филип лазаров – Kurir.mk

Филип Лазаров го водеше Интерактив до нов трофеј

Бошко Тасиќ — Tue, 06 Jun 2023 04:35:34 +0000

По освојувањето на шампионската титула во регионалната лига, тимот на Интерактив Хендбол предводен од Филип Лазаров обезбеди место во Третата Бундес лига. Сезоната беше комплетирана со трофеј за Интерактив на завршниот турнир од Купот во кој играат екипите од пониските лиги. Интерактив на Лазаров во финалето го победи составот на Штромбах со 35-24, додека претходно во полуфиналето го елиминира Хофвајар со 41-32. Со триумфот и куп трофејот во оваа конкуренција, Интерактив обезбеди место во елитното Куп натпреварување во втората рунда следната сезона каде ќе се соочи со тим од Бундес лигата или од Втората Бундес конкуренција.

Голем успех на Лазаров и Интерактив, во следната сезона ќе играат во повисок ранг

Бошко Тасиќ — Tue, 02 May 2023 04:58:51 +0000

Eкипата на Интерактив, предводенa од поранешниот македонски ракометен репрезентативе Филип Лазаров ја оствари зацртаната цел и во следната сезона ќе игра едно скалило погоре во германскиот ракомет. На едно коло до крајот на шампионатот, Интерактив извојува победа против Рефрат со 28-18, а главниот конкурент Коршенбурах загуби дома од Ахен, па така обезбеди пласман во Третата лига на Германија. Македонскиот тренер не го криеше задоволството од големиот успех на тимот. „Многу сум среќен и горд на мојот тим и сите вклучени во проектот. Можам само да им се заблагодарам на сите од се срце, играчите, тренерскиот тим и на целото семејство Шлиркамп за можноста да го тренирам овој тим. Мислам дека тимот имаше одлична сезона и на крајот заслужи промоција“, рече Филип Лазаров. Интерактив има фантастична сезона и на 25 натпревари нема ниту еден пораз.

Филип Лазаров го продолжи договорот со германски Интерактив

Бошко Тасиќ — Sun, 25 Dec 2022 07:24:49 +0000

Филип Лазаров доби продолжување на договорот на тренерската позиција во германски Интерактив до 2024 година. Поранешниот репрезентативец на Македонија имаше успешен старт на сезоната, па иако дојде како привремено решение, сепак по неговите добри резултати стигна потврдата за продолжување на соработката. Новиот договор го обврзува Лазаров да го води германскиот клуб и во наредната 2023/24 сезона. Интерактив во есенскиот дел од првенството е без пораз по 13 натпревари, одиграа само еден натпревар нерешено и славеа на 12 средби. Очекувањата се клубот да се бори за место во третата германска лига.

Филип Лазаров позитивен на Ковид-19 (ФОТО)

Магдалена Андонова — Wed, 05 Aug 2020 12:15:33 +0000

Филип Лазаров е позитивен на Ковид-19, ова го тврдат медиумите од Германија кои јавуваат дека тој се заразил за време на авионскиот лет кон Германија, пренесува порталот Дриблинг.мк Според информациите од Германија, Лазаров нема симптоми на коронавирус, но првиот тст покажал дека е позитивен. Лазаров се тестирал во Скопје каде тестот бил негативен. ова е прв случај во РК Ратинген е прв случај на позитивен тест на Ковид-19. Во клубот постои сомневање дека резултатот од првиот тест е погрешен, сега ги очекуваат резултатите од вториот тест, сите во семејството на Филип Лазаров се негативни на Ковид-19, пишува Дриблинг.мк

Филип Лазаров доби втор син: Марко се роди на Велигден

Ивана Ефремовски — Mon, 29 Apr 2019 07:12:11 +0000

Македонскиот ракометар Филип Лазаров доби втор син. Марко се родил на Велигден, објави Филип на фејсбук. „Фала ти Господе што на овој ден, на најголемиот христијански празник Велигден го збогати нашето семејство со уште еден член. Силен на тато, убав на мама и бато. Добро ни дојде Марко, напиша Филип Лазаров.

