филип темелковски – Kurir.mk

Ѓорѓиевски до Темелковски: Ќе има ревизија на твоето работење по 17-ти октомври, нема штитење на никого

Ивана Ефремовски — Mon, 11 Oct 2021 19:50:33 +0000

Она што мене ми сметало и било нетранспарентноста на општината и тоа планираме да го смениме во наредните четири години, дециден е Орце Ѓорѓиевски, кандидат на ВМРО-ДПМНЕ за градоначалник на општина Кисела Вода, во вечерашното предизборно телевизиско соочување на дебата на Македонската телевизија.

Ѓорѓиевски вели дека прво што ќе се смени во општината е нејзината транспарентност укажувајќи дека сите јавни набавки ќе бидат јавно достапни за сите граѓани, додавајќи дека тој е човек без хипотеки и нема да штити никој без разлика на која политичка партија припаѓа.

-Јас можам да тврдам од аспект на иден градоначалник на општина Кисела Вода дека секоја постапка ќе биде јавна и транспарентна и тука нема да биде штитен интересот на било кој, без разлика дали е тој од ВМРО-ДПМНЕ, СДСМ или било кого. Јас сум човек без хипотеки кој што со чист образ влегувам во оваа работа. И јас не планирам утре никого да штитам, затоа што за четири години мој интерес ќе биде исклучиво подобрување на условите за живот на граѓаните на општина Кисела Вода.Јас ќе спроведам ревизија заедно со нашиот тим на цел период на владеење од четири години на СДСМ, но и на ВМРО-ДПМНЕ. Кој се огрешил во минатото пред законот, јас сум за тоа да одговора и тука нема штитење на никого, додаде тој.

Во однос на Расадник, Ѓорѓиевски нагласи, дека Темелковски секоја емисија ги менува изјавите по однос на оваа прашање, додавајќи дека и покрај тоа што кажувал дека не може да се направат промени на одлуките во минатото, Темелковски направил промена во ДУП-от односно како што рече тој тоа е доказ кога Темелковски нечии интерес да штити тогаш може, а кога се граѓаните во прашање, тогаш виновни се одлуките од минатото.

-Планот за Расадник вие господине Темелковски не го поминавте исклучиво од една причина а тоа беше од преголемиот притисок а јавноста и од нашата советничка група. Дополнително вие таму предвидувате 99 згради кои што од емисија во емисија мутира вашиот исказ, па денеска дојде момент да кажете дека и висината ја знаевте, а емисија претходно тврдевте дека не знаете што се предвидува таму. Значи да таму предвидувате 99 згради, предвидувате за разлика од минатото 270 илјади квадрати дополнително бруто површина за градба делот кој што постојано цел изминат период тврдите дека она што се случувало во минатото било лошо, да се сложувам за одредени одлуки и тврдам дека е лошо, но овде има измена и дополна на Ј13 ДУП-от, знаете каде се наоѓа велите дека не може да се промени состојбата од минатото, сигурно мислите и за овој дел. Еве овде сте имале интерес па сте пробале да ја промените состојбата, што значи дека од минатото состојбите и донесените ДУП-ови сте можеле да ги промените, ама најверојатно сте немале интерес таму, рече Ѓорѓиевски и додаде:

„Ова е одлука за јавна дебата и имаме стара состојба каде што се предвидени 5ката, приземје 7ката и поткровје, а во новата состојба која што одговара да ја промените предвидувате приземје 9ката и поткровје. Што значи Темелковски ова е само уште еден доказ кога сакате вие нечии личен интерес да го заштитите и вие од сето тоа да имате бенефиции и од сето тоа може да се направи измена, а кога станува збор за интересот на граѓаните ќе кажувате дека минатото е виновно и не може измени да се направат“.

