филипе кутињо – Kurir.mk

Емери повеќе не смета на Кутињо

Ивана Ефремовски — Mon, 26 Dec 2022 18:37:22 +0000

Бразилскиот напаѓач Филипе Кутињо не е во плановите на тренерот на Астон Вила, Унаи Емери, тврди „Мундо Депортиво“. Англискиот клуб ќе се обиде да го продаде 30-годишниот фудбалер веќе во зимскиот преоден рок, објавено е во шпанскиот спортски весник. Астон Вила го купи Кутињо од Барселона во летото 2022 година за 20 милиони евра. Пред тоа, тој помина шест месеци во клубот од Бирмингем на позајмица. Сезонава Кутињо настапи на 13 натпревари и нема постигнато гол. (МИА)

Бразил без Кутињо на Мундијалот во Катар

Тале Кристо — Mon, 07 Nov 2022 16:39:07 +0000

Бразилскиот репрезентативец Филипе Кутињо ќе го пропушти претстојното Светско фудбалско првенство во Катар поради повреда на тетивата, јавија денеска британските медиуми. Кутињо се повредил на последниот тренинг на премиерлигашот Астон Вила, а според најновите информации, бразилскиот фудбалер го очекува пауза од седум до 10 недели Двомесечната рехабилитација значи дека Кутињо нема да биде во бразилскиот состав за Мундијалот, кој ќе се одржи од 20 ноември до 18 декември во Катар. Кутињо сезонава одигра 13 натпревари за Астон вила, каде дојде на почетокот на оваа година како позајмен фудбалер од Барселона, а англискиот клуб го откупи неговиот договор за 20 милиони евра.

Кутињо среќен по голот во дебито за Астон вила

Тале Кристо — Sun, 16 Jan 2022 09:09:08 +0000

Фудбалерот од средниот ред на Астон фила, Филипе Кутињо имаше одличен дебитантски настап за Астон вила. Бразилецот синоќа го постигна изедначувачкиот гол во дуелот (2:2) со Манчестер јунајтед во 22. коло од Премиер лигата. – Ги пропуштив овие натпревари, ја пропуштив Премиер лигата. Мило ми е што сум тука со моите нови партнери. Добар почеток. До крај верувавме во себе дека нема да загубиме. Бев малку нервозен. Не сум толку добар во зборување, и оставам мојата игра да говори наместо мене. Среќен сум, тоа беше мојот прв натпревар и сега сакам да работам напорно и да влезам во подобра форма, изјави Кутињо. По заминувањето од Премиер лигата фудбалерот имаше и подеми и падови. – Тоа е во минатото. Сега сум овде и сум фокусиран на задачите кои ги постави клубот и тренерот. Сакам да им помогнам на моите партнери и на Астон вила, потенцира Кутињо. По 20 одигран натпревари Астон вила има 23 бодови и се наоѓа на 12. место во поредокот од Премиер лигата.

Официјално: Филипе Кутињо е ново засилување на Астон Вила

Ивона Петрова — Fri, 07 Jan 2022 14:33:06 +0000

Филипе Кутињо и Џерард повторно ќе соработуваат, откако Барселона ја прифати понудата од Астон Вила за шестмесечна позајмица на креативецот од Бразил. Кутињо догбро се познава со менаџерот на Астон Вила, Стивен Џерард со кого заедно играа во Ливерпул. -Мислам дека прекарот „Магионичар“ не се добива ако не сте специјален фудбалер, вели Џерард по потврдата за ангажманот на Кутињо.

Кутињо ја напуштa Барселона оваа зима

Ристе Здравков — Thu, 30 Dec 2021 12:47:27 +0000

Фудбалерот од средниот ред на Барселона, Филипе Кутињо донесе одлука да го напушти каталонскиот клуб за време на зимскиот преоден рок, соопштува „Мундо Депортиво“. Според шпанскиот спортски весник, 29-годишниот Бразилец побарал од своите агенти да му најдат нов клуб. Играчот од средниот ред сака да биде во форма за да обезбеди место во составот на Бразил за Светското првенство во 2022 година. Агентите на Кутињо веќе оствариле првични разговори со Арсенал, Тотенхем и Евертон. Бразилецот оваа сезона постигна два гола на 16 настапи за Барселона.

