филмови – Kurir.mk

Само за романтични души: Стари љубовни филмови за гледање во двојка

Ивана Ефремовски — Mon, 19 Sep 2022 11:50:33 +0000

Доаѓа есен, а со неа и подолгите, дождливи вечери кои најдобро се минуваат со филмови во топла, пријатна атмосфера. Сместени под ќебе, во прегратките на саканата личност, ова се некои од најдобрите, најсоодветни љубовни филмови што можете да ги погледнете во двојка: „Титаник“ (Titanic, 1997) „Титаник“ е американска епска оскаровска романтична трагедија од 1997 година, во режија и по сценарио на Џејмс Камерон, и Леонардо ди Каприо и Кејт Винслет во главните улоги. Тие се фатални љубовници, засекогаш врежани во филмската историја. Иако главните ликови и љубовната приказна се целосно измислени, во филмот се појавуваат и вистински историски личности. Оценка на ИМДБ: 7,9 / 10. Оценка на „Ротен томатос“: 69 отсто од гледачите-оценувачи го препорачуваат. „Убава жена“ (Pretty Woman, 1990) Филмов ја лансираше Џулија Робертс на филмското ѕвездено небо. Се работи за приказна за проститутка и бизнисмен – луѓе од сосема различни светови кои наоѓаат нешто што ги насочи во иста насока. Ричард Гир е Едвард Луис, бескомпромисен бизнисмен кој патува во Лос Анџелес како дел од својата последна задача и решава да се опушти во друштво на проститутка. На неговиот повик одговара младата и убава Вивијан Вард (Џулија Робертс), која многу брзо му се допаднува и ја кани да ја минат цела недела заедно. На крајот, нивната врска се развива во сосема поинаква насока од планираната. Оценка на ИМДБ: 7,1 / 10. Оценка на „Ротен томатос“: 68 отсто. „Бележникот“ (The Notebook, 2004) Николас Спаркс е автор на романот што ја раскажува љубовната приказна за војник, повратник од Втората светска војна, кој не можејќи да ја пронајде својата голема љубов од минатото, мора да минува низ едно исто сеќавање што го има со неа… Според многу критичари и читатели, книгата е добра, но филмот е оној што целосно ја заведе публиката. Рајан Гослинг и Рејчел Мекадамс глумат во филмот под режисерската палка на Ник Касаветес. Оценка на ИМДБ: 7,8 / 10. Оценка на „Ротен томатос“: 85 отсто. Имаш пошта (You’ve Got Mail, 1998) Главните улоги во овој филм ги толкуваат Том Хенкс и Мег Рајан, кои се деловни ривали и всушност се натпреваруваат во целиот дел од филмот за, на крајот, се разбира, да ја реализираат својата љубовна приказна во идиличен пресврт. Оценка на ИМДБ: 6,7 / 10. Оценка на „Ротен томатос“: 73 отсто. „Запознајте го Џо Блек“ (Meet Joe Black, 1998) Филмот е исклучително успешна фантастична приказна за љубовта којашто успева да ја победи и смртта. Дело е на американскиот продуцент и режисер Мартин Брест, авторот и на филмот „Мирисот на жената“. Приказната е за Вилијам Периш (А. Хопкинс), богат и моќен бизнисмен, сопственик на медиумска империја, кој по смртта на неговата сакана сопруга, го посветува својот живот на својата работа и на неговите ќерки Алисон (Марша Геј Харден) и Сузан (Клер Форлани). По преживеан срцев удар, старецот е посетен од мистериозен странец со очигледно измислено име – Џо Блек (Бред Пит) – ангел што почнува да чувствува нешто што ниеден бессмртник не би требало да го почувствува – љубовта кон прекрасната ќерка на Периш, Сузан… Оценка на ИМДБ: 7,2 / 10. Оценка на „Ротен томатос“: 81 отсто. (МИА)

