финалист – Kurir.mk

Еурофарм Пелистер прв финалист во македонскиот ракометен Куп

Тале Кристо — Thu, 11 May 2023 17:27:52 +0000

Ракометарите на Еурофарм Пелистер ја оправдаа фаворитската улога вечерва во полуфиналната пресметка против Тинекс Пролет и со победа од 28-21 обезбедија пласман во дуелот за трофејот во македонскиот Куп во ракомет во машка конкуренција. Во ниту еден момент од натпреварот во Охрид не беше доведена во прашање победата на битолскиот состав, кој веќе на полувреме имаше убедливо водство од 17-10. Во второто полуфинале, кое е на програмата вечерва од 20 часот, ќе играат Вардар 1961 против Алкалоид. Титулата ја брани Вардар 1961, кој со 15 трофеи е рекордер во натпреварувањата во националниот Куп, додека Алкалоид е дебитант на завршниот турнир.

Хрватска првиот финалист на ЕП во ракомет

Тале Кристо — Fri, 24 Jan 2020 19:48:24 +0000

Стокхолм, 24 јануари 2020 (МИА) – Машката ракометна репрезентација на Хрватска по третпат во историјата ќе се бори за титулата европски шампион откако во полуфинале што траеше два часа и 15 минути и по две продолженија ја совладаа Норвешка со 29:28 (мечот во регуларниот дел заврши 23:23). Голот за финале го постигна Жељко Муса на три секунди до крајот на средбата. Најефикасен хрватски ракометар беше Домагој Дувњак, кој беше прогласен и за МВП, со осум гола, шест гола додаде Мариќ, Хорват реализира четири додека Степанчиќ го заврши настапот со три гола. Прв стрелец кај Норвежаните беше Сандер Сагосен со десет погодоци, Гулеруд, Танген и Јоханесен дадоа по четири. Вториот финалист на 14. Европско првенство во ракомет ќе биде познат по вечерашниот напревар меѓу Шпанија и Словенија.

Русија е првиот финалист на ЕП во ракомет за жени

Дарко Андоновски — Fri, 14 Dec 2018 20:21:08 +0000

Русија ја совлада Романија со 28:22 (16:15) на Европското првенство за жени и се пласираа во финалето, кое е на програма во недела. Романките настапија без својата најдобра ракометарка Кристина Неагу но сепак одиграа добро прво полувреме и дуеи водеа со три разлика. На полувреме сепак избраничките на Евгениј Трефилов заминаа со водство од еден гол, а во продолжението од мечот Русинките доминираа предводени од одличната Вјахирева. Токму таа беше најпрецизна кај победничкиот тим со 13 погодоци, а кај Романките најефикасна беше Драгут со четири. Во финалето Русија ќе го чека подобриот од мечот меѓу Холандија и домаќинот Франција

Шкендија прв финалист во Купот на Македонија

Дарко Андоновски — Wed, 11 Apr 2018 16:41:16 +0000

Шкендија е првиот финалист во Купот на Македонија, откако со 2:0 ја совлада Ренова во реванш натпреварот од полуфиналната фаза. Првиот натпревар заврши со реми 1:1, па поради тоа Ренова се надеваше за шанса. Шкендија денеска покажа разлика во квалитет, а за победата и пласманот најзаслужен е Бесарт Ибраими. Тој од слободен удар во 48. минута донесе водство од 1:0, а потоа во 62. минута изнуди пенал, што успешно го реализираше и да ја запечати победата и финалето во Купот. Шкендија досега играше во четири финалиња и освои само еден трофеј и тоа во 2016 година кога го победи Работнички со 2:0 во финалето. „Црвено-црните“ од Тетово сезонава ќе имаат шанса да се борат за двојна круна, а во финалето ќе се сретнат со подобриот од дуелот меѓу Академија Пандев и Пелистер.