фифа листа – Kurir.mk

Шампион Фа најуспешен на 29. Државно првенство во пинг-понг

Тале Кристо — Tue, 29 Mar 2022 06:29:12 +0000

Берово изминатиот викенд беше домаќин на 29. Државно првенство во пинг-понг во сениорска конкуренција. Учество земаа околу 80 играчи од целата држава. По двегодишна пауза на ова државно првенство повторно се играа двојки во машка и женска категорија и двојки во мешана категорија. Најмногу медали освоија играчите на екипата Шампион Фа од Штип. Резултати: Сениори: Кристијан Станојковски – ППК Крива Паланка 2007 Филип Младеновски – ППК Шампион Фа Раиф Рустемовски – ППК Младост 96 и Петар Митков ППК Крива Паланка 2007 Сениорки: Амелиа Николов – ППК Шампион Фа Билјана Младенова – ППК Шампион Фа Катерија Лаура Михајлов – ППК Телеком Нец 2 и Ана Стојановска – ППК Крива Паланка Сениори двојки: Петар Костовски – ППК Младост 96 и Сашо Смолиќ ППК Рисови Филип Младеновски и Дамјан Стојчев – ППК Шампион Фа Кристијан Станојковски и Мартин Стаменковски – ППК Крива Паланка 2007 и Сашо Стојановски и Васко Манасијевски – ППК Работнички Сениори жени: Амелија Николов и Билјана Младенова – ППК Шампион Фа Ана Стојановска – ППК Крива Паланка и Катерина Лаура Михајлов – ППК Телеком Нец 2 Софија Хасану ППК Крушево – Моника Стајковска – ППК Берово и Димитриевска Ива и Михајловска Бојана – ППК Рисови Мешани двојки: Младеновски Филип и Амелиа Николов – ППК Шампион Фа Станојковски Кристијан – ППК Крива Паланка 2007 – Димитриевска Ива – ППК Рисови Стојчев Дамјан и Билјана Младенова – ППК Шампион Фа и Стомнароски Антонио ППК Младост 96 – Стојановска Ана – ППК Крива Паланка.

Македонската фудбалска репрезентација падна 10 места на ФИФА листа

Ивона Петрова — Thu, 12 Aug 2021 08:44:05 +0000

На ранг-листата на Светската фудбалска асоцијација (ФИФА) објавена денес, македонската репрезентација се најде на 72. место. Овој пласман е за 10 позиции послаб од претходните рангирања на 7 април и на 27 мај. Од ривалите на Македонците во квалификациите за Светското првенство 2022, најдобро рангирана е Германија (16), Романија е 45-та, Исланд 53-ти, Ерменија се наоѓа на 88. место, Лихтенштајн е 189-ти. Лидер е Белгија, пред Бразил и Франција. Во Топ 10 уште се: Англија, Италија, Аргентина, Шпанија, Португалија, Мексико и САД.

Македонија напредуваше две места на ФИФА-листата

Магдалена Андонова — Thu, 17 Sep 2020 09:54:19 +0000

Фудбалската репрезентација на Македонја напредуваше за две позиции на ФИФА-листата. Победата над Ерменија (2-1) и ремито со Грузија (1-1) во Лигата на нации и овозможи на Македонија да се најде на 66 место. „Црвено жолтите“ го делат 66-то место со Саудиска Арабија и Албанија. Македонија има најдобар рејтинг од противниците со кои ќе се сретне во Лигата на нации (Грузија е 89, Ерменија 101, а Естонија 108), а има подобар рејтинг и од противникот во баражот за пласман на ЕП Косово (116 место). На врвот на листата е Белгија, пред Франција, Бразил, Англија и Португалија.

Македонија напредуваше шест позиции на ФИФА листата

Дарко Андоновски — Thu, 07 Jun 2018 10:53:17 +0000

Македонската фудбалска репрезентација направи скок од шест места и сега се наоѓа на 71. позиција на ФИФА ранг-листата објавена денеска. Напредокот на „црвено-жолтите“ се случува без тие да имаат активности меѓу двете последните рангирања на ФИФА. Од противниците на Македонија во групата од Лигата на нации најдобро котира Ерменија (100. место), Лихтенштајн е 180-ти, а Гибралтар се наоѓа на 195-тото место. Лидер е Германија пред Бразил и Белгија. По нив во ТОП 10 следуваат: Португалија, Аргентина, Швајцарија, Франција, Полска, Чиле и Шпанија. Следното рангирање Светската фудбалска федерација ќе го изврши на 19 јули.

Македонија падна за едно место на новата ФИФА листа

Ивона Петрова — Thu, 15 Mar 2018 16:31:23 +0000

Македонската фудбалска репрезентација бележи пад од едно место на најновата ранг листа на ФИФА и сега се наоѓа на 75-та позиција. Нашите репрезентативци не играа во изминатиот период, па Македонија е на приближно истите позиции. Пред нас се Сирија, Палестина, Узбекистан, Брегот на Слоновата Коска, Гвинеја, Саудиска Арабија... Овој месец избраниците на Игор Ангеловски ќе одиграат две пријателски средби на неутрален терен во Анталија. На 23 март против Финска, а четири дена подоцна со Азербејџан. Финска е на 68. место и победа ќе ни донесе поени за напредок, а Азербејџан е 127. место на ФИФА листата. Во првата петорка нема промени во однос на претходното рангирање. Германија е прва, пред Бразил, Португалија, Аргентина и Белгија.