз неговиот живот, бидејќи има сомневања дека фудбалерот одржува врски со луѓе на исламскиот свештеник Фетхулах Ѓулен, кој во Турција е со статус на терорист и поттикнувач на обидот за преврат во 2016-та година. Обвинителството се сомнева дека фудбалерот помага на екстремистите, заедно со уште шестмина играчи од домашното првенство, пренесе локалното издание „Хуриет“. Ако обвиненијата бидат докажани, ќе бидат прифатени како „нож во грбот“ на турскиот претседател Реџеп Таип Ердоган, кој не само што е близок до Туран, но дури и му беше кум на свадбата.