СРАМОТА: Сечат дрва во Кисела Вода за да се гледа сликата од градоначалникот Темелковски (ВИДЕО)

Ивана Ефремовски — Thu, 07 Oct 2021 20:45:10 +0000

Денес се сечеа дрва во Кисела Вода. Партијата која пред 4 години на локални избори ветуваше дека ќе сади во сите општини, правеше масакр на зеленило целиот овој изминат период. Сега, се чини дека нивната дрскост ги надмина и досегашните потези. Дрвата кои се сечеа денес не биле ниту стари, ниту оштетени. Нивниот единствен “грев“ е дека го криеле билбордот на кој е закачена фотографија од актуелниот градоначалник и кандидат за уште еден мандат од СДСМ, Филип Темелковски. На видеото кое осамна на социјалните мрежи можете убаво да видите за што станува збор:

Сечеле дрвја за да се гледал билбордот , абе вие не сте нормални 😡 pic.twitter.com/SRTofchj37
— 🍀𝖅𝖔𝖐𝖎 𝕻𝖔𝖐𝖎🍀這裡有很多白痴▬▬ιﺤﺤﺤﺤﺤι▬▬🏴‍☠▬ι══ﺤ (@Z0KIP0KI) October 7, 2021

Филип Темелковски призна кривично дело

Катерина Бојаџиева — Wed, 29 Sep 2021 18:42:41 +0000

Филип Темелковски, кандидат и актуелен градоначалник од СДСМ во Општина Кисела Вода, во дебатата на Телма со другите кандидати призна кривично дело. Имено тој на прашање на кандидатот на ВМРО-ДПМНЕ, Орце Ѓорѓиевски, за градење надвор од постоечки ДУП, одговори потврдно дека тоа е кривично дело. -Хипотетичка ситуација, има постоечки ДУП, а тоа место за одредена локација е предвидено 4 ката и поткровје, според нов ДУП таму е предвидено 5 ката и поткровје, инвеститорот гради 5 ката и поткровје. Дали е тоа кривично дело?, праша Ѓорѓиевски. На тоа Филип Темелковски изјави ДА, односно дека тоа е кривично дело. На тоа Ѓорѓиевски истакна дека за истото имало и прес конференција и дека има барем десетина локации на кои се гради на тој начин. -Ова се десетина локации каде Темелковски знаете, ова е само едно кривично дело за кое после ревизијата ќе одговарате, рече Ѓорѓиевски.

Арсовски: Филип Темелковски е кандидиран од СДСМ за да изгуби – во октомври Кисела Вода ќе има нов градоначалник

