ФХ3Х – Kurir.mk

ФХ3Х во третата сезона на Star Trek Discovery

Ивона Петрова — Fri, 18 Dec 2020 09:30:44 +0000

По успешната соработка на првите две сезони од серијата Star Trek Discovery, македонската компанија за анимација и визуелни ефекти ФХ3Х ја заврши работата на третата сезона, во која беше ангажирана од четвртата до 13-та епизода. Третата сезона на оваа популарна американска серија го следи екипажот на USS Discovery во авантури во иднината, скоро еден милениум по настаните во оригиналната серија. Оваа сезона е во продукција на CBS Television Studios и започна со премиерно прикажување на CBS на 15 октомври 2020, а ќе се прикажува нова епизода секоја недела до 7 јануари 2021 година. Во октомври оваа година беше најавена и четврта сезона. Овој проект ФХ3Х веќе три сезони го потпишува како одговорна за визуелните ефекти, а годинава на одјавната шпица, покрај ФХ3Х и Канадскиот филмски фонд за поддршка, се појавува и Агенцијата за филм на Република Северна Македонија, за продукциската поддршка. Ова е прв пат Агенцијата за филм да се потпише на проект од највисоката А продукција и самото појавување ќе привлече, според ФХ3Х, многу внимание во Холивудските продукциски компании. -Оваа сезона на „Star Trek Discovery“ е прва серија која речиси целосно се прави со визуелни ефекти, а чија пост-продукција се работеше во услови на светска пандемија. При тоа, уште од самиот почеток во ФХ3Х, благодарејќи на нашиот ИТ тим, успешно беше аплициран системот за даличинско работење кој ги задоволува високите стандарди барани од Холивудскте продукции. Со ова нашите вработени можеа да работат од дома без да се изложуваат на дополнителни ризици, наведуваат од компанијата. Миливоје Ѓорѓевиќ, ко-основач на ФХ3Х посочи дека вообичаено, визуелните ефекти за една епизода се изработуваат за 10 месеци, но заради пандемијата работата траеше подолго, особено што заради прекинот на снимањата некои кадри беа комплетно изработувани компјутерски, за да се исполнат барањата на продукцијата. Netflix ги има правата за емитување на серијата во 188 земји и фановите веќе имаа можност да ги погледнат првите девет епизоди, додека 10-та е објавена денеска. На Netflix во Македонија се емитуваше денеска во 9 часот изутрина.

Филм на кој работеше македонска компанија влезе во трка за Оскар

Ивана Ефремовски — Tue, 22 Jan 2019 14:53:27 +0000

Дали Оскарот за визуелни ефекти ќе го добие Танос? Македонската компанија за анимација и визуелни ефекти ФХ3Х учествуваше во креирањето на визуелните ефекти „Одмаздници:Војна на бесконечноста„ кој доби номинација за Оскар, официјалната церемонија на доделувањето е на 24ти февруари Номинациите за 91то доделување на Оскарите беа објавени денес, на 22ри Јануари во 15:20 часот во Семјуел Голдвин театарот во Лос Анѓелес, од страна на Трејси Елис Рос и Кумал Нанџани. Номинираните филмови за најдобри визуелни ефекти во изминатата година се:„Кристофер Робин„ „Одмаздници: Војна на бесконечноста„, „Првиот човек„, „Спремен Играч број Еден„, „Соло:Приказна за Војна на ѕвездите„. ФХ3Х учествуваше во креирањето на визуелните ефекти на „Одмаздници: Војна на бесконечноста„. ФХ3Х во 2018 година ФХ3Х 2018 година ја започна со реализирана цел која беше една декада зацртана во портфолиото на компанијата: „Star Wars: The Last Jedi”со што конечно се исполни стремежот да се работи на една од најпознатите франшизи во филмската индустрија, особено кога се визуелните ефекти во прашање. Во текот на 2018 година беа реализирани 20 проекти, од кои 16 во филмска и 4 во телевизиска продукција. Во првата спаѓаат: „Црниот Пантер„, „Томб Рајдер„, „Одмаздници: Војна на бесконечноста„, „Дедпул 2„,„Јурасик Светот:Паднатото кралство„, „Еквилајзер2„, „Шпионот кој ме откачи„,„ Мег„, „Невозможна мисија: Пребројување„, „Предатор„, „Венум„, „22рата милја„, „Крид2„, „Аквамен„ и „Мери Попинс се враќа„. Проектите во телевизиската продукција беа филмовите: „Кутија за птици„ и „Кралот Одметник„, „Ураган„ и сериите „Стар трек дискавери„ и „Игра на тронови„ ФХ3Х од почетокот до денес Со една ретроспектива дојдовме до следниве информации: 1.ФХ3Х има досега реализирано 135 проекти од кои 120 филмски и 15 ТВ 2. Од филмовите на кои имаме работено 18 биле номинирани за Оскар 3. Од телевизиските проекти 4 биле со соодветни телевизиски номинации или награди

Награди за филмови

Филмови на кои ФХ3Х беше дел а кои добија Оскари: „Златниот компас„ 2008 година, „Животот на ПИ„ - 2013 година, „Ранго„ - Оскар за анимација во 2012 година.

