Фиат Крајслер – Kurir.mk

Фиат Крајслер објави загуба од една милијарда евра за вториот квартал од годината

Дарко Андоновски — Fri, 31 Jul 2020 13:51:20 +0000

Италијанско-американски производител на автомобили Фиат Крајслер во второто тримесечје пријави загуби од 1,04 милијарди евра, како резултат на колапсот на глобалната економија предизвикан од епидемијата на Ковид-19. Сепак, резултатот е подобар од очекуваниот, откако аналитичарите прогнозираа загуби од две милијарди евра. – Второто тримесечје покажа дека одлучните акции и и извонредните придонеси на нашата работна сила и овозможија на компанијата да управува со влијанието од кризата со Ковид-19, рече извршниот директор Мајк Манли. – Нашите фабрики работат, производите се продаваат во изложбени салони и преку Интернет. Имаме флексибилност и финансиска сила да продолжиме со нашите планови, рече тој. Фиат Крајслер треба да се спои со францускиот ПСА, а компанијата во петокот соопшти дека „кризата со Ковид-19 дополнително ја потенцира неопходната логика“ на спојувањето. – Работата на двата тима за комплетирање на спојувањето продолжува и очекуваме да се постигне спојување во една компанија до крајот на првиот квартал на 2021 година, соопшти Фиат Крајслер.

ЕК ќе отвори истрага за спојувањето на Пежо ПСА со Фиат – Крајслер

Тале Кристо — Wed, 17 Jun 2020 16:32:59 +0000

Европската комисија денеска најави отворање детална истрага за спојување на францускиот Пежо ПСА и италијанско-американскиот производител на автомобили Фиат-Крајслер, стравувајќи од намалување на конкуренцијата. – Двете групи, што ќе го формираат четвртиот по големина производител на автомобили во светот, имаат „силно место“ на пазарот на автомобили. Ние внимателно ќе процениме дали предложената трансакција ќе има негативно на конкуренција на пазарот, истакна еврокомесарката за конкуренција, Маргарет Вестагер. ЕК, која треба да донесе одлука до 22 октомври, загрижена е дека спојувањето ќе ја намали конкуренцијата за возила помали од 3,5 тони во 14 земји-членки на ЕУ (Белгија, Хрватска, Чешка, Шпанија, Франција, Грција, Унгарија, Италија, Литванија, Луксембург, Полска, Португалија, Словачка, Словенија и Шпанија), како и во Велика Британија.

Рено ги одложи разговорите за соединување со Фиат Крајслер

Катерина Бојаџиева — Wed, 05 Jun 2019 08:45:31 +0000

Француската автомобилска компанија „Рено“ денеска ги одложи разговорите за соединување со италијанско –американската компанија „Фиат Крајслер“ (ФЦА), иако Управниот одбор на „Рено“ вчера, по состанокот во своето седиште, во близина на Париз, соопшти дека одлучиле денеска повторно да се сретнат и да ја разгледаат понудата на компанијата „Фиат Крајслер“ за соединување. По неколкудневни преговори, „Фиат Крајслер“ предложи „трансформативен“ договор за спојување со француската автокомпанија „Рено“. Италијанско-американскиот гигант претходно соопшти дека со таа спогодба ќе се создаде производител на автомобил што ќе продава 8,7 милиони возила годишно, на сите клучни пазари. – Благодарение на новите технологии, таквата компанија ќе има и до пет милијарди евра годишна заштеда. Широкото и комплементарно портфолио на двата бренда ќе овозможи целосна покриеност на пазарот, од луксуз до секојдневие, се наведува во соопштението на ФЦА. По исплата на специјална дивиденда од 2,5 милијарди евра на акционерите на ФЦА, секоја групација треба да добие по 50 отсто од комбинираниот ентитет во нови акции. Притисокот за консолидација меѓу производителите на автомобили е предизвикан од електрификацијата, заострување на прописите за емисија на штетни гасови и поскапите нови технологии.

Се спојуваат два автомобилски гиганти

Катерина Бојаџиева — Mon, 27 May 2019 09:59:20 +0000

По неколкудневни преговори, „Фиат Крајслер“ (ФЦА) предложи „трансформативен” договор за спојување со француската автокомпанија „Рено“, соопшти италијанско-американскиот гигант. Со таа спогодба би се создал производител на автомобил што би продавал 8,7 милиони возила годишно, на сите клучни пазари. Благодарение на новите технологии, таквата компанија ќе има и до пет милијарди евра годишна заштеда, наведува ФЦА. – Широкото и комплементарно портфолио на двата бренда би овозможило целосна покриеност на пазарот, од луксуз до секојдневие, се додава во соопштението на ФЦА. По исплата на специјална дивиденда од 2,5 милијарди евра на акционерите на ФЦА, секоја групација би добила по 50 отсто од комбинираниот ентитет во нови акции. Притисокот за консолидација меѓу производителите на автомобили е предизвикан од електрификацијата, заострување на прописите за емисија на штетни гасови и поскапите нови технологии.

Почина поранешниот шеф на Фиат Крајслер

Ивона Петрова — Wed, 25 Jul 2018 11:01:18 +0000

Поранешниот шеф на Фијат Крајслер Серџо Маркионе почина денеска, на возраст од 66 години, соопшти компанијата Фиат. - За жал, Серџо Маркионе, човек и пријател, почина, соопшти директорот на Ферари Џон Елкан. Компанијата на семејството Анџели, која го основаше Фиат, ја потврди смртта на Маркионе. Тој дојде во Фиат во 2004 година и го водеше спојувањето на со тогаш банкротираниот американски Крајслер. Од тие две компании изгради седми најголем произведувач на автомобили во светот. Маркионе пред три седмици го оперираше рамото во Швајцарија. Фиат Крајслер во саботата соопшти дека поради лошото здравје, Маркионе нема да може да се врати на работа и оти му е пронајдена замена. МИА