Филаделфија – Kurir.mk

Ембид казнет со 35.000 долари

Ивона Петрова — Wed, 01 Nov 2023 07:45:23 +0000

НБА го казни центарот на Филаделфија, Џоел Ембид со 35.000 долари. Лигата го казни кошаркарот затоа што ги прослави борците Трипл Х и Д-Генерација Х за време на натпреварот со Портланд од регуларниот дел (126:98). Минатата година тој беше казнет со 25 илјади долари за слично однесување. Сезонава 29-годишниот Камерунец настапи на три натпревари со просечни 31 поен, 10,3 скока и 7 асистенции.

Клиперс и Филаделфија се договорија за размена на Харден

Ивана Ефремовски — Tue, 31 Oct 2023 08:12:40 +0000

Раководствата на Лос Анџелес клиперс и на Филаделфија се договорија за трејд во кој ќе биде вклучен и Џејмс Харден, објави инсајдерот на „ESPN“, Адријан Војнаровски. Заедно со 34-годишниот Харден, на Клиперс ќе им се приклучи Пи Џеј Такер. Во Филаделфија одат Роберт Ковингтон, Николас Батум, Маркус Морис и Кенион Мартин Јуниор, како и пик од драфтот. Харден побара трејд од Сиксерс во јуни. Во август, за време на посетата на Кина, кошаркарот неколку пати го нарече претседателот на Филаделфија Дерил Мори „лажго“, истакнувајќи дека односите со клубот не можат да се обноват. Подоцна Харден се пријавил доцна во тренинг-кампот на 76-те и го поминал поголемиот дел од тренингот надвор од тимот. Џејмс нема играно ниту еден натпревар од почетокот на новата сезона во НБА. (МИА)

Ембид ја избра репрезентацијата на САД

Ивона Петрова — Thu, 05 Oct 2023 20:17:47 +0000

Кошаркарот на НБА лигашот Филаделфија, Џоел Ембид, во иднина ќе настапува за репрезентацијата на САД, јавија вечерва американските медиуми. Ембид, кој лани доби американско државјанство, поседува и француски пасош, а можеше да избере да настапува и за својата татковина Камерун. Американските медиуми наведуваат дека Ембид, доколку биде здрав, со сигурност ќе има место во репрезентацијата на САД за Олимписките игри 2024 на кои подготвеност да настапат изразија и Стеф Кери, Леброн Џејмс, Бем Адебајо и многу други НБА ѕвезди. Американската кошаркарска федерација најави дека составот кој ќе настапи на Игрите во Париз ќе биде објавен идната пролет.

Филаделфија не му понуди на Џејмс Харден продолжување на договорот ова лето

Ивона Петрова — Mon, 14 Aug 2023 17:15:33 +0000

Филаделфија ова лето немаше никакви преговори за продолжување на договорот со кошаркарот Џејмс Харден, објави колумнистот на тимот Џон Кларк. Повикувајќи се на извор во раководството, Кларк забележува дека Сиксерс ова лето „никогаш не постигнале договор, ниту пак добиле понуда за возврат“ од Џејмс Харден и неговите застапници. Минатата година се дозна дека МВП за 2018 година ја намали платата за да може тимот да го засили составот. Се очекуваше Харден да потпише долгорочен договор со Сиксерс ова лето. Големата НБА-ѕвезда денес издаде соопштение во кое го нарече менаџерот по кошаркарските операции Дерил Мори „лажго“, а исто така рече дека не би играл за организација во која тој е дел.

Четворица убиени во пукотница во Филаделфија, напаѓачот уапсен

Тале Кристо — Tue, 04 Jul 2023 07:28:48 +0000

Четири лица се убиени, а други четири се повредени во престрелка во Филаделфија. Напаѓачот е уапсен, објавија синоќа локалните медиуми, повикувајќи се на полицијата. Портпаролот на полицискиот оддел во Филаделфија изјави дека има „повеќе жртви од огнено оружје“, но рече дека во овој момент нема дополнителни детали. Синоќа пред 21 часот, 10 минути откако одекнаа истрели во градот, полицијата извести за апсење на осомничен маж кој носел балистички елек, додавајќи дека пронашла пушка и пиштол во блиската улица, пишува весникот „Филаделфија Инквајер“ („The Philadelphia Inquirer“). Според извештаите на весникот и филијалата на филаделфиската телевизија WPVI, филијала на Еј-Би-Си Њуз (ABC News), двајца од застреланите биле малолетници, но не е јасно дали тие се меѓу загинатите. Засега нема јасни детали за вооружениот напад. Медиумите јавија дека пукањето се случило во југозападниот дел на Филаделфија, во Кингсешинг. Престрелката се случи еден ден откако две лица беа убиени, а 28 повредени за време на забава во соседството во Балтимор, Мериленд. Полицијата соопшти дека се уште трага по повеќе осомничени за пукањето.

