фиат – Kurir.mk

„Фиат“ го создаде првиот виртуелен салон во Метаверзумот

Тале Кристо — Fri, 02 Dec 2022 11:20:25 +0000

Италијанската автомобилска компанија „Фиат“ стана првата во светот со свој изложбен салон во тн. Метаверзум, со цел „да го револуционизира искуството“ на купувачите. Метаверзумот на „Фиат“, се чини, не е поврзан со „Мета’с Мета“, а и за пристап до салонот не требаат уреди за виртуелна реалност. На овој начин, корисникот се наоѓа во интерактивното искуство во салонот, заедно со службеникот кој е достапен да одговори на сите прашања за електричната мобилност, полнењето и други податоци за новиот „Фиат 500“. Сепак, потребно е врската на виртуелниот салон да се закаже, со што се одредува датумот на „посетата“. Оваа алатка, исто така, овозможува „креирање на возачкото искуство“ на патеката „Ла писта 500“ којашто се наоѓа во Торино, Италија. Виртуелното искуство е во постојан развој и подобрување, а разни модели ќе бидат достапни до јуни 2023 година. Италија во почетоков има предност во однос на достапноста.

Фиат ја продава својата филијала за авто-делови на Јапонци за седум милијарди долари

Ристе Здравков — Mon, 22 Oct 2018 13:42:33 +0000

Автомобилската компанија Фиат Крајслер Автомобили (ФЦА) соопшти дека ја продава својата фабрика за автомобили, Мањети Марели. Таа се продава на јапонскиот производител на делови за автомобили „Калсони Кансеи“ за седум милијарди долари. Според ФЦА, тоа ќе биде седмиот по големина светски производител на авто делови со поголем географски опсег, обем и финансиска моќ, а кој исто така ќе има вкупно 200 погони во Европа, Јапонија, Јужна и Северна Америка и Азиско-Пацифичкио регион, Во соопштението се додава дека новиот ентитет ќе се вика Мањети Марели ЦК Холдингс. Продажбата на таа филијала долго време беше планирана во рамките на стратегијата на поранешниот извршен директор на ФЦА, Серџо Маркони.

Штрајк на работниците во „Фиат“ поради Роналдо

Дарко Андоновски — Wed, 11 Jul 2018 14:34:07 +0000

Работниците во автомобилскиот концерн „Фиат“ ќе почнат штрајк поради трансферот на Кристијано Роналдо во Јувентус за 105 милиони евра, информираат од Синдикатот. Според информациите, дел од сумата за неговиот трансфер ќе биде платена преку спонзорство од компанијата „Ексор“, сопственик на „Фиат“ и „Ферари“. - Недозволиво е работниците во претпријатието да понесат економски рестрикции, а во исто време да се трошат стотици милиони за купување на фудбалер. Постојано ни се кажува дека времињата се тешки и треба да штедиме, додека чекаме да се пуштат новите модели кои сепак така и не доаѓаат. И додека работниците и нивните семејства ги затегнуваат ремените се повеќе, компанијата одлучи да инвестира многу пари во еден единствен човек. Чесно ли е тоа? Нормално ли е човек да заработува милиони, додека илјадници семејства едвај преживуваат до средината на месецот. Поради тоа објавуваме штрајк од недела, 15 јули до вторник, 17 јули, се наведува во изјавата на Синдикатот.