филип ѓорѓиев – Kurir.mk

Ѓорѓиев: УМС на ВМРО-ДПМНЕ максимално ги поддржува протестите на студентите, власта воопшто не се грижи за младите

Магдалена Андонова — Fri, 25 Nov 2022 10:59:03 +0000

Денеска Филип Ѓорѓиев, потпретседател на УМС на ВМРО-ДПМНЕ при гостување во утринската емисија на радио „Лидер“ потсети дека СДСМ дојде власт преку грбот на студентите и ветуваа студентски град, повисоки стипендии и реновирани студентски домови, но за жал реалноста е поинаква. Имено, студентите од СДСМ не ги добија ветените проекти, туку власта дури и ги заборави. - Иако на власта не успеа да го киднапира протестот на студентите, тие после протестот успеаја да извадат една слика заедно премиерот Ковачевски со порака еве ги решивме проблемите, се видовме, јас сум отворен и ги слушам барањата на студентите итн. Тоа беше само замачкување на очи на јавноста бидејќи проблемите на студентите ниту се решени, а ниту се почнати да се решаваат. Сите знаеме СДСМ како дојде на власт и тоа на грбот на студентите, рече Ѓорѓиев. Ѓорѓиев додаде дека власта воопшто не поработи на тоа студентите да добијат подобри услови. Со текот на годините со секој ребаланс на Буџетот стриктно кратеа од ставката образование. - Ние максимално ги поддржуваме протестите на студентите. Додека траеше целиот процес на одлучување конкретно за студентскиот оброк, колкав да биде износот и сл. ВМРО-ДПМНЕ имаше предлог и за зголемување на 160 денари што СДСМ го одби во Собрание, рече потпретседателот на УМС на ВМРО-ДПМНЕ. Тој посочи дека на власта „решение“ е да се одложи решавањето на проблемот. - Се надевам дека протестот ќе се прошири и во останатите градови, затоа што има факултети во останати градови. Има студенти од сите градови. Не се студентите само во Скопје, укажа Ѓорѓиев.

Ѓорѓиев со повик до младите: Дојдете, придружете ни се, Македонија се сака и се брани со акција и дела

Ивана Ефремовски — Mon, 11 Jul 2022 18:37:02 +0000

„На самиот почеток би сакал да се поклонам на вас, на сите вас што и вечерва во ваков импозантен број се собравте овде. Особено на оние кои што патуваат секој ден од другите градови, а се со една цел сплотена, заедно уште еднаш да им кажеме НЕ. Да им кажеме едно големо НЕ за Ултиматум со кој што треба сами да се укинеме како нација и да го поништиме постоењето на нашиот мајчин јазик и да го загубиме идентитетот под налетот на големо бугарските фашистички закани и уцени“, истакна Филип Ѓорѓиев на денешниот протест „Ултиматум, НЕ благодарам“. Ѓорѓиев додаде дека треба Владата да го слушне народот кој е против Ултиматум. Ако треба македонскиот глас нека се слушне и до Софија, но македонскиот народ нема да дозволи да се асимилираат македонските граѓани. „Европска Унија ДА, но само ако влеземе како Македонци кои ќе се гордо исправени, а не како асимилирани Бугари или било што друго, не со свиткани кичми, обезличени, обележани како нација со цртички или граѓани на некоја туѓа држава. А, ние младите ќе им порачаме и на домашните предавници, злонамерници и трговци на нашите човекови права и слободи кои лесно виткаат кичма дека Македонија е на Македонците и на сите народи во неа кои ја сакаат и ја чувствуваат како своја земја“, потенцира Ѓорѓиев. Ѓорѓиев ги повика сите млади кои се уште се колебаат да го искажат својот револт, да се придружат на протестите затоа што Македонија се брани со акција и со дела, додавајќи дека младите имаат доволно причини да излезат што помасовно по улиците. „Токму затоа, драги браќа и сестри не има се повеќе на улиците. Од тука вечерва би ги повикал и сите останати, а особено младите кои се уште се колебаат да излезат и да го искажат својот револт, бидејќи Македонија се сака и се брани со акција и со дела. А, зарем ние немаме доволно причини да бидеме сите на улиците? Нашиот народ има одлично памтење. Ни го земаа знамето, ни го земаа името, а сега сакаат и душата да ни ја земат“, рече Ѓорѓиев. Но, додаде тој, овој пат младите нема да им го дозволат тоа, ќе одат до крај и назад нема затоа што оваа предавничка Влада нема дно кое што го нема пробиено и дека истата мора да разбере дека Македонија е народот и дека народот си ја сака државата назад.

