филипо инзаги – Kurir.mk

Пипо Инѕаги добива ангажман во тим кој е во Серија А

Бошко Тасиќ — Tue, 10 Oct 2023 03:58:05 +0000

Филипо Пипо Инѕаги е на добар пат да добие тренерски ангажман во најквалитетниот шампионат на Апенините. Некогашната ѕвезда на Јувентус, Милан, Парма и Аталанта имал позитивни разговори со претставниците на Салернитана кои се подготвени да се откажат од Пауло Соуза по лошите резултати и освоените три бода по осум кола. Клубот од Салерно не е задоволен и од некои други моменти поврзани со Соуза, па со оглед на тоа што сега е пауза наменета за репрезентациите, ова е идеално време да му врачи отказ и му ја даде довербата на нов стручњак или во конретниот случај Инѕаги. Ако се реализира ова сценарио ќе добиеме интересна ситуација, затоа што на клупата на Интер е Симоне што значи може да имаме братска пресметка. Последниот ангажман на Пипо беше во редовите на Реџина, а претходно работеше и во Милан, Венеција, Болоња, Беневенто и Бреша.

Симоне Инзаги му се извини на својот брат по испаѓањето на Беневенто во Серија Б

Тале Кристо — Wed, 19 May 2021 07:09:52 +0000

Тренерот на Лацио, Симоне Инзаги му се извини на својот брат Филипо Инзаги, откако синоќа неговиот тим одигра 0:0 со Торино. По ова реми, Беневенто предводен од Филипо ги изгуби и теоретските шанси за опстанок во Серија А, а Торино останува во елитата. – Разочаран сум за мојот брат, но дадовме максимум и мислам дека ова е добар одраз на италијанскиот фудбал. Убаво беше да се види како се борат двата тима до последната минута. Беше многу долга и многу тешка сезона, практично имавме две според тоа што игравме на секои три дена. Не чека последниот натпревар, и ние повторно ќе дадеме сè од себе, изјави Симоне Инзаги. По овој натпревар, Лацио“ со 68 бода е шести во поредокот и си обезбеди учество во групната фаза од Лигата на Европа. Торино со 36 поени е 17, едно место пред Беневенто кој остана на 32 бода и следната сезона ќе игра во Серија Б.

Михајловиќ го замени Инзаги на чело на Болоња

Дарко Андоновски — Tue, 29 Jan 2019 06:37:06 +0000

Италијанскиот тим Болоња го отпушти досегашниот тренер Филипо Инзаги и го назначи на негово место Синиша Михајловиќ, соопштија од клубот. Михајловиќ ги договори условите и ќе остане до крајот на сезоната, но при добри резултати, тогаш договорот ќе биде продолжен за уште една сезона, а услов е задржување на елитниот статус на тимот. Србинот не е непознат во Болоња, откако беше на чело на тимот во сезоната 2008/2009, што беше негово деби како ментор. Тој беше отпуштен откако тимот се најде во зоната за испаѓање, а тренерот се скара со лидерите на тимот во тоа време. Михајловиќ е поранешен играч на Црвена Ѕвезда, Рома, Сампдорија, Лацио и Интер, а како тренер бил дел од Интер, Болоња, Катанија, Фиорентина, репрезентацијата на Србија, Сампдорија, Милан, Торино и Спортинг Лисабон. Во последното коло, Болоња загуби дома од Фросиноне со 0:4, а тимот го зазема 18-тото место со 14 поени и се наоѓа во зоната за испаѓање.