Филаделфија: Експлозија на гас во населбата Порт Ричмонд урна три куќи

Тале Кристо — Sun, 01 Jan 2023 16:46:51 +0000

Експлозија на гас што ја потресе населбата Порт Ричмонд во Филаделфија, град на североистокот на САД, предизвика уривање на две куќи и загрозување на структурата на трета зграда, соопшти локалната полиција. Експлозијата одекнала околу 2:30 часот, јави Си-Би-Ес. – Тоа беше како видео игра. Урнатини насекаде. Целата куќа спроти нас беше урната. Некако истрчавме таму и се уверивме дека се е во ред. Ги отстранивме урнатините и се погриживме сите да излезат. Малку е страшно затоа што никогаш не знаеш што може да најдеш, изјави очевидец од соседството. Полицијата потврди дека три лица се пренесени во болница. На снимките од местото на настанот објавени на Твитер се гледа степенот на несреќата, а сведоци од соседството потврдија дека од силината на детонацијата целата населба се тресела.

Харден реагираше на информацијата дека може да се врати во Хјустон

Ивона Петрова — Mon, 26 Dec 2022 07:21:48 +0000

Кошаркарот на Филаделфија, Џејмс Харден реагираше на информациите дека може да се врати во Хјустон. – Сега сум во Филаделфија, прикажуваме одлична игра. Не знам од каде доаѓаат овие гласини. Ми се допаѓа сегашниот клуб, Сиксерси продолжуваат да стануваат посилни, изјави Харден за „Bleacher Report“. Претходно беше објавено дека 33-годишниот Харден не планира да го продолжи договорот со Филаделфија и размислува за враќање во Хјустон летото 2023 година. Американецот играше за Рокетс од 2012 до 2021 година.

Проблеми за Филаделфија, се повреди Ембид

Бошко Тасиќ — Wed, 23 Nov 2022 06:16:47 +0000

Џоел Ембид ќе пропушти неколку натпревари за Филаделфија. Одличниот центар во моментов е повреден, се работи за неговата лева нога и дефинитивно ќе ги пропушти натпреварите против Нетс и Хорнетс. Тој се повреди во саботата при поразот на неговиот тим од Минесота, стапнувајќи на ногата на својот соиграч Нианг на пет минути до крајот на натпреварот. Ембид е одличен оваа сезона, со просек од 32,3 поени, 10,1 скока и 4,6 асистенции. Многу ќе му недостига на својот тим. Повреден е и Харден, како и Макси, па Филаделфија ќе има тешка задача.

Драма во Филаделфија: Од автомобил пукале кон луѓе седнати во бар, најмалку 12 повредени

Магдалена Андонова — Sun, 06 Nov 2022 18:47:24 +0000

Најмалку 12 лица се повредени во пукање пред бар во населбата Кенсингтон во Филаделфија, објавија локалните медиуми. Пукањето се случило во саботата вечерта по локално време во кафуле на раскрсницата на улиците Ист Алегени и Кенсингтон. Полицијата соопшти дека пукањето се случило околу 22:45 часот по локално време кога неколку луѓе излегле од црн автомобил и почнале да пукаат кон луѓето надвор од кафулето. При првичниот увид на теренот, полициските службеници пронашле повеќе од 40 куршуми. Засега нема уапсени, но од полицијата велат дека се уште трага по црн автомобил во кој, како што велат, имало најмалку три или четири лица.

Дабл-дабл на Харден за прва победа на Филаделфија во новата сезона

Ивона Петрова — Tue, 25 Oct 2022 07:40:13 +0000

Филаделфија ја совлада Индијана со 120:106 ноќеска во натпреварот одигран во „Велс Фарго Центар“ пред 20 илјади гледачи. Предводник во триумфот на домаќините беше Џејмс Харден со 29 поени и 11 асистенции. Ова беше прва победа за Сиксерси во новата НБА-сезона која ја почнаа со три порази по ред. Резултати на другите натпревари одиграни ноќта понеделник кон вторник: Мајами – Торонто 90:98 Њујорк – Орландо 115:102 Чикаго – Бостон 120:102 Хјустон – Јута 114:108 Мемфис – Бруклин 134:124 Минесота – Сан Антонио 106:115 Портланд – Денвер 135:110.