Ивона Петрова — Fri, 16 Jul 2021 09:24:40 +0000

Обзнанувањето на Филип Темелковски за кандидат на СДСМ во Кисела Вода е уште една потврда дека СДСМ како партија ја има отпишано општината и поразот на СДСМ таму е неминовен. Тој од својата партија е кандидиран за да изгуби, а во октомври граѓаните на Кисела Вода и Кисела Вода ќе имаат нов градоначалник кој што ќе одговори на реалните потреби на граѓаните, изјави денеска портпаролот на ВМРО-ДПМНЕ, Димче Арсовски. Арсовски посочи дека од самиот почеток, Филип Темелковски во Кисела Вода е завршена приказна. -Сега само го трча последниот круг од маратонот, а јасно е дека ќе биде поразен и тоа со огромна. Неговиот мандат завршува во октомври. Кандидирањето на Филип Темелковски за Кисела Вода од страна на СДСМ е само доказ дека во СДСМ немаат никаква намера да горат нов кадар, туку го ставаат повторно Темелковски, за кој што знаеме дека не направи ништо и кој што нема никаква доверба од граѓаните за кој што и птиците низ Расадник знаат дека ќе ги изгуби изборите и тоа со огромна разлика. Човек кој што е пример за неработник и човек кој што аминувал криминогено работење во општината, не може и не смее да се надева на нов мандат. Може да се надева единствено на правна помош доколку се докаже дека работел криминогено. Не е коректно да се потценува интелигенцијата на граѓаните на Кисела Вода. Сите се сеќаваме дека во населба Драчево прекопуваше тазе асфалтирани улици, само затоа што беше фатен во криминал и асфалтирање со тенок асфалт и тоа на лице место. Значи потенок асфалт од спецификацијата каде што била изгласана на тендерот во Комисијата за јавни набавки во Општината. Ова е сериозно, вели Арсовски. Тој посочи дека Темелковски за 4 години не го реши ниту проблемот со градинките. Не само што не се реши и што не изгради ништо, дури и над 400 деца секојдневно чекаат да бидат примени во градинки. -Темелковски успеа да ја направи Кисела Вода општина во која во 21 век се уште нема вода за пиење во Каменик кое што е на само неколку километри од центарот на градот. Темелковски успеа да ја направи Кисела Вода општина во која во 21 век се уште немаат канализација и се уште користат септички јами граѓаните во населба Пинтија. Темелковски за 3 години не успеа ниту еден денар да вложи и не успеа да направи ниту еден единствен проект за млади. Нема ниту една инвестиција, Кисела Вода е слепо црево и за инвестиции, но и општина без поликлиника и запуштени игралишта. Темелковски не успеа за 4 години ниту еднаш да го исчисти Усјански канал, кој е извор на зарази секојдневно за илјадници граѓани. И многу други работи не успеа, односно не сакаше да ги направи, затоа што најверојатно паметот повеќе му беше во маркиците за градба кои што ги издаваше Општината, наместо во реалните потреби на граѓаните, но за тоа ќе му пресудат самите граѓани. Во овие моменти на граѓаните на Кисела Вода им е јасно дека СДСМ си поигрува со нивната интелигенција и јасно им е дека Темелковски не е повеќе опција за градоначалник на Кисела Вода. За крај, да заклучиме, јасно е дека Кисела Вода ќе има нов градоначалник во октомври кој ќе одговори на потребите на граѓаните и проблемите, и јасно е дека за СДСМ Кисела Вода е отпишана како општина за изборите. Залудно ги манипулираат нивните членови, кога и тие самите веќе им откажуваат послушност од кога видоа кој им е кандидат, потенцирше Арсовски.

Ѓорѓиевски: Градоначалникот на Кисела Вода оди против потребите и проблемите на населението, работи по насока на политички поголемите од него

Катерина Бојаџиева — Tue, 20 Apr 2021 21:30:36 +0000

Во вечерашното издание на дебатната емисија "Заспиј ако можеш" гостуваше организациониот секретар на ВМРО-ДПМНЕ, Орце Ѓорѓиевски кој се осврна на моменталната политичка ситуација во државата, криминалните афери на власта, како и на лошото менаџирање на актуелниот градоначалник на Кисела Вода, Филип Темелковски. Ѓорѓиевски вели дека жителите на општина Кисела Вода речиси четири години се соочуваат со бројни проблеми, урбан хаос, ужасна инфраструктура и уште огромен број проблеми, кои за жал не го засегаат градоначалникот Темелковски. Тој додава дека Темелковски е човек кој работи по наредба на неколку луѓе кои се политички над него, односно исполнува туѓи планови. -Темелковски беше решен во Расадник да гради над 100 згради со огромен габарит, каде што сигурно веќе договорил и провизии и станбени објекти како награда за него. Ние како политичка партија застапена во Советот на општината, направивме се што досега можеме и е во наша моќ да го блокираме тој план, а ќе се бориме и понатака, бидејќи доколку тоа се реализира, општината ќе се парализира и населението ќе се соочува со навистина сериозни проблеми, вели Ѓорѓиевски. -Замислете, општината нема пари да реализира проекти кои што се од круцијална важност на населението, а Темелковски троши околу 500.000 евра на годишно ниво за исплаќање плати на партиски војници, кои што беа вработени во општинската администрација веднаш по изборите во 2017. Поради тие луѓе кои му ја трчаа кампањата и се сега ситуирани во општината, на страна се тргнати и маргинализирани луѓе кои со години работеле во општината и со нивното дистанцирање, општината и граѓаните губат најмногу, вели Ѓорѓиевски. -ВМРО-ДПМНЕ ќе се бори силно против оваа хунта која што владее и во општина Кисела Вода и нема да дозволи да се реализираат овие проекти на Темелковски, кои директно ќе влијаат врз животот и секојдневието на граѓаните. Тој продолжува во своеглаво со своите намери, токму поради тоа што знае дека му остануваат уште неколку месеци од неговиот мандат, а потоа ќе си замине од функцијата. Она што треба да го загрижува е тоа што ќе треба да одговара за сите скандали, бидејќи ги има навистина премногу, заврши Ѓорѓиевски.

