филип филиповски – Kurir.mk

Крвта не е вода: Синот на Лила се фотографираше гол во када (ФОТО)

Магдалена Андонова — Sun, 21 Mar 2021 16:55:07 +0000

Бањата е едно од омилените места на Лила Филиповска каде што обожава да позира, независно дали е дома или во некоја од хотелските соби каде е чест гостин. Во када, до када, запенета, на светло или во мрак, Лила има безброј вакви фотографии кои го пополнуваат нејзиниот ултра популарен профил на Инстаграм. Pовеќето од настанатите фотографии имаат за цел промоција на одредени производи кои таа ги рекламира, но во секој случај, бањата е едно од најчестите места каде се фотографира. Не за џабе рекле дека „крвта не е вода“, па така и синот на водителката. Имено, Филип можеби не е толку активен на социјалните мрежи како мама, но затоа реши да ги изненади своите следбеници по примерот на неговата сакана мамичка. И тој се фотографираше гол и запенет во када. За „фраерлукот“ да биде поголем, тој ги стави и очилата за сонце и покажа дека и е вешт „позер“, а иако фотографијата не е професионална како оние на мама, и тој собра голем број лајкови и коментари, меѓу кои се уште не се нашол и оној на Лила за оваа несекојдневна објава на синчето.

Се огласи прободениот полицаец Филип: Оној кој го виде Александар кога проба да ме убие да излезе и да ја каже вистината

Предраг Кукиќ — Sun, 14 Apr 2019 10:35:51 +0000

Полицаецот Филип Филиповски, кој беше прободен со нож во ноќен клуб во село Марино бара помош од сведоци да се расчисти случајот со инцидентот, по кој изгуби бубгер и слезина. Татко му и најблиските додека бараат посебни лекови и вакцини кои ги нема во државава тој на социјалните мрежи побара помош сведоците на неговото бодење да се јават и да ја кажат вистината. Осомничени се две момчиња кои се синови на функционер од МВР. -Ќе ве замолам до сите присутни на вечерта кога бев избоден на влезот од дискотеката на било кој што го виде како Александар крвнички ме боде и проба да ме убие, да излезе заедно со мене и да помогне да даде изјава, да ја каже вистината што се сличи. Не барам ништо повеќе. Затоа што ова може да му се случи на било кој од вас, знам дека сте прод притисок и чисто ве замолувам ако има некој таков помогнете ми злосторниците да си ја добијат правадата, доколку било кој од вас а верувам дека има многу што го видеа настанот сака да придонесе злосторниците да си го добијат заслуженото нека ми пише слободно - напиша Филип на Фејсбук.

Oстана без бубрег и слезина, а насилниците се на слобода: Се огласи ранетиот полицаец Филип

Ивана Ефремовски — Sat, 13 Apr 2019 16:23:34 +0000

Животот ми го променија целосно – заслужуваат казната да ги стигне, таа вечер беше брутална и крвничка, вели полицаецот Филип Филиповски кој беше прободен со нож во дискотека на 23-ти март во скопско Марино. За првпат по 22 дена, од кои 11 ги помина во болница полицаецот Филип Филиповски проговори јавно и опиша како бил нападнат од браќата Александар и Јордан Цветковски, инаку синови на екс- градоначалникот на Петровец и актуелен советник во МВР, Звонко Цветковски. Неговата изјава ја пренесува Телевизија 24. Напаѓачите ги познава од претходно, но никогаш не биле пријатели, а ниту непријатели. Вчера за првпат ги посочил и на препознавање во полициска станица. По ова МВР ја стокмило кривичната пријава и Обвинителството во ист ден ја отвори истрагата и побара притвор. Но, судот им изрече поблаги мерки. Скопското обвинителство не се откажува и во понеделник ќе поднесе нова жалба со барање браќата Цветковски да бидат притворени. Судијката Сандра Крстиќ, која им одреди алтернативни мерки, на Обвинителството му забележува што бара притвор поради опасност да не влијае врз сведоци, а 20 дена по инцидентот не повикале сведоци на распит, Но, од ОЈО-Скопје порачаа дека вчера добиле комплетна кривична пријава со конкретни имиња и експресно отвориле истрага која допрва почнува. Но, сметаат дека осомничените ги исполнуваат сите услови за да завршат во притвор, опасност од бегство и повторување на делото и влијание врз сведоци. Таткото на Филип, очекува сторителите да одговараат за потешко кривично дело, и наместо да се на слобода тие треба да се во притвор. Филиповски додава дека дека било каков обид за премолчување нема да го спречи да ја бара правдата. Таткото на осомничените напаѓачи, Звонко Цветковски, до сега само го негираше делото дека воопшто го извршиле неговите деца. ТВ 24 побара и денеска коментар, но Цветковски остана недостапен. Таткото пак на Филип вели докторите му го спасија животот, но Филип остана без еден бубрег и слезина по инцидентот. Правдата мора да ги стигне, велат и пријателите на Филип, а тој пак потенцира дека – никакви пари, обиди за замолчување или компензации нема да ги замолчат во обидот да ја докажат правата. ИЗВОР: ТЕЛЕВИЗИЈА 24

Таткото на прободеното момче: Додека Филип се бори, монструмот што му одзеде органи шета слободно

Ивана Ефремовски — Thu, 28 Mar 2019 12:02:22 +0000

Гоце Филиповски, таткото на прободеното момче во дискотеката во Марино, на Фејсбук пишува дека додека неговиот син се бори за живот, напаѓачот се шета слободно. „Филип се уште се бори, мора да победи, силен е тој и знам дека и добрината што ја има како и подршката на илјадници луѓе ќе помогне да издржи. УБИЕЦОТ се шета слободно, да УБИЕЦ и тоа БРУТАЛЕН. Да го наречам човек – не можам. Убиство без причина човек не може да направи. Филип засекогаш ке мора да живее без бубрег и слезина, органи што му ги одзеде МОНСТРУМОТ. Верувам дека институциите на државата ќе го сместат УБИЕЦОТ таму каде што му е место прво заради задоволување на правдата и второ за сите други млади луѓе да можат безгрижно да си го минуваат најубавиот период од нивниот живот, за родителите да можат да спијат мирно, а не да чекаат дали ќе се врати нивното дете живо и здраво. ВИ БЛАГОДАРАМ ЗА ПОДДРШКАТА“-напиша тој.