Ѓорѓиев: Нацртани 4.108 срциња во графит во спомен на сите чии срца престанаа да чукаат и ги загубија своите животи чекајќи го Филипче да набави вакцини

Магдалена Андонова — Fri, 09 Apr 2021 12:45:33 +0000

Денес во герила акција на кејот покрај реката Вардар оставаме 4.108 срца како потсетник на оние кои го изгубија животот во борба со вирусот КОВИД-19. Воедно од тука бараме одговорност и одговори од министерот за здравство Венко Филипче. Уште колку македонски срца ќе треба да престанат да бијат за министерот Венко Филипче да почувствува одговорност и грам сочувство со илјадниците мајки, татковци, синови и ќерки кои ги изгубија своите најмили чекајќи вакцини, чекајќи слободни кревети, поевтини лекови и соодветна терапија за да бидат излекувани од КОВИД-19, изјави денеска за медиумите, Филип Ѓорѓиев од ВМРО-ДПМНЕ. - Уште колку сомнителни тендери, луксузирања со хеликоптери и моторцикли ќе му бидат потребни на Венко Филипче, за да ја задоволи својата суета, и конечно да се откаже од министерската и портпаролска позиција, сведена на статистичка операција за евиденција на мртви и заразени граѓани? Уште колку македонски граѓани со згазени чест и достоинство, ќе треба да го бараат својот спас во вакцините кои што ни ги нуди пријателска Република Србија, прашува тој. - До кога за Венко Филипче и Зоран Заев, единствените виновници за катастрофалното менаџирање со епидемиската криза ќе бидат граѓаните, кои наместо да добијат вакцини, квалитетни и навремени здравствени услуги, им нудат карантин, полициски часови, страв и неизвесност за својата иднина. И откако ќе помине сево ова ќе се прашуваат како понатаму ќе продолжат да живеат, вели Ѓорѓиев. - Го повикуваме уште еднаш од овде Венко Филипче, конечно да се симне од моторот на кој што ужива да се вози и да влезе во чевлите на граѓаните, кои со нетрпение чекаат да бидат имунизирани, излекувани, а со тоа и слободни да му се вратат на својот достоинствен начин на живеење, додаде тој.

Ѓорѓиев: Една од најголемите лаги за младите на Дарко Каевски е за затворените базени ширум Македонија

Предраг Кукиќ — Sun, 10 Nov 2019 11:22:34 +0000

Младите се најголеми жртви на лагите на измамникот Зоран Заев и СДСМ. Илјадници млади граѓани во Република Македонија паралелно со високото образование учат и по некој странски јазик со единствена цел кога ќе го завршат образованието веднаш да ја напуштат нашата држава поради бесперспективноста, која е резултат на неспособната и криминална власт. Заев и СДСМ ги излажаа младите. Излажаа дека ќе спроведат мерки и проекти во интерес на младите од кои до ден денес нема ништо. Нема ни трага ни глас од студентските домови, базени, игралишта и проекти кои ги ветуваа СДСМ за младите, изјави денеска Филип Ѓорѓиев од ВМРО-ДПМНЕ кој додаде: „Една од најголемите лаги за младите е дело токму на Дарко Каевски како директор на Агенцијата за млади и спорт. Тој ветуваше не еден, не два туку шест затворени базени ширум Македонија од кои во последната година на мандатот на оваа власт во заминување се уште нема ништо. Дали Каевски мислеше дека се на „прав пат“ кога во април лажеше дека во јуни ќе отпочне изградбата на затворените базени за сега повторно да шири лажни вести дека изградбата ќе започне до крајот на месецот, а се уште не е завршена тендерската постапка.“ -Како што може да се види на оваа фотографија која што е достапна јавно на јавноста, тендерската постапка завршува на 2 декември, а Дарко Каевски пред само неколку дена јавно, на телевизиска дебата ја излажа македонската јавност дека целата постапка е завршена. Токму ваквите лаги и манипулации ќе ги казнат младите на 12-ти април, кога во голем број ќе излезат да гласаат против криминалната банда на чело со аболицираниот Зоран Заев. Младите знаат кој се грижи за нив и кој нуди реални проекти и решенија, младите на 12-ти април гласот ќе го дадат за обнова на Македонија, потенцираше Ѓорѓиев.

