фидес – Kurir.mk

Орбан прогласи победа на изборите

Магдалена Андонова — Sun, 03 Apr 2022 21:12:42 +0000

Премиерот на Унгарија Виктор Орбан прогласи победа на денешните избори. Во својот говор, Орбан рече дека „изгледаме прилично добро, можеби никогаш подобро“. - Ова е голема победа. Добивме толку многу што се гледа од Месечината, а секако и од Брисел, рече Орбан. Тој им се заблагодари на сите што помогнаа во кампањата. Тој ги поздрави и сите Унгарци кои живеат во странство и им се заблагодари за помошта во победата. - Колку е поголема победата, толку е потребна поголема скромност, изјави Орбан. Тој им се заблагодари на повеќе од 100.000 волонтери кои неуморно работеа во последните денови. Како што изјави, сега е време сите од Фидес да се препуштат на емоциите и дека ова треба да биде ноќ на среќа. Орбан нагласи дека Фидес победи кога сите се обединија против нив и дека „никогаш немале толку противници во земјата и надвор од меѓународните медиуми, па дури и од претседателот на Украина“. - Не постојат пари што ќе не спречат. Ќе поминеме низ најдебелиот ѕид за да ја заштитиме независноста и слободата на Унгарија, да ги зачуваме мирот и безбедноста, семејствата и децата, истакна Орбан.

ИЗЛЕГОА ПРВИЧНИТЕ РЕЗУЛТАТИ ВО УНГАРИЈА: Фидес со убедлива предност, Орбан на пат кон четврта победа!

Магдалена Андонова — Sun, 03 Apr 2022 20:56:34 +0000

Владејачката партија Фидес на унгарскиот премиер Виктор Орбан има убедлива предност пред обединетата опозиција, покажуваат првичните резултати од парламентарните избори одржани денеска во Унгарија. Резултати од 57,64 проценти од обработените избирачки места: Фидес: 55,75 проценти Обединети за Унгарија: 32,55 отсто Движење на нашата татковина: 6,50 отсто Состав во Парламентот: Фидес: 134 пратеници Обединети за Унгарија: 58 пратеници Движење на нашата татковина: 7 пратеници Во 19 часот официјално заврши гласањето за парламентарните избори во Унгарија. (МИА)

Орбан се заканува дека Фидес ќе излезе од конзервативната ЕПП во Европскиот парламент

Ивона Петрова — Mon, 01 Mar 2021 10:05:57 +0000

Унгарскиот премиер Виктор Орбан се закани дека ќе ја повлече својата партија Фидес од Европската народна партија (ЕПП) во Европскиот парламент доколку конзервативниот блок ги одобри новите внатрешни правила оваа недела. Орбан го постави ултиматумот во писмо до Манфред Вебер, германскиот политичар кој го предводи конзервативниот блок ЕПП, најголемата фракција во Европскиот парламент. Парламентарната група на ЕПП, во која членуваат конзервативците на германската канцеларка Ангела Меркел, веќе со години се бори со Фидес кој е суспендиран од ЕПП од 2018 година, но сепак има 11 пратеници во групата на ЕПП во Европскиот парламент. ЕПП предложи измени со кои ќе се овозможи суспендирање или исклучување на групата Фидес од блокот ЕПП. Правилата се очекува да бидат одобрени со мнозинство гласови на 3 март. Во писмото до Вебер, Орбан напиша: „Ако Фидес не е добредојден, тогаш не се чувствуваме должни да останеме во групата“.