Кутињо реши да ја напушти Барселона

Тале Кристо — Thu, 30 Dec 2021 11:31:39 +0000

Кутињо на чекор до трансфер во Арсенал

Дарко Андоновски — Tue, 28 Dec 2021 18:28:20 +0000

Бразилскиот фудбалер Филипе Кутињо е пред трансфер во Арсенал и враќање во Премиер лигата, каде со успех претходно настапуваше за екипата на Ливерпул. Според англиските и шпанските медиуми, 29-годишниот Кутињо не е во плановите на новиот тренер на Барселона, Чави, и се поизвесно е дека во јануарскиот преоден рок ќе го напушти каталонскиот клуб. Кутињо во периодот од 2013 до 2018 година настапуваше за Ливерпул, а потоа за сума од 120 милиони евра се пресели во Барселона. Сепак, Бразилецот не успеа да се наметне во редовите на Барселона и неговата пазарна вредност значително опадна. Една сезона мина како позајмен фудбалер во Баерн Минхен, но германскиот гигант не сакаше да го откупи неговиот договор.

Кутињо нема намера да ја напушти Барселона во јануари

Дарко Андоновски — Tue, 16 Nov 2021 08:04:58 +0000

Фудбалерот од средниот ред Филипе Кутињо не планира да ја напушти Барселона во блиска иднина. Каталонскиот клуб сакаше да го продаде или изнајми Бразилецот, но не можеше да најде нов тим за него во текот на летото. Поранешниот тренер на Каталонците, Роналд Куман му даде шанса на 29-годишниот играч за врска, но тој не успеа да се наметне оваа сезона. Чави, кој неодамна го презеде тимот, планира да разговара со Кутињо пред да одлучи за неговата иднина во Барселона. И покрај тоа, самиот играч не сака да замине во јануари. Решен е да ја заврши сезоната, а во лето да ги разгледа сите опции.

Бартомеу: Трансферите на Дембеле и Кутињо во Барселона не ги исполнија очекувањата

Ивона Петрова — Tue, 19 Oct 2021 10:23:27 +0000

Поранешниот претседател на Барселона, Хосеп Марија Бартомеу, призна дека трансферите на играчот од средниот ред Филипе Кутињо од Ливерпул и напаѓачот Усман Дембеле од Борусија Дортмунд не ги исполни очекувањата. – Трансферите на Дембеле и Кутињо? Некои од играчите купени со многу пари не ги оправдаа очекувањата, но ова се случува во фудбалот. Кога потпишаа овие двајца играчи, сите аплаудираа. Кутињо дојде поради заминувањето на Иниеста. Тој беше најдобриот играч во шампионатот на Англија. Дембеле дојде по заминувањето на Нејмар и одговараше на карактеристиките на неговата замена, го цитира Бартомеу „АС“. Каталонскиот клуб плати 135 милиони евра за трансфер во Дембеле во 2017 година и иста сума потроши за Кутињо во јануари 2018 година.

Арсенал сака да го изнајми Кутињо, Барселона го враќа на „Камп Ноу“

Дарко Андоновски — Mon, 24 Aug 2020 16:11:02 +0000

Фудбалерот од средниот ред Филипе Кутињо има друга опција да ја продолжи кариерата. Според „Дејли мејл“, Арсенал е заинтересиран да го изнајми. Правата на бразилскиот играч од средниот ред ги поседува Барселона, која минатата сезона го даде Кутињо на позајмица во Баерн Минхен. По вчерашното финале во Лигата на шампионите, во кое Баерн го победи ПСЖ (1:0), се дозна дека Кутињо се враќа во Барса. Кутињо веќе има искуство во Англија – од 2013 до 2018 година кога ги бранеше боите на Ливерпул, по што се пресели во Барселона за 106 милиони фунти. Во сезоната 2019/20, Кутињо оствари 37 настапи за Баерн, постигна 11 голови и направи девет асистенции.