ФХ3Х учествуваше во ефектите на шест од 20 филма во трка за номинација за Оскар, утре премиера на Аквамен

Ивона Петрова — Wed, 12 Dec 2018 14:38:41 +0000

Македонската компанија за анимација и визуелни ефекти ФХ3Х учествуваше во креирањето на визуелните ефекти на шест од вкупно 20 филмови кои се најдоа во трката за номинација на Оскарите во оваа категорија за следната година, меѓу кои е и „Аквамен“. „Аквамен“ е најновиот член на Ди-Си Комикс Универзумот филм чија премиера е закажана за утре вечер во Скопје, една недела пред светската премиера. Аквамен е во режија на Џејмс Ван, а носителот на главната улога Џејсон Момоа има импресивен актерски тим покрај себе: Амбер Херд, Вилијам Дефо, Патрик Вилсон, Долф Лундргрен и Никол Кидман. Тие ќе ја раскажат приказната за Артур, наследникот на подводното кралство Атлантис, кој мора да ја прифати улогата на крал и да го поведе својот народ против својот полубрат Орм, чија целе е да ги обедини седумте подводни кралства против светот надвор од водата. Според Кристијан Даниловски, ко-сопственик на ФХ3Х и извршен продуцент, на овој проект биле ангажирани вкупно 70 артисти во периодот од мај до октомври, годинава, и се изработиле околу 200 кадри. -Филмот е исто така еден од кандидатите за номинација за Оскар за визуелни ефекти, кој се избори да биде на листата со уште 19 други, од кои Академијата за филмски науки и уметности до крајот на декември ќе избере 10. Номинациите ќе бидат соопштени на 22 јануари 2019 година, рече Даниловски. Инаку, покрај во Аквамен ФХ3Х беше дел и од визуелните ефекти во: “Avengers: Infinity War” “Black Panther”, “Jurassic World: Fallen Kingdom” и “Mission: Impossible – Fallout” Листата на филмови кои се борат за номинација за Оскар за визуелни ефекти се: “Ant-Man and the Wasp”, “Aquaman”, “Avengers: Infinity War”, “Black Panther”, “Bumblebee”, “Christopher Robin”, “Fantastic Beasts: The Crimes of Grindelwald”, “First Man”, “Incredibles 2”, “Isle of Dogs”, “Jurassic World: Fallen Kingdom”, “Mary Poppins Returns”, “Mission: Impossible – Fallout”, “Mortal Engines”, “The Nutcracker and the Four Realms”, “Paddington 2”, “A Quiet Place”, “Ready Player One”, “Solo: A Star Wars Story” и “Welcome to Marwen”. МИА

ФХ3Х дел од ефектите на „Мег“- ајкулата чудовиште

Катерина Бојаџиева — Wed, 22 Aug 2018 13:55:26 +0000

Македонската компанија за анимација и визуелни ефекти ФХ3Х учествуваше во креирањето на визуелните ефекти на филмот „МЕГ“, кој од утревечер ќе почне да се прикажува во Скопје. Филмот е снимен според новелата „Мег: Новела на длабок терор“ на Стив Алтен, кој пак бил инспириран од приказната за гребенот Мариана во Пацификот. Дејството на филмот е лоцирано токму во овој гребен, кој со своите повеќе од десет илјади километри, е најдлабокиот кој му е познат на човештвото. Од длабочините на ова најенигматско место на Океанот се појавува дваесет метри долгата ајкула Мегалодон, а тука е и палеонтолог, кој се обидува да го спречи нападот на ајкулата и нејзиното размножување. Според Кристијан Даниловски, ко-сопственик на ФХ3Х и извршен продуцент, на овој проект се работело од април до октомври, минатата година, а биле ангажирани 80 артисти. - Филмот доби добри критики како научно-фантастичен трилер и летна забава, секако умерена, бидејќи е и за деца над 13 години. Заработката, иако можеби не е единственото мерило за квалитетот на филмот, но Мег трипати го надмина буџетот за продукција и досега заработи 315 милиони долари, а во многу земји во светот, меѓу кои и во нашата, премиерата допрва претстои. Оценката на визуелните ефекти, она што нас најмногу не интересира, е повеќе од одлична. Според Форбс, тие се импресивни, и тоа е доволно да не привлече да одиме во кино и да го погледнеме филмот, вели Даниловски. Во главните улоги настапуваат Џон Статам и Лин Бингбинг, а во останатите улоги се појавуваат Раин Вилсон, Руби Роуз, Винстон Чао и Клиф Кртис. Режијата е на Џон Тртлтауб.

ФХ3Х дел од ефектите на „Невозможна мисија: Пребројување“

Ивона Петрова — Thu, 26 Jul 2018 07:06:35 +0000

Македонската компанија за анимација и визуелни ефекти ФХ3Х учествуваше во креирањето на визуелните ефекти на шестиот дел на филмот „Невозможна мисија“ насловен „Пребројување“, кој од вечерва ќе почне да се прикажува во Скопје. Филмот е во режија на Кристофер Мекуери, додека главната улога повторно ја игра Том Круз во придружба на Ребека Фергусон, Сајмон Пег, Алек Болдвин и овојпат и Анџела Басет. Ова е шести дел во серијата филмови за Итан Хант и неговиот тим кои секогаш се во трка со времето да си ги спасат сопствените животи. Кристијан Даниловски, ко-сопственик на ФХ3Х и извршен продуцент, на овој проект изјави дека на филмот работеле во мај годинава со тим од околу 30 артисти. - Од шестото продолжение на франшизата Невозможна мисија, според критиките кои ги добива, можеме да очекуваме филм, кој е подобар од претходните делови. Сите релевантни холивудски медиуми како Холивуд Репортер, Ротен Томатос и Камингсун.нет имаат одлични оценки, дури и комплименти од типот на споредби со Мед Макс: Фјури Роад и со некои од најдобрите кинематографски остварувања на Спилберг, но останува самите да погледнеме и да се увериме, вели Даниловски. Филмот ќе се прикажува од вечерва во кино Милениум.