Филипо Гранди – Kurir.mk

Гранди: Време е светот да покаже солидарност со народот на Либан

Магдалена Андонова — Thu, 20 Aug 2020 15:52:55 +0000

Високиот комесар за бегалци на Обединети нации, Филипо Гранди изјави дека е време меѓународната заедница да покаже солидарност со народот на Либан и да и понуди помош на земјата, која со децении е домаќин на стотици илјади бегалци. Тој истакна дека Либан поминал низ многу кризи, вклучително корупција, политички поделби и економски кризи и оти меѓународната заедница треба да организира долготрајна помош. Гранди во средата допатува во Либан, две недели по катастрофалната експлозија во бејрутското пристаниште, што уништи голем дел од Бејрут. Во експлозијата што се случи на 4 август загинаа најмалку 180 лиѓе, а повредени се околу 6.000 лица, 30 се водат како исчезнати, а речиси 300.000 луѓе останаа без домови. Причинетата штета се проценува од 10 до 15 милијари долари. Во Либан има повеќе од еден милион сириски бегалци, а 43 загинаа во разорната експлозија. Либан се соочи и со зголемен број на заразени лица со новиот коронавирус, а неколку болници во Бејрут не работат поради што се оштетени во експлозијата. (МИА)

Високиот комесар за бегалци на ОН ја повика ЕУ да најде долгорочно решение за миграцијата

Матеја Петровски — Mon, 27 Aug 2018 05:54:08 +0000

Високиот комесар на ОН за бегалци Филипо Гранди изрази олеснување што кризата со мигрантите на бродот „Дичоти" е надмината, но повторно ја повика Европската унија да усвои правила за прифаќање на луѓето, спасени при обид да стигнат до Европа по вода. Преку соопштение лиферувано во Женева, Гранде рече дека случајот со 190-те мигранти, спасени со брод на италијанската крајбрежна стража на 16 август, треба да биде „сигнал за будење", пренесува БТА. Откако „Дичоти" се закотви во Сицилија, италијанската влада одби да дозволи патниците, со исклучок на малолетните и болни лица, да слезат на италијанска почва. Останатите 140 мигранти добија дозвола да го напуштат бродот откако католички бискупи ја презедоа грижата за сто од нив, а Албанија и Италија презедоа по 20 мигранти. (Миа)

УНХЦР бара 5,6 милијарди долари за бегалците од Сирија

Ивана Ефремовски — Wed, 25 Apr 2018 06:44:23 +0000

Цивилите веќе не ќе можат да бегаат од судирите и бомбардирањата во Сирија, бидејќи границите се строго контролирани, а соседните држави се преполни со бегалцим изјави високиот комесар на Обединети нации за бегалци, Филипо Гранди. Тој се надева дека оваа година ќе се соберат 5, 6 милијарди долари од меѓународните донатори за итна хуманитарна помош за сириските бегалци, но напомена дека тие пари не се наменети за самата Сирија, туку за државите, кои им даваат засолниште на сириските бегалци, како што се Јордан, Ирак, Египет и Либан. Гранди предупредува на нова катастрофа доколку сирискиот град Идлиб, кој е под контрола на бунтовниците, биде следната мета на сириската војска. - Таа земја станува замка, на поединечни места замка на смртта за цивили, изјави Гранди на донаторската конференција за Сирија. Според него, станува збор за едно од најлошите страдања во модерната историја. Околу 5,5 милиони Сиријци живеат како бегалци во Ирак, во Јордан, во Либан и во Турција, а сега сочинуваат околу една четвртина од либанската популација. Уште 6,1 милион лица и натаму се наоѓаат во Сирија, но се принудени да ги напуштат своите домови. Обединетите нации проценуваат дека повеќе од 400.000 цивили се заглавени во зоните под опсада ширум Сирија. Се претпоставува дека таа бројка може драстично да се зголеми, бидејќи два милиона луѓе живеат во регионот на североисточниот регион на Идлиб, најнаселена област во Сирија, која е во рацете на бунтовниците кои се борат против Владата на сирискиот претседател Башар ал нАсад во Дамаск. Гранди и други хуманитарни агенции предупредуваат дека сириските бегалци веќе нема да имаат каде да бегаат, бидејќи турската јужна граница со Сирија кај Газиантепе е под строга контрола, и тука најчесто се пропуштаат конвои со хуманитарна помош за Идлиб, но бегалци се враќаат. - Мислам дека ќе изгубиме не само една генерација, туку целата популација, заклучи Гранди. (МИА)