Во кино „Манаки“ три филмови од студентската програма на ИФФК „Браќа Манаки“

Тале Кристо — Tue, 23 Aug 2022 07:55:37 +0000

Студентската програма на ИФФК „Браќа Манаки“ предизвикува посебен интерес на фестивалот, годинава е збогатена и со филмови работени на повеќе европски универзитети. Селекторот Ѓорги Пулевски избра филмови од Академијата од Љубљана, Универзитетот „Хасан Приштина“ од Косово, Универзитетот во Солун, Академијата од Загреб, чешката академија за филм, Унивезритетот за телевизија и филм во Минхен, потоа Лондон филм скул, академии од Мадрид, Виена, од Украина, Полска и Турција, како и од Државниот Универзитет во Тетово и ФДУ Скопје. Денес на програмата се шпанските филмови „Измачување“ во кој кинематографери се Марта Батилоси и Паула Беса, и филмот „Пролетни ветрови“ во кој кинематографери се Камила Монтој и Паула Романиљос Алиа. Во рамки на студентската програма ќе се емитува и студентскиот филм „Натриум“, претставник на филмската школа од Полска, а во кој кинематографер е Андрзеј Козма Перински. Капацитетот и можностите на кино „Манаки“ и денес ќе бидат максимално искористени, а според програмата во ова кино ќе биде емитуван играниот филм „Григрис“, како и документарниот хрватски филм „Фабриките на работниците“. ИФФК „Браќа Манаки“ со посебна програма се реализира и на другите утврдени локации, односно голема и мала сала на НУ Центар за култура и Офицерски дом.

Холивуд: Раст од 40 отсто во снимањето филмови

Катерина Бојаџиева — Wed, 20 Apr 2022 11:28:55 +0000

Филмската продукција во Лос Анџелес се зголемила за 40,2 отсто во првото тримесечје од 2022 година во споредба со истиот период во лани, објави „Варајети“. – Веројатноста за ново намалување на снимањето поради Ковидот беше причина за загриженост кај нас во првото тримесечје од 2022 година. Но, благодарение на строгите мерки за спречување на ширењето на вирусот, филмската индустрија го преживеа скокот на стапката на зараза со Омикрон по новогодишните празници, рече Пол Одли – директор на непрофитната организација „Фирм-ел-еј“, којашто ги објави податоците. Меѓу јануари и март годинава, во Лос Анџелес биле одржани 9.832 дневни снимања. Во истиот период 2021 година, продукцијата изнесуваше 7.011 дневни снимања. Подобрувањето на ситуацијата со коронавирусот влијае и на телевизиската продукција, со 18,7 насто повеќе содржини снимени во Лос Анџелес меѓу јануари и март 2022 година отколку минатата година.

„Дизни“ го прекина прикажувањето филмови во Русија

Ристе Здравков — Tue, 01 Mar 2022 08:26:10 +0000

Продукциската компанија „Волт Дизни“ вчера соопшти дека ги прекинува прикажувањето филмови во Русија, вклучително и претстојната анимација на „Пиксар“ – „Црвената панда“ (Turning Red). Како причина ја наведоа „неиспровоцираната инвазија на Украина и трагичната хуманитарна криза“. -Ќе носиме идни деловни одлуки врз основа на состојбата што е во развој. Во меѓувреме, со оглед на размерите на новонастанатата бегалска криза, работиме со нашите партнери од невладини организации за да обезбедиме здавствена и друга хуманитарна помош, се вели во соопштението. Како што се наведува, „Дизни“ е првото големо холивудско студио кое ги прекина киноприкажувањата во Русија како одговор на инвазијата на Украина. Украинската филмска академија изминатиот викенд почна интернет-петиција со која повикува на меѓународен бојкот на руската филмска индустрија.

Филмови кои неочекувано не се номинирани за Оскар

Ивона Петрова — Sun, 20 Feb 2022 19:16:48 +0000

Листата номинации за Оскарите е објавена по долго чекање. Психодрамата The Power of the Dog има номинации во 12 категории, што за многумина е помалку изненадувачки. Свое место на листата со неколку номинации имаат и филмовите Dune, Belfast, West Side Story, но има изненадувања и во однос на филмовите кои не се меѓу номинираните, а се очекуваше да се најдат на оваа листа. Еве дел од нив: The Last Duel Dear Evan Hansen The Unforgivable House of Gucci Joe Bell Cyrano The Tender Bar Respect

