филип талевски – Kurir.mk

ОФИЦИЈАЛНО: Филип Талески е нов ракометар на Бенфика!

Ристе Здравков — Fri, 07 Jul 2023 13:16:50 +0000

Македонскиот репрезентативец Филип Талески од ова лето ќе има нов, голем предизвик во кариерата. Тој е промовиран како нов ракометар на португалската Бенфика, екипа што го освои трофејот во Лигата на Европа пред две сезони. Македонскиот лев бек потпиша договор со тимот кој во новата сезона ќе биде предводен од шпанскиот стручњак Хота Гонзалес. Тој е третиот Македонец што ќе заигра за Бенфика, откако претходно таму беа голманите Никола Митревски и Борко Ристовски. Талески последните три сезони ги мина во Вардар, претходно играше за Металург, како и за германските Рајн Некар Левен и Балинген.

Талески: Никогаш довидување, само поздрав до следно видување

Бошко Тасиќ — Sat, 27 May 2023 04:20:15 +0000

Македонскиот ракометен репрезентативец, Филип Талески од следната сезона ќе има нов предизвик. На левиот бек по завршувањето на оваа сезона му истекува договорот со Вардар, а откако нема да има продолжување на истиот, стана јасно дека Талески во новата сезона ќе брани бои на нов клуб. 27-годишниот ракометар со Вардар освои сè што може да се освои на домашна сцена, а денес ќе го одигра последниот натпревар за „црвено-црните“ и ќе се прости од фановите на нашиот најтрофеен ракометен колектив. „Црвено-црната“ армија му подготвува достојно збогум на македонскиот бек, кој најверојатно својата кариера ќе ја продолжи во Португалија во редовите на Бенфика.

Суспензија и кривична пријава за полицаецот што со пендрек го удри по глава ракометарот Талески

Бошко Тасиќ — Fri, 19 May 2023 18:08:51 +0000

Полицаецот што по ракометниот натпревар помеѓу Вардар и Еурофарм Пелистер на 13 мај го удри ракометарот Филип Талески со пендрек по глава доби кривична пријава, а ќе биде суспендиран и од работа, соопшти денеска Министерството за внатрешни работи (МВР). Оттаму велат дека кривичната пријава е за делото малтретирање во вршење служба, а ја поднел Одделот за внатрешна контрола при МВР до Специјализираното одделение за гонење кривични дела сторени од лица со полициски овластува во Основното јавно обвинителство за гонење организиран криминал и корупција. „Пријавениот на 13.5.2023 година, околу 20 часот во спортската сала ’Билјанини извори‘ во Охрид по завршување на ракометен натпревар, при вршење на службата со умисла извршил малтретирање врз оштетениот Ф.Т. на начин што неосновано и прекумерно употребил средства за присилба врз него“, соопштија од МВР. Во врска со суспензијата, пак, велат дека таа ќе трае додека да заврши дисциплинската постапка која ќе ја покрене Одделот за внатрешна контрола. Полицаецот е вработен на подрачјето на СВР Охрид, а инцидентот се случи во турканици на теренот по завршување на натпреварот од финалето на Купот на Македонија што се играше во Охрид помеѓу скопски Вардар, чиј ракометар е Талески, и битолскиот тим Еурофарм Пелистер.

Филип Талески го напушта Вардар 1961 од наредната сезона

Бошко Тасиќ — Sat, 15 Apr 2023 17:23:43 +0000

Македонскиот ракометен репрезентативен лев бек, Филип Талески, во следната сезона ќе игра за Бенфика од Лисабон, најавуваат португалски медиуми. Талески е член на Вардар 1961, а Португалците најавуваат оти тој ќе го носи дресот на Орлите во следната сезона. Тренер на Бенфика во 2023/2024 ќе биде Шпанецот Жота Гонзалес, и веројатно на негово барања е да се донесе Талески. Ако се официјализира трансферот, во следната сезона најголемото португалско дерби ќе биде и македонско, бидејќи голот на Порто го чува нашиот Николче Митревски.

