Стоилковски: Темелковски не го доправи булеварот, а сега не му е важно дали ќе му сменат име?

Катерина Бојаџиева — Mon, 22 Feb 2021 19:40:48 +0000

Цело Скопје се чуди што им згрешил Борис Трајковски, што му запнале да му го тргнат името од еден од централните булевари во метрополата? Сите се кренаа со коментари, само Филип Темелковски, градоначалникот на Кисела Вода - никаде го нема! Тоа што токму Булеварот Борис Трајковски му е главна артерија на општината – за него не е важно, вели Наум Стоилковски, портпарол на ВМРО-ДПМНЕ во Коментар на денот. -Тоа што онаа парцелата кај Расадник каде планира 110 згради и 10.000 нови домаќинства граничи со булеварот Борис Трајковски за Темелковски е неважно. Важно е да минат дуп-овите, а како ќе се вика булеварот не е важно! А и што да каже Филип Темелковски за Булеварот за кој што заедно со Петре Шилегов ветуваа негова доизградба, а четири години нема ништо од остварувањето на ветувањето. Филип Темелковски доби готов проект за завршување на Булевар, изграден и наследен во три готови дела, требаше само четвртата фаза да ја заврши - ама ете, Темелковски имал свои други темелни приоритети. ДУП за темели за 110 згради, за 10.000 нови станови, подвлекува тој и додава: „Тоа што оние од Драчево и од скопска Пинтија колите си ги искршија, тоа што најмалку цел час минуваат во метежот да стигнат до работа, и уште толку за назад - тоа за градоначалникот не беше приоритет. А го ветуваа, заедно со Петре Шилегов, во изборната трка во 2017 година! Стоеше зад него, одоброволуваше со главата, додека Шилегов ветуваше завршување на булеварот. И сега, по четири години, едниот решил да му го менува името, а другиот молчи. Можеби и сега одоброволува со главата, ако воопшто му е важно како се вика булеварот на кој што би граничеле и би излегувале оние 10.000 нови семејства вдомени во Расадник, врз темелите поставени од Филип Темелковски. Филип Темелковски не го доправи булеварот, а сега не му е важно дали ќе му сменат име? Филипе, како ли ќе се појавиш во Драчево и во Пинтија? И уште поважно, знаеш ли по кој булевар се стигнува до таму?“. Да се биде градоначалник, истакнува портпаролот на ВМРО-ДПМНЕ, не значи само да се преименуваат улиците. Ниту да се мисли на нови темели. Туку да се овозможи на луѓето да останат на своите темели!

Ѓорѓиевски: Темелковски призна дека правел криминал и за ова ќе мора да одговара!

Ивана Ефремовски — Fri, 12 Feb 2021 11:40:06 +0000

Денеска, во утринските часови од 07:00 Темелковски паркирал градежни машини да ја прекопаат улицата „Нагоричанска“ во Драчево, каде што јавно извадив докази дека е направен криминал од страна на општината и улицата е асфалтирана надвор од стандардите, односно украдени се пари, истакнува Орце Ѓорѓиевски од ВМРО-ДПМНЕ. „Со ова Темелковски призна дека правел криминал со оваа улица и дека практично сака да го прикрие криминалот што го направил. Штета што не му успеа да не го фатиме. Го фативме жив во криминал заедно со овие чесни и мирни граѓани од Кисела Вода. Апелирам веднаш да прекине градежниот зафат на оваа улица и да дојдат вештаци и да извршат вештачење. Темелковски за ова мора и ќе одговара, а парите ќе ги врати по секоја цена кај граѓаните. Темелковски е завршена приказна веќе и треба уште да го исчистиме криминалот. Тоа го заслужуваат граѓаните“, истакна тој. Видеото од неговото обраќање погледнете го ТУКА

филип темелоковски – Kurir.mk

Стоилковски: Темелковски не го доправи булеварот, а сега не му е важно дали ќе му сменат име?

Ѓорѓиевски: Темелковски призна дека правел криминал и за ова ќе мора да одговара!