Ѓорѓиев: Кога на СДСМ им требаше гласот на студентите ветуваа брда и долини, денес тие се жртви на лагите на власта

Ивана Ефремовски — Wed, 17 Apr 2019 10:15:03 +0000

Студентите се жртви на лагите и катастрофалните политики на СДСМ и Зоран Заев. Кога на СДСМ им требаше гласот на студентите ветуваа брда и долини, а кога дојдоа на власт студентите за нив станаа категорија на луѓе која не постои, обвинува Филип Ѓорѓиев од ВМРО-ДПМНЕ. -Условите за живот по студентските домови наместо да се подобруваат како што ветуваше СДСМ, тие од ден на ден стануваат се полоши. Студентите живеат во мизерни и супстандардни услови, а функционерите тераат кампања за Стево Пендаровски, наместо да работат за подобрување на животот на македонскиот студент. Додека владата се луксузира и троши стотици илјади евра за морски плодови и апетисани, студентите добиваат минимални и ладни оброци во кои често може да се најдат бубачки, но и игли и отпушоци од цигари. Топлата вода во студентските домови стана вистински луксуз и студентите се приморани да се тушираат со ладна вода, а за да биде потрагично студентите од „Стив Наумов“ во најладните денови немаа ниту вода, парно греење, вели тој. Ѓорѓиев истакнува дека наместо реновирани соби во студентските домови „Кузман Јосифовски Питу“ и „Стив Наумов“, студентите живеат во соби полни со влага каде ѕидовите речиси се распаѓаат. -А, исто така неодамна јавноста беше сведок како во студентскиот дом „Стив Наумов“ падна плафонот во тоалет во една од собите при што некој студент можеше сериозно да биде повреден. Лифтовите во домовите „Кузман Јосифовски Питу“ и „Гоце Делчев“ понекогаш не работат цели месеци и студентите мора да се качуваат по 7 или 14 катови по неколку пати во денот. Дворовите изгледаат како градилишта, полни се со ѓубре и шут и при најмали врнежи се создаваат цели езера при што практично е невозможно да се помине. Воедно заради неодржувањето на тревните површни излегуваат змии кои претставуваат сериозна закана по животите на студентите. СДСМ покажа целосна негрижа за студентите во Република Македонија. Бедата и мизеријата повеќе не смеат да бидат секојдневие за македонскиот студент. СДСМ мора веднаш да си замине, затоа што студентите во Република Македонија заслужуваат подобро, порача тој.

Младите од ВМРО-ДПМНЕ со симболична порака до Владата: Црно време, црна сиромаштија, граѓаните се со празни џебови (ФОТО)

Катерина Бојаџиева — Tue, 27 Nov 2018 13:23:06 +0000

Народот е со празни џебови. За тоа е најзаслужна владата. Ременот дополнително се стега. Сега се предвидува и зголемување на даноците. Зголемувањето на даноци значи ставање на раката на државата во џебот на граѓаните. Црно време за црна сиромаштија, а младите и граѓаните со празни џебови, истакна Филип Ѓорѓиев од ВМРО-ДПМНЕ. -Затоа денес симболично оставаме пред министерството за арач и финансии стари панталони со празни и искинати џебови, како порака дека народот е без пари, младите се без егзистенција, а зголемувањето на даноците ќе ја направи државата уште посиромашна а иднината на сите уште по црна, рече Ѓорѓиев и додаде: „Токму ваков е, празен и искинат е џебот на граѓанинот, со зголемување на даноците ќе биде пробиено дното. Владата треба да се свести дека народот гладува и живее црн живот. Вклучен е алармот, затоа ги повикуваме сите млади да го кренат гласот и да ни се приклучат во протестите на ВМРО-ДПМНЕ, против зголемувањето на даноците, против сиромаштијата, против неисполнетите ветувања против ова црно време“.