ВИДЕО: Девет филмови за плачење

Магдалена Андонова — Thu, 20 Aug 2020 13:18:42 +0000

Времето е променливо, па крајностите од големи жештини и силен дожд кај луѓето предизвикува вообичаена летна мрзеливост. Според порталот „Вебкафе“, ова е вистинско време за приказни со плачење. Следуваат девет филма кои речиси сигурно ќе ве натераат да сроните по некоја солза… „Бележникот” (The Notebook) Главни улоги: Рејчел Мекадамс, Рајан Гослинг, Џејмс Гарнер и Џина Роуландс. Оценка на ИМДБ: 7,8/10. „Слаткиот ноември“ (Sweet November) Главни улоги: Кијану Ривс и Шарлиз Терон. Оценка на ИМДБ: 6,7/10. „П.С. Те сакам“ (PS: I Love You) Главни улоги: Хилари Свонк и Џерард Батлер. Оценка на ИМДБ: 7/10. „Збогум, Ленин!“ (Good Bye, Lenin!) Главни улоги: Даниел Брул, Катрин Хас и Марија Симон. Оценка на ИМДБ: 7,7/10. „Јас пред тебе“ (Me before You) Главни улоги: Емилија Кларк и Сем Клафлин. Оценка на ИМДБ: 7,4/10. „Форест Гамп“ (Forest Gump) Главни улоги: Том Хенкс, Робин Рајт, Сали Филд. Оценка на ИМДБ: 8,8/10. „Виновни се ѕвездите“ (The Fault In Our Stars) Главни улоги: Шејлин Вудли и Ансел Елгорт. Оценка на ИМДБ: 7,7/10. „Патот на промените“ (Revolutionary Road) Главни улоги: Кејт Винслет и Леонардо ди Каприо. Оценка на ИМДБ: 7,3/10. „Зелената милја“ (The Green Mile) Главни улоги: Том Хенкс, Мајкл Кларк Данкан, Бони Хант, Дејвид Морс и Сем Роквел. Оценка на ИМДБ: 8,6/10.

5 романтични филмови кои ја прикажуваат љубовта каква што е навистина

Ристе Здравков — Wed, 19 Aug 2020 08:09:27 +0000

Љубовните врски понекогаш се комплицирани. Сите парови наидуваат на различни пречки и не постојат врски без проблеми. Доколку сакате вистински љубовни приказни што ги прикажуваат љубовните врски со сите компликации и тешкотии, погледнете ги следниве 5 филмови. 1. „Како луд“ („Like Crazy“) Се прашувате со какви проблеми се соочуваат паровите што имаат врска на далечина? Овој филм ќе ви одговори на тоа прашање. Приказната започнува со романтично вљубување на прв поглед, кое многу брзо се претвора во страдање и исчекување што нема крај. Што се случува кога Англичанка и Американец ќе се вљубат лудо еден во друг и одлучуваат да ги прекршат барањата за виза? Различни временски зони, пропуштени повици, оддалеченост и одвоени животи кои е многу тешко да се поврзат. 2. „Сината е најтопла боја“ („Blue is the Warmest Color“) Дали некогаш ви се случило да се оддалечите од блиска личност затоа што едноставно започнавте да се развивате со различно темпо и во различни насоки? Иако тоа е сосема нормална животна појава, разделбата е ужасно болна кога се случува помеѓу луѓе што се сакаат. Овој филм е приказна за првата љубов, за истражувањето на сексуалноста, за хомофобијата, за стравот од осуда, за разликите и за созревањето. 3. „Вечното сонце на беспрекорен ум“ („Eternal Sunshine of the Spotless Mind“) Не постои личност која не сакала да ги избрише спомените што ја потсетуваат на поранешната љубов за време на болното раскинување. Во овој филм е можно тоа и ќе откриете што се случува кога некој ќе одлучи да го избрише споменот на големата љубов. Оваа надреалистична бајка на многу реален начин го покажува страдањето низ коешто секој поминал по раскинувањето. 4. „Само ти“ („Only You“) Приказната започнува идилично, маж и жена се обидуваат да влезат во истото такси и одеднаш се вљубуваат. Наскоро одлучуваат да живеат под ист покрив и да го прошират семејството, а потоа почнуваат да се појавуваат проблемите. Овој филм совршено покажува колку тешките периоди од животот може да влијаат и да предизвикаат сомнеж дури и врз најголемата љубов. 5. „Тажна врска“ („Blue Valentine“) Овој филм е еден од најтешките и најтажните филмови што некогаш ќе ги гледате. Преплетувањата на сцени од среќни денови со сцени од тешки периоди ќе ви го скршат срцето. Оваа љубовна приказна ќе ве потсети колку се кревки врски ако не се трудите доволно.