Талески: Победи вардарoвото срце

Бошко Тасиќ — Mon, 27 Mar 2023 04:44:05 +0000

По мечот со Еурофарм Пелистер македонскиот репрезентативец Филип Талевски потенцира дека сите се задоволни од триумфот. „Имавме доста грешки во првото полувреме, меѓутоа бевме мирни во главата и покрај тоа што се случи на трибините, тоа беше инцидентот. Сите играчи пред ова дерби бевме свесни дека оваа година ќе биде потешка во однос на другите во дербијата и одигравме максимално затоа што добро се подготовивме за противникот. Мора да одиме во Битола и да победиме и таму затоа што ако се браниш, лесно се прави пресврт, сведоци сме биле на такви натпревари. Знаевме дека ќе биде тешко, затоа што Еурофарм Пелистер дојде мотивиран во Скопје, но на крај победи вардарското срце“, изјави Талески по натпреварот.

Талески: Холандија е брза, а голманите може да имаат добар, но и лош ден

Бошко Тасиќ — Sat, 14 Jan 2023 20:19:31 +0000

Филип Талески, бекот на Вардар, кој беше најефикасен играч на нашиот национален тим на првата средба. „Нема за што да жалиме за првиот натпревар, квалитетот, сепак, е на страната на Норвешка. Ги увидовме падовите во четири минути во првиот и шест минути во вториот дел и тоа не смееме да го дозволуваме. Со неколку технички грешки, резултатот отиде нагоре, а претходно бевме во егал. Од денес мислите ни се само кон Холандија, имаме шанси, но мора да го покажеме тоа на терен. Знаеме што нè чека, доаѓа побрза игра од Норвешка, предводена е селекцијата од Лук Стајнс. Холанѓаните имаат брза транзиција. Ако го сопреме тоа, ќе имаме добри шанси за победа. Не е толку физичка силна Холандија во одбраната, може да напаѓаме квалитетно, но мора да ја сопреме нивната брза игра. Верувам дека нашиот селектор ќе има добра таткика за нив“, изјави Талески.

Талевски: Норвешка е фаворит за злато, но и ние знаеме да играме ракомет, не се предаваме против никого

Ристе Здравков — Tue, 10 Jan 2023 12:11:39 +0000

Како што кажаа селекторот и капитенот вистина е дека имаме една тешка група, меѓутоа како што кажа селекторот нема да се предадеме против никого, ова го изјави бекот на македонската ракометна репрезентација Филип Талевски. -Ги знаеме добро сите селекции, знаеме со каков квалитет располагаат, имавме доста време да се подготвиме и мислам дека тоа доста добро го направивме. Првата утакмица е со Норвешка каде што они се фаворити за освојување на злато, но тоа не треба да не мачи, секоја селекција во денешно време игра ракомет, а ние покажавме во тие квалификации кои што ги спомна и селекторот и капитенот, дека кога е тешко можеме и знаеме, така да не треба да се плашиме од никого, треба да одиме максимално на секој натпревар чекор по чекор и да направиме некое изненадување како некои селекции што прават. Неше е да слушаме и да ги исполниме задачите кои ќе ги добие секој играч посебно од нашиот селектор, да го дадеме максимумот на терен и мислам дека имаме добра иднина со оваа помлада репрезентација и со оваа игра што покажавме, истакна Талевски. Едноставно станавме модерна репрезентација со доста трчање со доста постигнати голови. Треба да се фокусираме повеќе на одбраната и со таа транзиција како против Израел и Хрватска покажавме дека знаеме да трчаме и сме спремни, младоста тоа ни го дозволува, додаде Талевски.

