Ѓорчев: Фијаско на власта со справување на КОВИД-19 пандемијата, најмногу починати и најмалку вакцини во светот

Тале Кристо — Sun, 14 Feb 2021 12:19:25 +0000

Македонија е земјата која што има најмалку вакцини во светот, а истовремено имаме најмногу мртви, и тоа 3.000 по глава на жител буквално во светот, истакна на денешната прес-конференција секретарот за меѓународна соработка на ВМРО-ДПМНЕ Владимир Ѓорчев. Македонија овие денови ќе дојде до една ужасна бројка која што навистина е страшна, а тоа е 3.000 починати. Никој на светот нема повеќе мртви од Македонија по глава на жител. Зошто? Затоа што во Македонија се смета во статистиките со 2.1 милион жители, а реалната бројка е 1.7, 1.8 милиони жители. Ако реално се пресмета бројот на починати лица во Македонија уште еднаш се доаѓа до поразителната бројка, а тоа е дека со 3.000 мртви за време на корона кризата. Македонија на Зоран Заев и Венко Филипче е земјата со најмногу мртви по жител на светот. Тоа е поразна статистика, тоа се илјадници и илјадници семејства во Македонија, тоа се 3.000 луѓе кои што починале, тоа се 3.000 погреби. Истовремено оваа Македонија на Зоран Заев и Венко Филипче е земјата која што има најмалку вакцини во светот. Ќе ви прочитам неколку земји кои што веќе почнаа со вакцинацијата. Пред една недела Авганистан доби 500.000 вакцини од „АстраЗенека“, стотици илјади луѓе се вакцинирани во Пакистан, 27.000 здравствени работници само во една провинција а тоа е провинцијата Синд. Вакцинацијата почна во Боливија, во Алжир, во Гвинеја која што е земја во Западниот дел на Африка, во Непал, во Индија, во Бангладеш веќе имаме вакцина и вакцинација која што е веќе 20-тина дена. Процесот на имунизација на населението почна во Албанија пред еден месец, премиерот Рама беше првиот кој што се вакцинираше, Црна Гора, Босна и Херцеговина. За жал, Македонија е буквално најлоша во светот кога станува збор за вакцини и имунизација на населението. А, Македонија е и истовремено земја со најмногу починати по жител на целиот свет. Тоа кажува дека имаме дебакл, фијаско на власта. Тоа кажува дека имаме огромна негрижа за здравјето на населението. И тоа кажува едноставно дека нема никаков систем, дека имаме дебакл и фијаско, а за тоа одговорност мора да има. Зоран Заев и Венко Филипче мора да поднесат оставка, тие имаат одговорност за тоа што буквално ги оставија на милост и немилост граѓаните во оваа најголема криза изминативе неколку децении.

ФОТО: СДСМ не успеа да ја наполни салата Борис Трајковски

Тале Кристо — Sun, 15 Dec 2019 17:55:27 +0000

Долгонајавуваната завршна трибина на СДСМ која денеска се одржа во салата Борис Трајковски во Скопје, доживеа фиаско. Доказ дека СДСМ се соочува со голема недоверба кај граѓаните е полнењето на салата со граѓани од целата земја, наместо на трибината да бидат присутни само жителите на главниот град. Но, и покрај големиот број на автобуси донесени од внатрешноста на Македонија, Заев не успеа да ја наполни салата. Имено до редакцијата на КУРИР пристигнаа фотографии од револтирани граѓани кои се жалат на блокираниот град од автобусите кои се буквално дојдени од секое место во земјава и истите биле преполни со активисти на СДСМ. Доказ дека СДСМ и Заев се пред пораз на 12 април како што во многу наврати говори опозициската ВМРО-ДПМНЕ се преполните автобуси од цела Македонија кои едвај ја наполнија салата Борис Трајковски.

фијаско – Kurir.mk

Ѓорчев: Фијаско на власта со справување на КОВИД-19 пандемијата, најмногу починати и најмалку вакцини во светот

ФОТО: СДСМ не успеа да ја наполни салата Борис Трајковски