Ѓорѓиев: Владата крати 170 милиони денари од Буџетот наменети за изградба и реконструкција на студентски домови

Предраг Кукиќ — Thu, 18 Oct 2018 10:07:47 +0000

Владата има 670 илјади евра за набавка на цвеќиња, 40 илјади евра за набавка на кафе и 1 милион и 600 илјади евра за набавка на лубриканти, но нема за студентски домови. Владата крати 170 милиони денари од Буџетот наменети за изградба и реконструкција на студентски домови. Студентите се уште чекаат да заврши реконструкцијата на блоковите В и Г во Студенстки дом „Гоце Делчев“, која иако беше најавена за во септември оваа година веќе месец ипол доцни, изјави за медиумите Филип Ѓорѓиев од ВМРО-ДПМНЕ и додаде: „Министерот во изјава за медиуми во август годинава кажа дека реконструкциите се очекува да завршат во септември, три месеци подоцна студентскиот дом зад мене се уште наликува на градилиште. Блокот В е објект кој требаше да биде готов уште минатата година. Доколку ВМРО-ДПМНЕ беше на власт истиот ќе беше и веќе во употреба. Двата блока кои се со капацитет од 600 легла се жртва за неспособноста на власта. Најавуваа изградба на студентски град и дека истата ќе ја отпочнат во првите шест месеци од преземањето на власта, сега не само што не е отпочната изградба на студентски град, туку проект кој веќе е започнат од страна на ВМРО-ДПМНЕ повеќе од година ипол се развлекува.“ -Дополнително ситуацијата во студентските домови откако СДСМ е на власт не само што не е подобрена, туку се и влошува. Зачестија слики од револтирани студенти кои покажуваат како во нивната храна наоѓаат и бубачки, отпушоци и игли. Сето ова е одраз на погрешните приоритети на СДСМ. Младите добија безброј ветувања пред изборите. СДСМ вети многу, а не реализира ништо. Веќе поминува половина од нивниот мандат, а младите од оваа влада не видоа ништо добро. Ветуваа се, но не реализираа ништо. Време е оваа влада да си замине, потенцираше Ѓорѓиев.

Ѓорѓиев: Време е домат дипломатот Димитров да си замине во Мамас и да прави туршија

Катерина Бојаџиева — Thu, 28 Jun 2018 10:55:06 +0000

Неспособноста во дипломатијата не се покрива со домати. Домат дипломатијата и прави штета на Македонија. Скапаа доматите од годинешната реколта, а Зоран Заев и Никола Димитров не успеаја да испорачаат реформи за преговори со ЕУ. ЕУ бара резултати, а не препродавачи на име и домати. Домат дипломатијата на Димитров го доживеа својот дебакл. Доматите кои требаше да патуваат во ЕУ остануваат скапани за Димитров и Заев. Ќе скапуваат уште најмалку година ипол, а со неспособната и расипничка власт загрозени се и наредните реколти, истакна Филип Ѓорѓиев на денешната прес-конференција на ВМРО-ДПМНЕ. -Не само што не може криминалот и корупцијата да ги покријат со трудот на земјоделците, туку не им помогна ни обидот заедно со доматите да го понудат македонското име и идентитет. Господине Димитров, младите немаат ама баш никаква корист од вашата домат дипломатија. Македонија останува закопана и обезличена заради вашата неспособност која ја компензирате со крајна несериозност. Знаеме дека не сте се мрднале од скапите фотелји за да ја видите маката на земјоделците, да произведат гајба домати и дека мува не ве лази дали и во наредната година тие ќе имаат пласман или ќе ги продаваат по рекордно ниски цени кои не ги покриваат ниту трошоците на производство, рече Ѓорѓиев и додаде: „Младите се загрижени. Наместо вие да се подбивате со државата и да нудите домати за членство во ЕУ, ние Ви купивме домати и Ви ги оставивме само да си заминете и да престанете да и правите штета на државата. Ветивте почеток на преговорите, а ни донесовте само грчка салата платена со името Република Македонија. Ви посакуваме успех во натамошната кариера која се надеваме дека ќе ја продолжите како раководител на производство на туршија во „Мамас“ кај Заеви“.

