финансирање – Kurir.mk

Светската банка ќе го прекине финансирањето на Либан поради вакцинирање преку ред

Тале Кристо — Wed, 24 Feb 2021 06:48:05 +0000

Светска банка (СБ) се закани дека привремено ќе го прекине финансирањето купување вакцини против Ковид-19 за Либан бидејќи поединци ги прекршиле правилата и се вакцинирале без претходно да се најават. Генералниот секретар на либанскиот Парламент Аднан Дахер ги негираше наводите дека 16 пратеници се вакцинирале преку ред, истакнувајќи оти приоритет за вакцинацијата имаат здравствените работници и лицата постари од 75 години. Тој тврди дека сите пратеници кои се вакцинирале биле пријавени за имунизација. СБ минатиот месец соопшти дека одобрила 34 милиони долари помош за Либан за купување на вакцини.

Пендаровски го потпиша Указот за прогласување на Законот за изменување на Законот за финансирање на политичките партии

Ивона Петрова — Fri, 11 Dec 2020 09:47:18 +0000

Претседателот Стево Пендаровски, денеска го потпиша Указот за прогласување на Законот за изменување на Законот за финансирање на политичките партии. -Претседателот Пендаровски очекува дека на ист начин на којшто на политичките партии им се враќаат запрените средства за финансирање, коишто законски им следуваат, ќе им се вратат и финансиските средства на сите институции коишто остваруваат витален јавен интерес, соопштуваат од Кабинетот на претседателот. Средствата беа запрени во услови на вонредна состојба заради нивно користење за справување со економските и социјалните последици од здравствената криза.

Гутереш апелира да се зголеми финансирањето на Ковакс со цел вакцините да им бида достапни и на најсиромашните

Тале Кристо — Thu, 10 Dec 2020 08:15:03 +0000

Генералниот секретар на ОН, Антонио Гутереш предупреди дека „национализмот за вакцинација“ е во полн ек, оставајќи ги сиромашните луѓе ширум светот само да ги гледаат подготовките за вакцинација против коронавирусот во богатите земји и да се прашуваат дали и кога ќе бидат вакцинирани. Шефот на ОН го повтори својот повик на вакцините да се гледа како на „глобално јавно добро“, достапно за сите, насекаде на планетата, особено во Африка. Тој повика во наредните месеци да се инвестираат уште 4,2 милијарди американски долари во програмата Ковакс на Светската здравствена организација за помош во купување и дистрибуција на вакцина против Ковид-19, за да им се помогне на најсиромашните луѓе во светот После онлајн состанокот на Обединетите нации со Африканската унија, Гутереш на прес-конференцијата рече дека финансирањето на Ковакс е единствен начин да се гарантира дека вакцините ќе бидат достапни во Африка и другите земји во развој. Шефот на СЗО, Тедрос Аданом Гебрејесус, на состанокот на Генералното собрание на ОН за Ковид-19 минатата недела рече дека „напредокот во вакцините дава надеж и оти на крајот од тунелот се гледа светлина“ за ставање стави крај на пандемијата, но додаде дека вакцините „мора да се поделат подеднакво како светско јавно добро, а не како приватна стока што ја зголемува нееднаквоста“. Велика Британија и Русија веќе почнаа вакцинација против коронавирусот. Во САД вакцината на Фајзер може да добие зелено светло за итна употреба во наредните денови, а вакцината на Модерна во наредните недели. Гутереш рече дека 54 африкански земји регистрирале над 2,2 милиони случаи на заразени со коронавирус и над 53.000 смртни случаи од Ковид-19. Тој изрази надеж дека вакцините, во комбинација со други мерки за јавно здравје, ќе помогнат да се надмине пандемијата, но затоа мора да бидат достапни за секого.