Филип Лазаров: Против Хрватска е најважниот натпревар на ова првенство

Ивона Петрова — Sun, 13 Jan 2019 15:38:46 +0000

Филип Лазаров одигра солиден натпревар против Бахреин, кој репрезентацијата на Македонија го доби со 28-23 во „Олимпик хале“ во Минхен попладнево, а по мечот го потврди мислењето на својот колега Филип Талески, дека дуелот беше добиен со добра игра во одбраната. – Одбраната го доби дуелот. Бахреин се мачеше цел натпревар во нападот, освен при некои шутеви кои тешко се бранат и тоа го покажува резултатот. На минатиот натпревар примивме 29 гола и сите имаа забелешки за тоа. Сега примивме 6 помалку со тоа што последните 10-15 минути се играа порелаксирано, па затоа треба да бидеме задоволни, изјави помалиот од браќата Лазарови веднаш по мечот. Остана впечатокот дека репрезентацијата може и подобро да се претстави, оценка со која Лазаров се согласи, но сепак младите добија шанса во последните десетина минути, што е непроценливо искуство за нив. За ракометарот на Ратинген, утре против Хрватска е најважниот натпревар на ова првенство за македонскиот тим. – За нас утре е најважниот натпревар на ова првенство и ќе видиме колкава ни е силата во моментов. Имаме доволно квалитет за да излеземе на секој натпревар за победа. Хрватска е фаворит и за нијанса е посилна, има поголем ростер на играчи, поискусни и поквалитетни можеби, но на теренот ништо не се знае и ќе ја чекаме нашата шанса. Ќе дадеме се од себе и се надеваме на позитивен резултат, сподели Лазаров. Тој додаде дека нема да се калкулира во утрешниот меч, за да се дочека мечот со Исланд со повеќе сили. – Неможеш да излезеш на натпревар и да калкулираш, не постои такво нешто. Ако се размислува за такво нешто, тоа би било евентуално против Шпанија. Но знаејќи го селекторот ние ќе одиме на победа до крај и ќе видиме што ќе се случи. МИА

Ацо Јоновски им стана тренер на Диви и Филип Лазаров

Ивона Петрова — Tue, 08 Jan 2019 10:47:11 +0000

Поранешниот македонски ракометен репрезентативец Ацо Јоновски стана новиот тренер во Ратигнер. Германскиот клуб минатата недела го смени тренерот Халид Кан, што во рамки на клубот и локалните медиуми беше означено како сензација. По размислувањето, клубот се одлучи толку Јоновски да биде тренерот кој ќе го замени Кан. Со ваквата одлука, Јоновски им стана тренер на соиграчите Филип Лазаров и Петар Ангелов.

Лазаров: Одеднаш сите застанавме, немаше кој да преземе

Катерина Бојаџиева — Tue, 23 Jan 2018 21:44:03 +0000

Поразот на Македонија од Чешка 24-25 ќе се објаснува и анализира уште долго, но првите импресии на играчите, по натпреварот се опишуваат со еден збор- разочарување. Филип Лазаров рече дека со Чешка знаевме како, имавме победи против неа и ни лежеше оваа селекција, но кога требаше, застанавме. „Имавме денеска хемија за победа. Така изгледаше, се функционираше до 45. минута, на крај снемавме идеја, сила, Борко застана, сите застанавме одеднаш, немаше некој расположен играч да преземе во последните десет минути, да ни олесни. Два гола ни требаа за победа, но тоа е, нема бегање од ова“, рече Лазаров. Тој имаше многу мала минутажа на натпреварот, ниту пет минути и не успеа да упати ни еден шут кон голот.

ВИДЕО: „Бисер балкански“ ечи во соблекувалната, ракометарите заслужено слават

Ивана Ефремовски — Wed, 17 Jan 2018 20:46:28 +0000

Ечи „Бисер балкански“ од соблекувалната на македонската репрезентација. Ракометарите одиграа нерешено со Германија, останаа непоразени и како првопласирани во групата продолжуваме во втората фаза на ЕП во Вараждин. „Пораз што беше тоа???“ – напиша Филип Лазаров кој поради повреда мораше да го пропушти денешниот дуел, но никој не ја пропушти прославата.

Poraz , sto beshe toa ???

A post shared by Filip (@filip023) on Jan 17, 2018 at 11:47am PST

Раул направи измена пред Германија: Филип Лазаров изваден од составот

Ивона Петрова — Wed, 17 Jan 2018 08:48:43 +0000

Селекторот на македонската ракометна репрезентација Раул Гонзалес ја направи првата измена во составот пред вечерашниот натпревар со Германија во рамки на групната фаза на Европското првенство кое се одржува во Хрватска. Од паркетот, Филип Лазаров денес ќе се пресели на трибините, додека во составот влегува специјалистот за одбрана Велко Маркоски. Причина за замената на Лазаров е повреда на мускулот на ногата на која се пожалил бекот во текот на вчерашниот ден и ќе одмора за денешниот дуел. Левиот бек на Европското првенство постигна вкупно пет голови од пет удари, два реализираше со Словенија во клучните моменти од натпреварот, а три пати погоди во мрежата на Црногорците.