Филаделфија сиксерс – Kurir.mk

Џејмс Харден се врати на тренинзите на Филаделфија

Бошко Тасиќ — Fri, 06 Oct 2023 04:12:09 +0000

Џејмс Харден учествуваше на тренингот на Филаделфија на Државниот универзитет во Колорадо, објави „ESPN“. Харден се врати во тимот на вториот ден од тренинзите под водство на новиот тренер Ник Нурс, пропуштајќи го медиумскиот ден во понеделникот во објектот на тимот во Камден, Њу Џерси, како и првиот тренинг од кампот во државата Колорадо. Одлуката на Харден да го прескокне почетокот на подготовките во тренинг кампот беше мотивирана од неговата желба да им се приклучи на Лос Анџелес клиперс. Клубовите преговараа за размена, но не постигнаа договор.

НБА: Филаделфија дури по продолжениja израмни на 2-2 против Бостон

Бошко Тасиќ — Mon, 08 May 2023 03:55:08 +0000

Џејмс Харден и Џоел Ембид заедно искомбинираа 76 поени од вкупно 116 колку што постигна Филаделфија за голема победа дури после продолжение против Бостон. Домашните во текот на целиот натпревар имаа константно водство, кое почна да се топи во последниот период од натпреварот. Бостон беше многу блиску и до комплетен пресврт, но сепак поснаодливи и посреќни во продолженијата беа домашните кошаркари кои забележаа победа од 116-115, откако мечот заврши 107-107. Татум и Браун со 24, односно 23 поени беа најпрецизни во поразениот состав, додека Харден со 42 и Ембид со 34 го предводеа составот на Филаделфија до втората победа во серијата против Бостон.

Лилард заминува во Филаделфија ?

Бошко Тасиќ — Tue, 10 Aug 2021 19:59:00 +0000

Според новинарот Дерек Боднер, НБА тимот на Филаделфија е блиску до потпис на договор за соработка со Дамиен Лилард. Доведувањето на ѕвездата на Портланд беше главната цел на „Сиксерс“ оваа сезона. Забележано е дека размената со Бен Симонс е неизводлива, па се бараат други начини за реализација на трансферот.

Во 2019 година, Лилард потпиша супермаксимален договор кој трае до крајот на сезоната 24/25. Тој веќе девет сезони е дел од Портланд.

Филаделфија го совлада Вашингтон за прва победа во плеј-офот

Бошко Тасиќ — Mon, 24 May 2021 06:29:02 +0000

Екипата на Филаделфија славеше над Вашингтон Визардс со 125-118 и обезбеди предност од 1-0 во серијата од плеј-офот во НБА-лигата. Главната разлика која ја донесе победата се направи пред крајот на третиот и почетокот на последната четвртина, кога беа обезбедни 11 поени разлика (108-97). Одличен натпревар за Филаделфија имаше Тоби Харис со 37 поени, шест скока и две асистенции, а поддршка му беше Џоел Ембид кој заврши со 30 поени, шест скока и три асистенции. Кај Вашингтон, првата ѕвезда Бредли Бил имаше „дабл-дабл“ од 33 поени и 10 скока, а зад него беше Расел Вестбрук со 16 поени и 15 асистенции. Следниот натпревар од серијата се игра повторно на теренот на Филаделфија, на 27 мај.

Ембид: Дојде нашето време

Ивона Петрова — Tue, 24 Apr 2018 17:57:18 +0000

Кошаркарот на Филаделфија сиксерс, Џоел Ембид изјави дека е оптимист и дека неговиот тим е подготвен за големи дела. Филаделфија во првата рунда на плејофот води против Мајами хит со 3:1 и имаат шанса да се изборат за место во полуфиналето на Источната конференција. - Многумина велат дека не чека добра иднина, но јас верувам дека дојде нашето време. Имаме посебен тим со многу одлични играчи. Мислам дека не ни е потребен кој било друг. Мораме само да работиме со она што го имаме. Имаме добри шанси да оствариме успех, истакна Ембид. Тој е еден од најдобрите играчи на Сиксерс и оваа сезона има учинок од 22,9 поени, 11 скокови и 1,8 блокади по натпревар. Филаделфија во сезоната 2000/2001 во големото финале на НБА беше поразена од Лос Анџелес со 4:1, а потоа само двапати успеа да го помине првиот круг од плејофот.