ЕУ во Србија ќе ги финансира железницата, пловноста на Дунав и чистата енергија

Магдалена Андонова — Thu, 08 Oct 2020 12:22:55 +0000

Европската унија издвои девет милијарди евра бесповратни средства за Западен Балкан за стимулирање на развојот на регионот, а од тие пари во Србија ќе биде финансирани обновата на железницата, подобрување на пловноста на Дунав, но и преминот кон чиста енергија, изјави денес директорката на Европската инвестициска банка (ЕИБ) за Западен Балкан, Дубравка Негре. Таа посочи дека, пред сè, станува збор за инвестиции за реконструкција на железничкиот Коридор 10, кој треба поефикасно да ја поврзе Србија со Хрватска и Северна Македонија, но и Белград, Ниш и Приштина. -Ова е сума што ќе даде голем поттик за развојот на регионот, и секако на Србија, и на долгорочното закрепнување од последиците од пандемијата. Целта на овие средства е да се иницира транзиција кон еколошка и одржлива дигитална економија, со цел приближување и интегрирање на пазарот на ЕУ, изјави Негре за ТВ Прва. Според неа, средствата се значително зголемени во споредба со претходниот период, односно последните седум години, што ја покажува посветеноста на Европската унија кон овој регион и потребата за поддршка на економскиот и социјалниот развој. -Освен мобилизацијата на тие девет милијарди евра, дополнителни средства ќе бидат пласирани преку гарантниот фонд за Западен Балкан, чија цел е да се поттикнат инвестициите во следните седум години, во вредност од 20 милијарди евра, во синергија со најповолните заеми и средства и нашата група, т.е. ЕИБ, кажа Негре. Таа потенцираше дека распределбата на средствата ќе биде во согласност со зацртаните проекти, некои што се веќе во планот, но и новите проекти во Србија и регионот. (МИА)

Во Италија запленета дрога во вредност од над една милијарда евра наменета за финансирање на ИД

Тале Кристо — Wed, 01 Jul 2020 08:24:51 +0000

Финансиската полиција во Неапол во пристаништето Салерно откри и заплени дрога во вредност од над една милијарда евра. Полицијата откри 14 тони амфетамини, 84 милиони таблети со лого „каптагон“, што се произведува во Сирија од страна на Исламска држава за финансирање на тероризмот. Дрогата била скреина во инустриски цилиндри за хартија, кои требало да ги спречат скенерите да ја откријат содржината.

Трамп повторно се закани со траен прекин на финансирањето на СЗО

Тале Кристо — Tue, 19 May 2020 07:46:55 +0000

Американскиот претседател Доналд Трамп повторно се закани дека трајно ќе го прекине финансисрањето на Светска здравствена органзиација, ако во следните 30 дена СЗО не постигне одредени подобрувања. – Ако СЗО во следните 30 дена значително не се подобри, привремениот прекин на американското финансирање ќе го прогласам за трајно и ќе го разгледам нашето членство, наведува Трамп во писмото испратено до генералниот директор на СЗО, Тедрос Адханом Гебреисус. Во писмото објавено на Твитер, Трамп наведува дека не може да дозволи „американските граѓани да плаќаат данок и да продолжат да финансираат организација, која во сегашниот облик така очигледно не служи на американските интереси“. Во писмото се истакнува дека Гебреисус и СЗО ги повториле погрешните чекори во реагирање на пандемијата и оти Организацијата мора да докаже целосна независност кон Кина. – Mојата администрација веќе почна разговори со Вас за тоа како да се реформира Oрганизацијата. Но, потребно е брзо да се преземе акција. Нема време за губење, предупредува Трамп во писмото. Тој ја обвинува СЗО дека е „кинеска марионета“ и оти лошо раководела со одговорот на пандемијата со новиот коронавирус. СЗО вчера соопшти дека што е можно побрзо ќе почне независна процена на преземените мерки во борбата против пандемијата со Ковид-19. Трамп во април привремено го суспендира финансирањето на СЗО обвинувајќи дека Организацијара ги поддржува кинеските дезинформации за избивање на епидемијата со Ковид-19.

САД изразуваат подготвеност за делумно обновување на финансирањето на СЗО

Тале Кристо — Sat, 16 May 2020 08:51:05 +0000

Администрацијата на американскиот претседател Доналд Трамп е подготвена за делумно враќање на финансирањето за Светската здравствена организација (СЗО), јави „Фокс њуз“. Според медиумот, администрацијата ќе се согласи да плати иста сума колку што изнесува и проценетиот придонес на Кина. Трамп на 14 април привремено го прекина финансирањето на СЗО, обвинувајќи ја организацијата дека ги промовира „кинеските дезинформации“ за пандемијата на коронавирусот и порачувајќи дека неговата администрација ќе ја разгледа работата на СЗО. Официјални претставници на СЗО ги негираа обвинувањата, а Кина неколку пати инсистираше на тоа дека постапувала транспарентно и отворено за време на кризата во земјата, пренесуваат британските медиуми. САД се најголемиот донатор на СЗО. Доколку американскиот придонес се изедначи со кинескиот, новото ниво на финансирање ќе изнесува околу една десетина од претходно доделените средства од околу 400 милиони долари годишно, наведува „Фокс њуз“.

