филип додевски – Kurir.mk

Георгиевски и Додевски одат на медал од ЕП во олимписко Таеквондо

Тале Кристо — Thu, 08 Apr 2021 13:30:17 +0000

Дејан Георгиевски и Филип Додевски се најсериозни кандидати за обезбедување медал од Европското првенство во олимписко Таеквондо кое во моментов се одржува во Софија. Георгиевски и Додевски ќе се натпреваруваат во Недела на 11ти Април, иако конкуренцијата е пеколна, во нивните категории има олимписки, светски и европски пампиони, тие се нашите адути за остварување врвен спортски резлутат на ова ЕП. Георгиевски и Додевски се освојувачи на медали од ЕП, Георгиевски злато и сребро од ЕП , две бронзи од ЕП У21, Додевски злато од ЕП клубско, и бронза од ЕП У21. Македонското олимписко таеквондо е во самиот светски крем на овој олимписки спорт, очекувањата се реални согласно досегашните резултати и од тука може да посакаме среќа и без повреди репрезентативците да ги пречекаме со медали.

Додевски: Победив борец кој што е актуелен бронзен медал на светско првенство, можам повеќе!

Ивана Ефремовски — Sun, 14 Mar 2021 18:22:40 +0000

Филип Додевски е таеквондо репрезентативец, олимписки стипендист и носител на медал од европско првенство. Во интервју за КУРИР тој говори за своите успеси и планови, за натпреварите и медалите. КУРИР: После пандемијата веднаш започна со забалежителен успех, освои бронзен медал на Г1 турнир, на што се должи успехот? - Да така е освоив бронзен медал на Г1, она што ми е мене и на тренерите најважно е тоа што го победив Иван Шапина од Хрватска кој што е актуелен бронзен медалист од последното светско првенство во Манчестер, и секако можам уште повеќе. Успехот би рекол дека се должи на мојот мотив, но пред се на инзворедната тренинг програма поставена од мојот стручен тим во Таеквондо Клуб Бутел на чело со тренерите Борче Костовски и Дарко Костовски. КУРИР: За малку не влезе во финалето, за само еден бод изгуби од златниот медалист на турнирот Рос Даниел од Шпанија! -За жал да, но таков е спортот понекогаш суров, водев буквално до самиот крај, но тоа е тоа. Шпанецот во финалето го победи актуелниот сребрен медалист од последното светско првенство Мигел од Бразил. КУРИР: Филип, што е следно? Дали може да очекуваме олимписка норма од тебе? -Да, тоа ми е животен сон, пред олимписките квалификации имаме европско првенство во Софија, еден месец после тоа на 9 Мај се олимписките квалификации исто така во Софија, ќе биде пеколно тешко но затоа е убав овој олимписки фулконтактен спорт, заради совршено тешката конкуренција која што ја има изградено самата олимписка традиција на таеквондото. Она што сакам да го истакнам е тоа дека на последниов турнир го победив еден од најдобрите борци на светот во нашиот спорт, секако во секоја борба одам на победа и тоа е веќе реалност за мене. КУРИР: Кој ти е најдраг успех до сега? -Бронзениот медал во 2019 на европското првенство до 21 година во Шведска, можев уште повеќе тој ден, но се повредив. Исто така значаен успех ми е и златниот медал во 2018 на европско клубско првенство во Солун, таму со пет победи стигнав до злато, во финалето и тогаш победив носител на бронзен медал од светко првенство. КУРИР: Таеквондо спортот станува се попопуларен во последно време, на што се должи тоа? -Мразот го скрши Дејан Георгиевски тој стана европски сениорски шампион во 2017 година, тоа е скоро незамислив резултат за Македонија кога е во прашање олимписки спорт. Но она што е најважно тоа е перфекционистичката работа на мојот тренер и претседател на Македонската Таеквондо Репрезентација д-р Борче Костовски, тој за само неколку години направи чудо, создаде генерација кој секојдневно урива граници, постигнува врвни спортски резултати несвојствени за нашата држава, и секако последниот збор се уште не сме го кажале, а до сега имаме освоени три сениорски медали на европско првенство, три медали на ЕП У21, медал на СП Јуниори и многу други значителни успеси.

ФОТО: Момчето кое и донесе медал на Македонија, пречекано со многу емоции во Скопје

Ивона Петрова — Tue, 10 Sep 2019 08:13:41 +0000

Младиот Филип Додевски, со освоениот бронзен медал на официјалното Европското првенство до 21 година во олимписко таеквондо, се врати дома. По враќањето од Шведска, Додевски имаше топол и искрен пречек во салата во која е присутен секој ден од својата осма година. На првенството Додевски во категоријата до 87 килограми освои две победи над Германија и Хрватска. Она што, меѓу другото, го забележа неговиот настап против Хрватот, е повредата во последните секунди од борбата. И покрај истата, тој се бореше до крај што резултираше со победа.

НЕСЕКОЈДНЕВЕН ГЕСТ: Пилотот во авионот му честиташе на Филип Додевски кој го освои бронзениот медал на ЕП во олимписко таеквондо (ВИДЕО)

Дарко Андоновски — Mon, 09 Sep 2019 13:11:04 +0000

Филип Додевски кој освои бронзен медал на официјалното европско првенство до 21 година во олимписко таеквондо кое се одржува во Шведска денеска беше поздравен од екипажот на авионот со кој се враќа во Македонија. Имено пилотот му изрази честитка на Филип Додевски за освоеното трето место во такевондо. -Ти благодарам Филип што така добро не претстави и Македонија на ова првенство, па затоа од екипажот на овој лет ќе си добиеш мал поклон, рече пилотот. Инаку вечерва во 19 часот Таеквондо Клубот Бутел ги повикува сите сограѓани во спортската сала на Оу Свети Климент Охридски-Бутел скромно но со многу топлина и чест да го пречекаат европскиот медалист во олимписки спорт Филип Додевски.

Таеквондо Клубот Бутел ги повикува сите сограѓани вечерва во 19 часот да го пречекаат европскиот медалист во олимписки спорт Филип Додевски

Дарко Андоновски — Mon, 09 Sep 2019 12:59:02 +0000

Таеквондо Клубот Бутел ги повикува сите сограѓани вечерва во 19 часот во спортската сала на Оу Свети Климент Охридски-Бутел скромно но со многу топлина и чест да го пречекаат европскиот медалист во олимписки спорт Филип Додевски. -Почитувани подржувачи и пријатели на Таеквондо Клуб Бутел, таеквондо спортот и спортот воопшто! Вечерва со почеток во 19:00 часот во спортската сала на Оу Свети Климент Охридски-Бутел скромно но со многу топлина и чест ќе го пречекаме ЕВРОПСКИОТ МЕДАЛИСТ ВО ОЛИМПИСКИ СПОРТ ФИЛИП ДОДЕВСКИ ! Со особено задоволство ве покануваме да му покажеме топлина и ПОЧИТ на ова момче кое со сериозна повреда ХРАБРО ни донесе врвен спортски резултат за Македонија. МЕДАЛ ОД ЕВРОПСКО ПРВЕНСТВО !!! 19:00 ч ВЕ ОЧЕКУВАМЕ !, стои во нивното соопштение до јавноста.