фиба – Kurir.mk

ФИБА ги откажа натпреварите на израелските клубови

Бошко Тасиќ — Wed, 11 Oct 2023 05:22:35 +0000

ФИБА одлучи да ги откаже натпреварите на израелските тимови во сите натпреварувања под нејзина капа. По ракетниот напад во Израел, сите спортски настани беа откажани со одлука на Министерството за спорт, а како што ситуацијата во земјата станува уште посложена, одлуките на меѓународните натпреварувања беа исти. Бнеи Херзли, Ирони Нес Зиона и Хапоел Елион нема да ги одиграат натпреварите во машкиот Европски куп, додека женските тимови Рамат Хашарон и Елизур Рамла нема да играат во европскиот куп. „Со оглед на актуелните настани во Израел и следејќи ги препораките на безбедносните служби, канцеларијата на ФИБА Европа одлучи да ги откаже сите натпревари на израелските тимови во сите натпреварувања под наше покровителство до понатамошно известување“, се вели во соопштението.

Македонија ја доби првата жена судија со знакот на ФИБА!

Бошко Тасиќ — Wed, 04 Oct 2023 04:07:42 +0000

Македонската кошарка минатиот месец на семинарот во Загреб доби уште двајца судии со знакот на ФИБА, а што е посебно за оваа информација е фактот што покрај Андреј Златевски чест да биде дел од меѓународното семејство доби и Ема Никочевиќ, која со тоа стана првата судијка од нашата држава која доби(ва) шанса да ја дели правдата на меѓународни натпревари. Станува збор за 29.годишна поранешна кошаркарка, која покрај определбата да биде професионален физиотерапевт реши да почне и нова интернационална кариера како дел од најдобрата судиска фела во светот. „Почнав да судам пред седум години и тоа натпревари во училишните лиги, но и т.н. ‘мали лиги' во Шведска. Во сениорски ранг ‘влегов’ во втората половина од натпреварувачката сезона 2018/2019, а веќе во наредната почнав да судам натпревари од највисокото ниво. Минатата сезона судев на 25 натпревари од Втората и Третата лига-мажи, но и дваесетина натпревари од женската Прва лига, вклучувајќи го и женскиот Суперкуп“, вели Никочевиќ. Првата македонска судијка има јасни цели за предизвиците што се пред неа. „Сакам да стекнам меѓународно искуство, да учам од најдобрите ФИБА-судии. Со нетрпение очекувам да запознаам нови луѓе, да ги проширам моите хоризонти и стекнување кошаркарски пријатели од целиот свет. Исто така, сакам да поттикнам повеќе женски колеги во обидите да станат судии и комесари на ФИБА во мојата земја“, дополнува Никочевиќ.

Пад од шест места на македонските кошаркари на ФИБА рангирањето

Ивана Ефремовски — Fri, 15 Sep 2023 15:01:02 +0000

Македонската машка кошаркарска репрезентација се спушти шест места на најновата ранг-листа која денеска ја објави Светската кошаркарска федерација (ФИБА). Со 187.4 поени, македонските кошаркари на најновиот ФИБА ранкинг се на 59. место во светски и на 30 место во европски рамки. Ранг-листата која ФИБА ја објави пет денови по завршувањето на Светското првенство ја предводи американската репрезентација, иако остана без мундијалски медал и се пласираше на четвртото место со три порази. Шпанија се симна на второто место, додека новиот светски првак Германија скокна осум позиции и прв пат во историјата е меѓу Топ 3 на ФИБА ранг-листата. (МИА)

Пет кандидати во игра за најдобар млад играч на Светското првенство

Бошко Тасиќ — Mon, 04 Sep 2023 17:35:55 +0000

Светската кошаркарска федерација (ФИБА) ги објави имињата на сите млади играчи кои ќе бидат во конкуренција за наградата која му припаѓа на најдобриот млад играч, а тука се најде и српскиот репрезентативец, Никола Јовиќ. Нему друштво му прават уште Џош Гиди од Австралија, Американецот Паоло Банкеро, Усман Гаруба и Хуан Нуњез од Шпанија, како и Жан Монтеро од Доминиканската Република. Сите овие играчи прикажаа одлични партии за своите репрезентации и оваа „трка“ ќе биде навистина интересна. Се претпоставува дека наградата ќе замине кај играчот кој ќе има најдолг престој на турнирот, а според најавената листа, најголеми шанси за ова признание има Србинот Никола Јовиќ, кој досега забележа просек од 11,2 поени, 2,6 скока и 3,4 асистенции по натпревар. Најдобриот млад кошаркар на Светското првенство ќе биде прогласен веднаш по завршувањето на финалниот натпревар, кој е закажан за 10 септември, со почеток во 14:40 часот по македонско време.

Шеиците ја презедоа и ФИБА: Ал Тани е нов претседател на Меѓународната кошаркарска федерација

Ристе Здравков — Wed, 23 Aug 2023 13:02:38 +0000

Шеикот Али Ал Тани е избран за нов претседател на Меѓународната кошаркарска федерација, на Конгресот на ФИБА кој се одржа во Манила. Ал Тани едногласно беше избран за нов претседател на ФИБА кој се одржа пред стартот на Светското првенство кое започнува за два дена. Шеикот доаѓа на место на Аман Нианг, со претседателски мандат од четири години. Шеикот Ал Тани од 2019 година е потпретседател на ФИБА, а исто така е претседател и на ФИБА Азија уште од 2022 година. Во минатото бил и претседател на Кошаркарскиот сојуз на Катар. „Голема е честа и одговорноста, како за мене, така и за мојата земја Катар и цела Азија. Кошарката е глобален спорт, и може да кажам дека напорно и вредно ќе работам заедно со останатите во раководството за негов дополнителен развој“ – истакна Ал Тани по изборот на челната позиција.