Талески: Време е младината да ја преземе репрезентацијата

Бошко Тасиќ — Tue, 11 Oct 2022 07:08:42 +0000

Репрезентативниот бек Филип Талески пред стартот на квалификациите за ЕП изјави дека е време е младите да ја преземат репрезентацијата и верува во оваа група на ракометари дека може да го продолжи континуитетот на настапи на големите натпреварувања. „Нов циклус, но идејата и целите се исти. Без разлика на тоа кој е во составот и на списокот, мислам дека заслужуваме да бидеме на големи натпреварувања. Имаме група каде што може да го оствариме тоа што ни е зацртано, а тоа е да бидеме повторно на Европско првенство. Има многу измени во составот, ги нема повеќе Стоилов и Миркуловски кои беа предводници и мотиватори, но сега дојде време кога младината треба да преземе сe. Мислам дека во последните месеци покажавме дека може да го носиме тој товар на нашиот грб. Можам да кажам дека ракометарите на Алкалоид, каде што Лазаров е тренер, играат еден динамичен ракомет и мислам дека сите играчи сме подготвени физички за предизвиците. Ќе треба да се договори тактиката и мислам дека ќе може да играме квалитетен ракомет. Во денешниот ракомет нема фаворити, сите играат ракомет и може да се случат изненадувања. Треба да бидеме фокусирани и да ги одработиме нашите задачи, па тоа ќе ни помогне. Сакаме да одиме на две победи во овој циклус за потоа да бидеме подготвени за дуелот против Португалија“, изјави Талески.

ВИДЕО: Мајсторија на Талески – со „вртенка“ ја крена публиката на нозе!

Ристе Здравков — Sun, 17 Apr 2022 18:52:37 +0000

Ракометната репрезентација на Македонија во преполната сала „Борис Трајковски“ ја дочека Чешка, во реваншот на баражот за Светското првенство. Откако во Злин одиграа нерешени 24-24, а таму Македонија правеше атракција, по атракција. Поради тоа Чесите ја научија лекцијата и во Скопје се попретпазливи. Сепак, Филип Талески се погрижи за скопската публика да не остане без атрактивни потези. Во една контра, крушевчанецот излета сам на линијата за шест метри очи во очи со Мрква, па со „вртенка“ го измами и ја крена публиката на нозе. Атрактивниот погодок на Талески против Чешка: Видеото погледнете го ТУКА Токму Филип Талески е еден од најдобрите ракометари на Македонија во овој двомеч со Чешка, а тоа го покажа и со неколкуте убави потези.

Талески: Можевме да завршиме голема работа во Чешка, но прокоцкавме многу во финишот

Бошко Тасиќ — Wed, 13 Apr 2022 20:50:29 +0000

Репрезентативниот бек, Филип Талески вели дека можеа да завршат добра и голема работа уште во Злин, но дека ја прокоцкаа во последните дваесетина минути. „Можевме и тука да завршиме добра работа, но прокоцкавме многу. Имавме контрола до 42, 43 минута. Квалитетна одбрана, сигурни во напад. Ги изненадивме на стартот во второто полувреме со брзите голови на почеток. Дури се свестија требаше уште малку да нагазиме за да завршиме голема работа тука. Но, што е тука. И ова реми пред натпревар да ни го дадеа ќе го прифатевме со задоволство. Ова ќе не држи свесни. Знаеме дека Чешка е квалитетен противник. Ќе не анализираат добро и имаат четири дена да се подготват за нас. Очекуваме уште подобра и поквалитетна игра од нив. Очекувам да променат нешто во одбраната за вториот меч. Во напад тоа е тоа од нив. Им недостигаат некои играчи поради повреда. Ние мора да се фокусираме на нашата игра. Не смееме да имаме падови како во второто полувреме. Ако играме како до 42. минута можеме да одиме на светско. Тажни сме бидејќи изгубивме победа и не смееме тоа да го дозволиме во Скопје. Знаеме што не чека во Скопје, полна сала и се надевам дека со поддршка на навивачите ќе се пласираме на Светско првенство“, изјави Талески.