Кинотеката продолжува со прикажувањето филмови под отворено небо

Ивона Петрова — Fri, 24 Jul 2020 11:04:24 +0000

Кинотеката соопшти дека продолжува со прикажувањето филмови во летното кино под отворено небо. По исклучителниот циклус филмови со Чарли Чаплин, крајот на јули и добар дел од август се резервирани за мошне интересни и интригантни наслови, посочија од Кинотеката. Во рамки на програмата ќе бидат прикажани: на 30 јули британскиот филм „Убиството на светиот елен“ во режија на Јоргос Лантимос, на 31 јули филмот „Студена војна“ на режисерот Павел Павликовски, на 1, 8 и 17 август јужнокорејскиот филм „Паразит“ во режија на Бонг Џун Хо, на 5 август македонскиот филм „Мирно лето“ во режија на Димитрие Османли, на 6 август швајцарскиот филм „Каде припаѓаме“ во режија на Жаклин Цинд, на 7 август швајцарскиот филм „Хронофобија“ во режија на Франческо Рици, на 10 август италијанскиот филм „Тие“ во режија на Паоло Сорентино, на 11 август документарниот филм „Битлси: Осум дена во неделата“ во режија на Рон Хауард, на 12 август документарниот филм „Павароти“ во режија на Рон Хауард. На 13 август ќе биде прикажан филмот „Климакс“ во режија на Гаспар Ное, на 14 август филмот „Златната ракавица“ во режија на Фатих Акин, на 15 август филмот „Офицер и шпион“ во режија на Роман Полански, и на 18 август филмот „Скитникот од плажата“ во режија на Хармони Корин. Почетокот на прикажувањето на филмовите е во 21 часот.

„Дизни“ повторно ги одложува премиерите на своите филмови

Ивона Петрова — Fri, 24 Jul 2020 09:09:12 +0000

Компанијата „Волт Дизни“ повторно ги одложи премиерите на три големи филма, што е уште еден удар врз филмската индустрија, која се бори да ја преживее пандемијата. Прикажувањата на новите филмови „Аватар“ и „Војна на Sвездите“ се одложува за една година, односно соодветно – за 2022. и 2023 година. А пак, „Мулан“ отпадна од летниот распоред на хит-премиери годинава – новиот термин е крајот на август. Зголемувањето на бројот на заразени со коронавирус во САД и светското влијание врз филмската индустрија изискуваат коренити промени во стратегијата, велат од компанијата. – Стана јасно дека ништо не може да се направи кога станува збор за оваа светска здравствена криза. Денес тоа значи да се запрат сите наши планови за веќе закажаната премиера на „Мулан“, поради проценките за тоа како најдобро да се претстави филмот пред публиката низ целиот свет, изјави гласноговорникот на „Дизни“.

Овие филмови мора да ги погледнете за време на празниците

Ивана Ефремовски — Wed, 18 Dec 2019 08:02:00 +0000

Декември е совршено време да ги гледаме сите филмови што ги пропуштивме во текот на годината или да се релаксираме со тематски наслови за празници.

Затоа листата која следи има филмови од жанрови комедија, драма и авантура. Сè што треба да сторите е да изберете омилен наслов, да создадете пријатна атмосфера и проекцијата нека почне.

Love Actually

Ниту еден новогодишен период не може да помине без Love Actually. Филмот за кој фантазиравме и плачевме премногу пати може да се гледа на „Нетфликс“ . Одлична актерска екипа, вклучувајќи ги Хју Грант, Кира Најтли, Лиам Нисон и Ема Томпсон.

Holiday in the Wild

Ова е филм кој ја придружува ново разведената Кејт (Кристин Дејвис) која сама оди на втор меден месец во Африка. Што се случува после тоа и точно кога ќе се појави Роб Лоу, ќе откриете дали ја гледате оваа романтична комедија.

The Holiday

Уште еден празничен филм со фантастична актерска екипа и повеќе од забавна приказна. Кејт Винслет, Камерон Дијаз, Џад Лоу и Џек Блек се само дел од тимот што го прослави овој филм .

Marriage Story Ако сте во групата луѓе кои повеќе би сакале да гледаат добра драма од божиќен филм, во тој случај Marriage Story е одличен избор, го има веќе и на Нетфликс, Во главните улоги се Скарлет Јохансон и Адам Драјвер. Емоционална, љубовна приказна исполнета на моменти и со драма. Се се врти околу брачната двојка, која заради љубовта ги преминува сопствените граници. Мора да се види! The Great Gatsby Можеби нетипичен избор за празник, но некако во декември, филмот „The Great Gatsby“ е направен по романот со исто име, во кој глуми Леонардо ди Каприо. Без да ви откриеме премногу, само ќе ви кажеме дека ова е визуелен спектакл и дека Ди Каприо во оваа улога е веќе прекрасен Божиќен подарок. Затоа, ќе биде одлична идеја овој филм да го гледате во друштво на пријатели. Извор: hybrid.mk