Ѓорѓиевски: Четири години Темелковски нема мрднато со прст за Кисела Вода, имаме делови кои немаат канализација

Магдалена Андонова — Fri, 16 Apr 2021 12:34:00 +0000

Четири години Филип Темелковски нема мрднато со прст за Кисела Вода, четири години немаме ниту еден капитален проект. Во очи на предизборието се фалат со еден и единствен проект кој Шилегов во четири години не успеа ни да го доврши за нашата општина. Во 21 век имаме делови на Кисела Вода кои се уште немаат канализација и вода за пиење, како да се работи за некое село во 19 век, а не за урбана општина, дел од градот Скопје, се вели во Фејсбук статусот на Орце Ѓорѓиевски. Тој пишува дека Темелковски се што направи се две улици кои ги премачка со асфалт, чија дебелина не е ниту 3 цм. - Дури и тоа што сакал да го направи го прави неквалитетно и фушерски, па гледаме како се распаѓаат асфалтот и ивичњаците. А како би работел нешто Темелковски, кога е насочен на насилна бетонизација на населбата Расадник? Кисела Вода е претворена во алатка за профит на мала група фотељаши, а не општина која служи како сервис на потребите и барањата на граѓаните. Затоа се потребни итни и неопходни промени, посочува Ѓорѓиевски во својата Фејсбук објава.

Градоначалникот на Кисела Вода е позитивен на коронавирус

Катерина Бојаџиева — Mon, 29 Mar 2021 19:13:30 +0000

Градоначалникот на Кисела Вода, Филип Темелковски, е позитивен на коронавирус. Тој ја соопшти веста на социјалните мрежи, каде посочува дека се чувствува добро и се надева дека така и ќе остане. – Во текот на вчерашниот ден појавив благи симптоми на Ковид 19, по што денес направив ПЦР тест кој покажа дека сум позитивен на ковид-19. Се чувствувам добро и се надевам дека состојбата нема да се промени, а симптомите ќе бидат сведени на минимум. Се извинувам доколку ненамерно некому сум ја пренел болеста без да знам, напиша Темелковски.

Ѓеорѓиевски: Градоначалникот Темеловски нема изградено ниту еден капитален проект во Кисела Вода

Магдалена Андонова — Wed, 24 Mar 2021 20:59:14 +0000

Орце Георѓиевски организационен секретар за изборна единица еден на ВМРО ДПМНЕ гостуваше во денешната емисија на радио Лидер ,,Филибастер” каде кажа дека во општината Кисела Вода за три ипол години ништо не е направено од страна на градоначалникот од СДСМ Филип Темелковски со што би се подобриле условите за живот на граѓаните. - Кисела вода за жал во изминативе три ипол години откако е на власт е Филип Темелковски ние немаме во ниту еден сегмент подобрување на условите за живот за нашите сограѓани потенцираше Георѓиевски. Орце Георѓиевски организационен секретар за изборна единица еден на ВМРО ДПМНЕ појасна дека сегашниот градоначалник од редовите на СДСМ Темелковски во целокупниот негов досегашен мандат нема изградено ниту еден капитален проект кој е пуштен во употреба за потребите на жителите на Кисела Вода и дека тоа е срамно. - Да бидам попрецизен ние во малтене цел мандат потрошен на Филип Темелковски во четири години живот потрошено на нашите сограѓани ние немаме ниту еден капитален проект кој што за кој што Темелковски изработил проект го сработил проектот и истиот е ставен во служба на нашите сограѓани. Значи нема таков проект заврши Георѓиевски.

