филип фидановски – Kurir.mk

В.д. директорот на средното уметничко училиште во Скопје си поднесе оставка

Катерина Бојаџиева — Tue, 10 Aug 2021 18:47:03 +0000

Филип Фидановски, в.д. директорот на Државното средно училиште за ликовна уметност и дизајн „Лазар Личеноски“ од Скопје поднесе неотповиклива оставка. Повеќе од една година траеја протестите на дел од вработените кои обвинуваа дека тој е незаконски поставен за в.д. директор и оти не ги исполнува условите. -Давам оставка, пред сè, поради големиот притисок на дел од вработените на кои воопшто не им е гајле ниту за ученциите, ниту за образовниот процес во нашето училиште, пишува Фидановски во неотповикливата оставка упатена до министерката за образование и наука, Мила Царовска.

Протестна изложба на професорите од уметничко пред МОН, бараат разрешување на директорот

Ивона Петрова — Thu, 24 Jun 2021 05:55:49 +0000

Професорскиот президиум на средно уметничко училиште денеска во 11 часот пред платото на Министерството за образование ќе одржи протестна изложба. Како што информираат професорите, на изложбата ќе бидат застапени професори од уметничкото училиште со свои слики, графики и скулптури, а покана за да ја отвори изложбата и да му додели свидетелство на ВД директорот и е упатена на министерката Мила Царовска. Инаку, оваа изложба е протест против незаконското поставување на Вд директорот Филип Фидановски и барање за негово разрешување. Професорите од ова средно училиште досега имаа два протести пред МОН, а поднесоа и серија претставки за, како што велат тие, криминалното и нечовечно раководење на Фидановски со училиштето и негово скрвнарење од успешно училиште во деструктивна институција.

Професори од средното уметничко алармираат: 15 колеги се заболени, а директорот воведе настава со физичко присуство

Super Admin — Fri, 09 Apr 2021 15:51:38 +0000

Професори од средното уметничко училиште „Лазар Личеноски“ во Скопје преку допис до јавноста се жалат од раководењето на в.д. директорот Филип Фидановски, кој, како што велат, вовел настава со физичко присуство во услови кога заболени од Ковид-19 се 15 професори. Интегрален текст од соопштението кое е потпишано од 20 професори Ние професорите од средно уметничко училиште Ви се обраќаме за да ве информираме за новонастанатите неприфатливи ситуации во нашето училиште ДСУЛУД „Лазар Личеноски“ – Скопје. Самоволието и тоталитаристичкиот начин на работа на нашиот в.д. директор Филип Фидановски ги надминува сите граници на нормалност. Неговите испади и незаконито работење во ДСУЛУД „Лазар Личеноски“ - Скопје, станаа секојдневие. Имено, сакаме да ја известиме јавноста дека в.д. директорот Филип Фидановски во овие услови на пандемија со преку 50 починати дневно и забрана за групирање на повеќе од 4 лица, воведе 8 часовно работно време за професорите и повторно воведе настава со физичко присуство. Сето ова во услови на заболени 15 професори. И самиот в.д. директор е заболен и не доаѓа на работа, но од дома се чини полесно му е да дава наредби. Иако советот на родители писмено реагираше против настава со физичко присуство в.д. директорот не сакаше да ја стави оваа точка на дневен ред на последниот наставнички совет. В.д. директорот во училиштето владее тотално диктаторски. Тој не дозволува конституирање на училишен одбор иако се избрани преставници од професорите и родителите преку советот на родители. Тој ова го прави бидејќи неговиот мандат на в.д. истекува за еден месец, а започнувањето на постапката за избор на директор согласно законот за средно, започнува три месеци пред истекот на мандатот. Нашиот в.д. директор сеуште нема лиценца за директор и е поставен незаконски за в.д., спротивно на член 91 од законот за средно образование. Ние потпишаните професори не реагираме по прв пат во однос на работата на в.д. директорот. Досега повеќе пати е реагирано до инспекторатот, министерката и премиерот. Загрижени сме дека ова нема да биде ни последен пат. Затоа што тој „владее“, а не „раководи“. Тој не сака или незнае да соработува со колективот. Подршката на своето владеење уште на самиот почеток ја бара само во министерството, односно кај моќниците кои се на позиција, наместо да ја бара во колективот. Не умее или не сака да ја негува култивираната комуникација ниту во соработката со родителите, ниту со учениците. Тој не умее да ја добие довербата од другите, да покаже разбирање за чувствата на другите, да обезбеди сојузништво и подршка, да ја спроведе политиката на училишниот одбор, а не само на министерката, да го пренесе мислењето на колективот дури и кога не се согласува со истото. Истовремено одбива да ги спроведе одлуките на сите легитимни тела во училиштето како стручниот актив, општообразовниот актив и советот на родители и одбива да го спроведе конституирањето на училишниот одбор кој самиот со помош на МОН и ДПИ го распушти. Со ова се обидува да го држи училиштето во правен мрак каде тој самиот може непречено да носи одлуки без притоа да биде консултирано ниедно друго тело. Ние професорите, досега покажавме голема толеранција спрема петмесечниот сталинистички стил на негово владеење, надевајќи се дека ќе се вразуми. Овој целосно некомпетентен човек ги поседува сите одлики на владетел од минат период.

Професори од средното уметничко реагираат: Директорот неоправдано го затвора училиштето

Ивона Петрова — Wed, 17 Mar 2021 11:48:50 +0000

Голем дел од професорите од средното уметничко училиште ,,Лазар Личеноски“ Скопје реагираат на одлуката на в.д. директорот Филип Фидановски да го затвори училиштето. -ВД директорот самоволно реши да го затвори за настава со физичко присуство училиштето. Нашето училиште има добиено дозвола за работа од страна на Комисијата за заразни болести. Исто и музичкото училиште. Сметаме дека ВД директорот Филип Фидановски неоправдано и притивзаконски на своја рака донесе таква одлука, велат професорите во дописот до медиумите во кој ја испраќаат и одлуката на директорот.