фидел кастро – Kurir.mk

Отворен новиот музеј на Фидел Кастро на Куба (ФОТО)

Ивана Ефремовски — Fri, 03 Dec 2021 08:46:04 +0000

Покрај трошните згради, и каде што корењата на дрвјата го пробиваат тротоарот, една од најголемите вили во Хавана е обновена во сјајна убавина во името на најконтроверзниот „син на Куба“. Центарот „Фидел Кастро Руз“ беше отворен овој викенд, три години по почетокот на опремувањето и пет години по смртта на поранешниот кубански лидер. Новиот музеј во Хавана, кој го слави поранешниот лидер на државата, беше отворен во екот на кубанската економска криза. Во музејот има говорница каде Фидел ги држел своите познати говори. На свеченоста присуствуваа и венецуелскиот лидер Николас Мадуро и братот на Фидел – Раул, кој има 90 години. Тој го поздрави отворањето на музејот, нарекувајќи го „највозбудливото нешто“ што некогаш го видел во животот. Отворањето на музејот доаѓа во време кога Куба се бори да застане на нозе поради пандемијата и лошата економска ситуација, предизвикана од лошото раководство и 60-годишното ембарго на САД. Два блока подалеку, секој ден се прават редици луѓе кои купуваат храна. На прашање на новинарите, Ханет Хернандез рече дека не слушнала за новиот музеј, но дека чекала два часа за да купи намирници. -Фидел не би го дозволил ова!, рече таа. Центарот има театар со 190 седишта и простор за изложби. Во градината има и фонтана со карпи донесени од Рио Ла Плата – река чиј извор е во планините каде што Фидел ја направил својата прва воена станица во 1958 година како водач на бунтовничките сили. Делот наменет за растенија има дарови од пријателски земји, како што е Венецуела. Просториите нудат презентации за Фидел со Хуго Чавез, со поетот Роберт Фернандез Ратамар и големиот обновител на престолнината Хавана – Еузебиус Леал. По погребот на Фидел, инаку, Раул Кастро изјави дека нема да се подигаат статуи за неговиот брат, бидејќи „водачот на револуцијата жестоко се противеше на култот кон личноста“, како што рече тој. Новиот, очигледно добро финансиран музеј е во спротивност на другите стари културни објекти во Куба. Музејот на револуцијата, на пр., сместен во старата Претседателска палата, се реновира со години, при што е постигнат мал напредок. -Сега можеме да сонуваме!, рече еден куратор, кој сакаше да остане неименуван затоа што не сакаше да зборува за медиумите. (МИА)

КОБНИОТ 25 НОЕМВРИ: Беа најдобри пријатели до смрт, а починаа на исти ден- Марадона го имаше тетовирано човекот кој го мразеше светот

Дарко Андоновски — Fri, 27 Nov 2020 13:53:37 +0000

Диего Армандо Марадона почина на 25 ноември, на истиот ден кога почина и неговиот голем пријател, кубанскиот лидер Фидел Кастро четири години порано. Поранешниот претседател на Куба почина во 2016 година, а судбината сакаше на ист ден да замине аргентинскиот генијалец. Марадона од 2000 до 2004 година живееше на Куба каде со раширени раце беше прифатен од Фидел Кастро. „Јас не сум комунист, туку Фиделист и тоа до смрт“, велеше Марадона. Синот на Кастро, по неодамнешната операција на мозокот, му понуди на Марадона рехабилитацијата но на Куба, но Аргентинецот не дочека пак да го посети саканиот остров.

Синот на Фидел Кастро пронајден мртов

Ивана Ефремовски — Fri, 02 Feb 2018 08:25:58 +0000

Фидел Кастро Дијаз Балард јуниор, најстариот син на Фидел Кастро извршил самоубиство откако подолго време страдал од депресија, а за неговата состојба не можеле да помогнат ниту група на лекари кои го третирале. Фиделито како што е познат на кубанската јавност, немаше амбиции да го „заземе“ тронот во Куба и да го наследи неговиот починат татко кој ја започна револуцијата за ослободување на карипскиот остров од американското влијание. Токму и затоа нема други сомнежи за неговата смрт, односно нема теории дека е убиен за да биде тргнат од листата на потенцијални нови „вечни“ владетели на Куба каде сега армијата е во преден план до евентуални први избори во оваа комунистичка земја. Фидел Кастро Дијаз Балард јуниор најмногу е познат по неговите научни достигнувања, но по неуспешната нуклерана програма која заврши во 90-тите години по распадот на Советскиот сојуз тој се повлече од јавниот живот и ретко даваше изјави. Автор е на десетина книги и еден од најзначајните членови на кубанската Академија на науките.