Помпео: Мислам дека САД повеќе нема да ја финансираат СЗО

Тале Кристо — Fri, 24 Apr 2020 06:03:40 +0000

Американскиот државен секретар Мајк Помпео во интервју за телевизијата „Фокс њуз“изјави дека не е исклучено Вашингтон никогаш повеќе да не го обнови финансисрањето на Светска здравствена организација. – Мислам дека Вашингтон никогаш повторно нема да испрати пари на американскките даночни обврзници во СЗО. Можно е да уследи уште поодлучен чекор од овој, посочи Помпео. Тој додаде дека САД треба посериозно да се посветат на СЗО, како и оти не е првпат да се појавуваат проблеми во Организацијата, што е дел од Обединети нации. – Тоа е неопходно и потребна е структурна реформа на СЗО, посочи Помпео, но одби да одговори на прашањето дали САД ќе формираат слична организација. Претседателот на САД, Доналд Трамп на 15 април нареди да се прекине американското финансирање на СЗО, бидејќи е незадоволен од работата на Организацијата во текот на пандемијата на коронавирусот. Тој оцени дека СЗО не ја исполнила својата основна должност и дека за тоа ќе мора да одговара. Трамп ја обвини СЗО дека промовирала „кинески дезинформации“ за новиот коронавирус, што според него, довело до поголема епидемија. САД се најголемиот донатор во СЗО. Минатата година оваа држава во СЗО дала повеќе од 400 милиони долари, што е околу 15 отсто од нејзиниот буџет, кој изнесува околу 4,5 милијарди долари.

ВМРО-ДПМНЕ се откажува од државното финансирање, но СДСМ не се откажува од платите на функционерите од власта

Ивана Ефремовски — Mon, 30 Mar 2020 11:44:35 +0000

Претседателот на ВМРО-ДПМНЕ Христијан Мицкоски, информираше уште пред една недела дека ќе го поддржи предлогот на министерката за правда Рената Дескоска партиите да се откажат годинава од парите за финансирање на политичките партии, но за возврат побара таа и министрите, замениците и државните секретари до крајот на мандатот да работат про боно, односно без никаков надомест. -Намерата на министерката Дескоска не е да заштеди пари во буџетот. ВМРО-ДПМНЕ и претходните и овие избори ќе ги дочека како единствена партија во Европа со незаконски замрзнат имот и без исплатени пари за функционирање. И се снаоѓаме на начин на кој се снаоѓаме. Намерата на Дескоска е поинаква. Јас ќе ја поддржам, но ја мотивирам нејзе и нејзиниот зет за сестра кои имаат енормно високи примања, како и останатите министри во владата, додека им трае мандатот да работат про боно. Да се откажат од привилегиите, високите плати, хонорари, од луксузот. Ајде да ја видиме Дескоска и останатите министри и функционери од СДСМ да се стават во интерес на државата. Ја повикувам да се охрабри. Министрите на ВМРО-ДПМНЕ ќе ја поддржат. Сите министри заменици, државни секретари, именувани функционери да работат про боно, рече Мицкоски. На на функционерите на СДСМ изгледа ептен им се слатки парите, па ниту еден од нив не кажа јавно дека се откажува од примањата. А, како што веќе граѓаните знаат, станува збор за навистина големи плати, пари кои во овој момент на голема криза, можат да помогнат таму каде што е најпотребно. ВМРО-ДПМНЕ преку соопштение порача: Се додека ова не е се случи, излегува на површина лицемерието на Дескоска, Спасовски и цела дружина на Заев, на виделина излегува целата неспособност на Владата на Заев. Открија и колку изнесуваат платите на дел од функционерите на СДСМ: -На истата владина седница на која ќе се расправа за доброволно откажување од платата на Рената Дескоска од 70.000 денари, на братучедот на Дескоска, Николче Тасевски да кој ќе се откаже од платата од 188.000 денари, на Оливер Спасовски од 90.000 денари, на Радмила Шекеринска од 80.000 денари повикуваме да се расправа и за законот за финансирање на политички партии. Да не се заборави и на Дамјан Манчевски кој ќе ја докаже хуманоста кој ќе се откаже од платата од 70.000 денари, Мила Цароска од платата од 74.000 денари и Роберт Поповски од платата од 72.000 денари како и Никола Димитров од платата од 72.000 денари, открија тие.

Покренато обвинение против Саркози

Ивона Петрова — Thu, 22 Mar 2018 07:40:37 +0000

Поранешниот француски претседател Никола Саркози е обвинет во рамки на истрага за либиско финансирање на неговата изборна кампања за претседателските избори во 2007 година, јавија француски медиуми повикувајќи се на судски извори. Саркози е обвинет за „пасивна корупција, илегално финансирање изборна кампања и влијание врз либиските јавни средства“, прецизирал изворот. Според него, поранешниот претседател на Франција и понатаму е под судски надзор. Саркози кој беше претседател од 2007 до 2012 година, во рамките на оваа истрага го сослушуваа од Службата за борба против корупција и финансиски и фискални прекршоци. МИА