Ѓорѓиев: Криминалниот картел во власта предводен од Заев ја пустоши Македонија, а цехот го плаќаат граѓаните

Дарко Андоновски — Wed, 16 May 2018 14:12:27 +0000

Лагите на Заев во врска со ангажманот на Христијан Мицкоски не можат да го покријат најголемиот државен грабеж што во моментов го реализира криминалниот картел на власт, ова на денешната прес конференција го потенцираше Филип Ѓорѓиев од ВМРО-ДПМНЕ. -Претседателот на ВМРО-ДПМНЕ е еден од најкомпетентните експерти во областа на енергетиката и благодарение на неговиот ангажман постигнати се огромни резултати на ова поле, а граѓаните секојдневно не стравуваа од нови поскапувања. Сега ситуацијата е поинаква. Криминалци го советуваат Заев, а тој ги плаќа со пари на граѓаните. Единствен интерес и на криминалците и на Заев е како да приграбат што е можно повеќе пари за себе. СДСМ мора да одговори, дали и колку од грчките милиони исплатени за Кочо Анѓушев завршија во џебовите кај Заеви, а колку кај него?, прашува Ѓорѓиев. Тој прашува дали скапо платените српски советници Башановиќ и Обрадовиќ го советуваа Заев да не постапи навремено и да дозволи да се прелеваат испустите во хидроакумулациите? Колкава е штетата од ваквата неодговорност? Дали скапо платените српски советници намерно предизвикаа штета и колку пари од ваквото несовесно работење на новото раководство на ЕЛЕМ завршија во џебовите на Заеви? -Дали Башановиќ и Обрадовиќ го советуваа Заев да ја ангажира фирмата СВ Инвест во РЕК Битола, нејзините налепници да ги стави на камионите на Вице и да го прошири семејниот бизнис? Колку пари имаат ќар Зоран и Вице Заеви од ангажманот на струмичките камиони во РЕК Битола ? Криминалниот картел во власта, предводен од Зоран Заев секојдневно ја пустоши Република Македонија, а цехот го плаќаме сите ние. Ниедна манипулација не може да го сокрие криминалот. Зоран Заев и СДСМ ја имаат власта и не смее да бегаат од одговори, потенцира Ѓорѓиев.

Ѓорѓиев: Тендерот на АД ЕЛЕМ смрди на криминал- колку пари на граѓаните откако СДСМ е на власт завршија на приватни сметки?

Катерина Бојаџиева — Mon, 16 Apr 2018 14:58:01 +0000

Владата на СДСМ е до гуша заглавена во криминал и корупција. Криминалниот тендер меѓу АД ЕЛЕМ и Пелистер ДОО Битола ја чини државата и граѓаните еден милион евра повеќе отколку што истата фирма претходно понудила за да биде завршена истата работа. Колку од овие пари легнаа на сметка на Зоран Заев и Вицето? Колку евра по гигаџул требало да плати компанијата Пелистер на Заев, а колку на партијата? Криминалното работење по принципот евро за Вицето, евро за партијата и евро за црквата картелот на власт го унапреди и надгради, истакна Филип Ѓорѓиев од ВМРО-ДПМНЕ. -Тендерот од 320 милионски на АД ЕЛЕМ, смрди на криминал. По обелоденувањето на случајот од страна на ВМРО-ДПМНЕ, експресно беше извршено дополнување на критериумите за учество во тендерската постапка. Кој е уделот на Заев во целиот скандал и дали освен него се инволвирани и други високи функционери на СДСМ? Дали СДСМ ги користи парите на граѓаните за богатење на функционерите од врвот на власта? Колку пари на граѓаните откако СДСМ е на власт завршија на приватни сметки?, запраша тој и додаде: „Дали сомнителните милионски договори во четири очи, беа главната причина поради која СДСМ по преземањето на АД ЕЛЕМ го поништи постапката за набавка на сопствена опрема за ископ распишана од ВМРО-ДПМНЕ, за потребите на РЕК Битола, па ова претпријатие наместо со сопствени ресурси мора да плаќа милиони евра за ископ на приватни фирми? До кога парите на граѓаните наместо за нови проекти, ќе завршуваат за милионски тендери во четири очи во корист фирми за кои постои сомнеж дека се блиски до власта?“. СДСМ, потенцираше Ѓорѓиев, сфати дека ја промаши работата со лагите и клеветите на директорот на ЕЛЕМ. -Неговите 48 часа за извинување до Претседателот на ВМРО ДПМНЕ истекуваат, па затоа сега очајнички се обидуваат да го покријат со бледи изјави на претставнички на СДММ. Ваквата несериозност и манипулации не поминуваат. Одговорност за криминалот мора да има и ќе има кога ќе се врати правната држава. Граѓаните чекаат одговори. Зоран Заев не смее да продолжи со своето расипничко однесување со Буџетот. Оваа влада мора да си замине. Граѓаните заслужуваат подобро.