Живковски: Улиците во Усје се раскопани со дупки и кал, Темелковски ништо не направи за граѓаните на Кисела Вода

Магдалена Андонова — Thu, 24 Dec 2020 15:36:27 +0000

„Почитувани жители на Општина Кисела Вода, драги соседи Моментално се наоѓаме на ул.4 во населба Усје, на само 4км од центарот на Скопје. Како што можете да видите позади мене улицата е цела раскопана, со дупки и со кал, и истата претставува сериозен проблем за жителите на оваа улица во нашата општина. За жал Градоначалникот Филип Темелковски и општината предводена токму од него во изминатите три ипол години не направија апсолутно ништо за граѓаните на Кисела Вода. Затоа итно и неодложно го повикуваме да преземе нешто и да им помогне на овие луѓе кои секојдневно се соочуваат со проблеми. Сакаме да го потсетиме дека локалните изборите се за помалку од 8 месеци а на тие избори граѓаните ќе го имаат последниот збор и политиката предводена Филип Темелковски и СДСМ ќе биде поразена.“ Интегрален текст од изјавата за медиуми на Иван Живковски, претседател на ОК на ВМРО-ДПМНЕ Кисела Вода.

Ѓорѓиевски: Дали градоначалникот Темелковски дозволува нова дивоградба во Кисела Вода и екстра профит од 1,7 милиони евра?

Ивана Ефремовски — Wed, 16 Dec 2020 14:19:06 +0000

Урбаното насилство во Кисела Вода излегува целосно од контрола. Градоначалникот Темелковски мижи пред бетонизацијата на Кисела Вода и не само што мижи, туку постои основан сомнеж дека истиот кумува на тоа, обвинува Орце Ѓорѓиевски од ВМРО-ДПМНЕ. Во продолжение следува интегрален текст од неговата прес-конференција: Денес сме пред еден објект спорен кој никнува во срцето на нашата општина. Никој не знае дали овој објект се гради согласно постоечкиот Детален урбанистички план. Имено согласно важечкиот ДУП на ова место е зацртана градежна парцела од 512 м2, а според новиот предлог ДУП тука се предвидува градежна парцела од 682 м2 или дополнителни 170 м2 во основа на овој објект. Сомнежот е дека овој објект се гради согласно предлог ДУП-от иако истиот не е донесен. Според логиката до донесување на измени на ДУП-от, на сила е постојниот и никој не смее да гради поинаку од зацртаното. Повикуваме Темелковски и Општината Кисела Вода да одговорат според кој ДУП се гради овој објект зад мене? Дали Темелковски дозволил овој објект да се гради на основ на предлог ДУП-от, наместо на важечкиот? Само за информација согласно постоечкиот ДУП на оваа градежна парцела е предвидена изградба на вкупна станбена површина од 4.480 м2, а согласно предлог ДУП-от кој се уште не е изгласан потенцирам, а со тоа не е и на сила, се предвидува вкупна станбена површина да биде поголема за скоро 1.700 м2 односно да изнесува 6.136 м2. Дали Темелковски надвор од законот дозволил некој да изгради дополнителни 1.700 м2 кои согласно пазарните цени може да донесат 1.7 милиони евра екстра заработка за инвеститорот кој што гради зад нас? Граѓаните основано се сомневаат дека во Кисела Вода никнува нова дивоградба. Темелковски е должен да даде одговори, во спротивно неговиот молк ќе ги потврди сите сомнежи дека овозможил некој надвор од прописите да заработи 1.7 милиони евра.