Српски кошаркар доживотно суспендиран од ФИБА

Бошко Тасиќ — Sun, 13 Aug 2023 06:18:25 +0000

По истрагата која ја покрена ФИБА, епилогот е доживотна суспензија за српскиот кошаркар Стефан Шајин, пренесува „Спортски журнал“. Шајин во текот на кариерата играше за Спартак Суботица, Младост од Земун, Војводина, ЧСМ Медијаш… Во моментот кога истрагата била покрената Шајин бил член на Војводина, но спорните моменти за местење не се случиле кога тој играл за српските клубови. Освен Шајин, меѓу оние кон ФИБА ги сомничи за местење е и Саша Аврамовиќ, но за него моментално нема информации дали е докажана вина.

ФИБА ги одреди групите пред ждрепката во Минхен

Ивона Петрова — Mon, 07 Aug 2023 12:20:48 +0000

Светската кошаркарска федерација (ФИБА) ги одреди носителите на групите пред утрешната ждрепка во Минхен за квалификациите за Евробаскетот 2025. Потврдениот состав за квалификациите за ФИБА Евробаскет 2025: Белгија, Босна и Херцеговина, Бугарија, Хрватска, Кипар, Чешка, Данска, Естонија, Финска, Франција, Грузија, Германија, Велика Британија, Грција, Унгарија, Исланд, Израел, Италија, Летониија, Литванија, Црна Гора, Холандија, Македонија, Полска, Португалија, Србија, Словачка, Словенија, Шпанија, Шведска, Турција, Украина. Овие 32 национални селекции ќе бидат поделени во осум групи од по четири тима на ждрепката за квалификациите. Квалификациите за Евробаскетот во 2025 година, ќе се играат во три „прозори“, односно на 19-27 февруари 2024 година, 18-26 ноември 2024 година и 17-25 февруари 2025 година (со по два натпревари одиграни од секоја екипа во секој прозорец). Трите највисокопласирани селекции од секоја група, освен групите во кои влегуваат кодомаќините на ЕП, Кипар, Финска, Полска и Летонија, ќе се квалификуваат за финалната рунда. Во групите кои ги содржат нациите домаќини, домаќинот и двете други највисоко пласирани селекции ќе се квалификуваат за Евробаскетот во 2025 година.

Крај на војната помеѓу ФИБА и Евролига

Бошко Тасиќ — Tue, 11 Jul 2023 04:55:02 +0000

Светската кошаркарска федерација и кошаркарската Евролига ставија крај на неколкугодишниот конфликт со постигнат договор за понатамошно усогласување на календарите за клупските и репрезентативните натпреварувања. Овој конфликт се одрази најмногу на репрезентациите кои во неможност да ги пратат најдобрите кошаркари на квалификациските натпревари често не успеваа да изборат место на континенталните или светските собири.

„ФИБА и Евролигата постигнаа договор за избегнување на преклопување на репрезентативните и клупските натпреварувања во сезоната 2023/24. Тие потврдија и дека ќе продолжат со разговорите во следните 12 месеци за да се дојде до заемно прифатливи решенија во корист на кошарката во Европа и светот. За ова прашање нема да има дополнителни коментари“, стои во соопштението.

Српски кошаркари кои се осомничени за местење ја тужат ФИБА

Бошко Тасиќ — Sat, 01 Jul 2023 07:08:38 +0000

Околу триесет српски кошаркари се осомничени за местење натпревари. Интернационалната кошаркарска федерација (ФИБА) отвори постапка за повеќе дуели во кошаркарската лига на Србија, на кои се дејствувало на резултатот. Сепак, додека ФИБА собира докази, српските медиуми пренесоа интересни вести. Имено, дел од кошаркарите кои се вмешани, се решиле дека е паметно да ја тужат ФИБА. Причината за тоа е дека на вмешаните играчи им е забрането да преговараат и преоѓаат во други клубови за време на истрагата. Поради тоа, неколкумина се решиле за приватна тужба на сметка на ФИБА. Кошаркарите сметаат дека нема докази против нив, па вака само им се нанесува лична штета на нивните кариери.

Македонските кошаркари во група со Естонија,Чешка и Израел за настап на Олимпијадата во Париз

Бошко Тасиќ — Mon, 01 May 2023 16:54:40 +0000

Македонската машка кошаркарска репрезентација денеска со жрепка во главниот град на Филипини, Манила, ги дозна противниците со кои ќе се соочи во претквалификациите за пласман на Летните олимписките игри (ЛОИ) кои идната година ќе се одржат во Париз. Македонските кошаркарите патот за дебитантски настап на ЛОИ ќе ги стартуваат против Естонија, Чешка и Израел во рамки на претквалификациската група А. ФИБА одлучи претквалификацискиот турнир да се одржи од 12 до 20 август во естонската престолнина Талин.