фиџи – Kurir.mk

На Фиџи има куќа изградена специјално за кралицата

Катерина Бојаџиева — Fri, 09 Sep 2022 08:17:08 +0000

Островот Бау се наоѓа веднаш до главното копно на Република Фиџи – Вити Леву. Кралицата Елизабета Втора и принцот Филип го посетиле во 1982 година, во рамки од турнејата во Јужен Пацифик, кога Игрите на Комонвелтот се одржале во Австралија. Кога кралицата Елизабета Втора пристигнала на островот во 1982 година, селските челници ја пречекале во тишина – знак на почит во тамошната култура. Остатоците на нејзината посета се гледаат и денес. Околните челници велат дека згради на островот биле надградени пред нејзината посета и оти една куќа била изградена специјално за неа. Кралицата, велат, ја користела за одмор за време на патувањето. Бау е мало островче, но има значајно место во богатата историја на Фиџи. Било средиште на државата на повеќе од 300 острови, пред да му биде отстапено на Обединетото Кралство во 1879 година, во замена за заштита под Круната. До денес, Комонвелтот наоѓа многу од своите најгласни застапници во ова подрачје. Островите учествуваат во активностите на Комонвелтот и Нејзиното височество остана уставен монарх тука, покрај Австралија и Нов Зеланд, до нејзината смрт.

ФИЏИ: По цела година регистриран еден случај на Ковид-19, граѓаните во карантин

Ивона Петрова — Mon, 19 Apr 2021 07:50:07 +0000

На Фиџи по една година е регистриран случај на Ковид-19 поради што на граѓаните им е наредено да останат дома, ништо нема да работи, а достапни ќе бидат само здравствените услуги. Вирусот е откриен кај 53-годишна жена. Таа е прва заболена од април минатата година. Од почетокот на памдемијата на Фиџи имаше сто заразени лица, а двајца починале од последици на Ковид-19. – Со цел да спречиме понатамошно заразување и да ги следиме контактите на заразеното лице, од денеска прогласуваме карантин во областите Нада и Лаутока, се наведува во соопштението на Министерство за здравство.

Мистериозна болест „коси“ на познатото летувалиште- млад брачен пар починал по неколку дена на одмор

Предраг Кукиќ — Wed, 05 Jun 2019 08:52:05 +0000

Млад пар од Тексас заминале на одмор во Фиџи, а потоа како што пренесуваат американските медиуми, ненадејно починале, а причината за нивната смрт засега е енигма. Дејвид и Мишел Пoл се разболеле по пристигнувањето на тропскиот остров во јужниот Пацифик, помеѓу 22 и 25 мај. -Причините за нивната ненадејна смрт сè уште се истражуваат, а нивните најблиски велат дека двајцата биле во добра здравствена состојба пред да заминат на одморот. Зад себе оставиле двегодишен син, пишува „Дејли мејл“. Американските власти ја потврдија смртта на двојката и изразија сочувство до нивното семејство. Државното обвинителство ја следи истрагата на локалните власти.

Силен земјотрес во близина на островот Фиџи

Предраг Кукиќ — Mon, 19 Nov 2018 07:51:45 +0000

Земјотрес со интензитет од 6,9 степени според Рихтерова скала е регистриран во близина на брегот на островот Фиџи, соопшти Геофизичкиот институт на САД. Епицентарот на потресот се наоѓал на 253 километри југоисточно од градот Ламбаса, во кој живеат 28.000 луѓе. Засега нема информации за евентуални жртви и причинета материјална штета, ниту, пак, опасност од цунами.

Земјотрес со јачина од 8,1 степени го погоди Фиџи

Дарко Андоновски — Thu, 06 Sep 2018 16:59:26 +0000

Земјотрес со интензитет од 8.1 степени по Рихтеровата скала е регистриран на 123 километри југоисточно од Фиџи, на длабочина од 669 километри, соопшти денеска американскиот Геолошки центар. По овој земјотрес, нема опасност од цунами во Тихиот Океан.

Силен земјотрес кај Фиџи предизвика мало цунами

Матеја Петровски — Sun, 19 Aug 2018 11:59:35 +0000

Силен подводен земјотрес, со јачина од 8,2 степени, според Рихтеровата скала, забележан е кај Фиџи. Земјотресот предизвикал мало цунами. Американскиот геолошки завод соопшти дека епицентарот на земјотресот е регистриран на длабочина од 560 километри. Според првичните информации, нема повредени лица, ниту пак се предизвикани материјални штети. (Миа)