финансова полиција – Kurir.mk

Финансова вршела претрес и кај високи партиски функционери, симпатизери и членови на ВМРО-ДПМНЕ непосредно пред гласањето доверба на Владата

Магдалена Андонова — Thu, 11 Nov 2021 09:20:09 +0000

Во интервал од половина час од 5.30 до 6 часотоутрово Финансиската полиција упаднала и во домовите на високи партиски функционери и истакнати членови и симпатизери на ВМРО-ДПМНЕ, дознава Република.мк. Според информациите на порталот, полицијата вршела претрес и во домови на заболелени од ковид кои во моментот на претресот се во изолација и се лекуваат. Република објави дека се познати идентитетите на тие лица, но од објективни причини нема да ги соопштаат во моментов. Одземени се мобилни телефони и други предмети. За невиден терор од страна на власта и притисок пред седницата за гласање недоверба на Владата утрово информира и пратеникот Јован Јаулески. Финансиската полиција упаднала и во неговиот дом, наводно вршела предистрага.

- Ова се класични потези на очај на режимот во паѓање. Ова е хунта, се работи за обид за притисок врз моите родители на денот на гласањето за недоверба на оваа влада, изјави Јаулески.

https://kurir.mk/makedonija/vesti/finansova-policija-vleze-kaj-pratenik-na-vmro-dpmne-na-denot-na-glasanje-za-doverba-na-vladata/ И претставници на другите партии од новото парламетнарно мнозинство сведочат за невидени притисоци врз пратениците кои денеска треба да гласаат за недоверба на Владата. Пратеникот на Алтернатива Скендер Реџепи, Арбен Таравари од Алијанса за Албанците и Адријанит Хоџа од Беса потврдуваат дека власта на СДСМ и ДУИ врши невиден притисок врз пратениците. Финансиската полиција беше главен адут за „предизборно убедување“ на граѓаните и за време на изборната кампања за локалните избори. Тогаш лично директорот на Полицијата Арафат Муареми одеше по селата и се закануваше со инспекции.

ВМРО-ДПМНЕ: Упадот на финансиска полиција во домот на пратеникот Јаулески значи дека режимот на Заев е очаен и во распаѓање

Тале Кристо — Thu, 11 Nov 2021 08:05:45 +0000

Тоа што во домот на пратеникот Јован Јаулески утрово, упадна финанасова полиција и МВР на Спасовски на денот на гласање за доверба на влада, значи само дека режимот на Зоран Заев е очаен, во распаѓање и не одбира средства за притисоци и уцени врз пратениците. Таквите методи својствени за Чаушеско ќе бидат жестоко поразени, велат во партиското соопштение од ВМРО-ДПМНЕ.

Финансова полиција влезе кај пратеник на ВМРО-ДПМНЕ на денот на гласање за доверба на Владата

Ивона Петрова — Thu, 11 Nov 2021 07:00:59 +0000

Пратеникот на ВМРО-ДПМНЕ Јован Јаулески на социјалните мрежи објави дека рано утринава во неговиот дом претрес вршела Финансовата полиција. -Не ви се плашиме, денес хибридниот режим ќе заврши. Од 5:30 до овој момент во мојот дом упадна и врши претрес Финансова полиција, пишува Јаулески. Инаку денеска во законодавниот дом со почеток во 11 часот е закажана седница на која треба да се гласа за доверба на Владата. Седницата ќе трае најдоцна пред полноќ.

(АУДИО) ФАКТИТЕ ПРОВЕРЕНИ: Финансова полиција и „БИРН“ заедно шират лажни вести!

Магдалена Андонова — Wed, 23 Dec 2020 16:07:42 +0000

Заедничка акција за ширење на лажни вести спроведуваат Финансовата Полиција и провладината истражувачка медиумска мрежа „БИРН“ – покажува проверката на факти која ја спроведе Радио Лидер, пренесува ЛИДЕР. Во текстот кој под наслов „Ширењето на унгарските медиуми на Балканот загрижува, но тие имаат слабо влијание“ беше објавен на „Призма“ (платформа на „БИРН“) на четврти месецов, беа изнесени низа на лажни информации во однос на медиумите кои се критични настроени кон власта. Ваквата тенденција на ширење на лажни вести доаѓа во време кога Владата во Македонија се обидува да спроведе низа на контроверзни одлуки како преговорите со Бугарија и измената на образовниот систем во земјава, пишува ЛИДЕР. Според познавачите, директната намена на ширењето на лажни вести е за да се дискредитираат медиумите кои во овие критични периоди се критични кон власта. Особено е скандалозно што ваквата лажна вест извира од медиум кој се поврзува со фондовите на контроверзниот берзански шпекулант Џорџ Сорос. Како може да затајува данок некој кој кога се случувале трансакциите воопшто не ја поседувал компанијата? Во текстот на БИРН пишува дека Македонската финансиска полиција поднела кривична пријава против Питер Шац за затајување данок, според информациите што ги добил БИРН. -Финансиската полиција за БИРН вели дека Шац остварил добивка на незаконски начин за себе и за компанијата ЦХС Инвест Груп, која е мнозински сопственик во Алфа ТВ. „Шац не ги пријавил приходите во вкупната сума од 11.959.475 денари (околу 190.000 евра)“, рече полицијата. Според полициските информации, Шац го оштетил буџетот на Северна Македонија за околу 19.000 евра– пишува во текстот на БИРН. Проверката на факти го покажува спротивното, дека ниту се работи за затајување на данок, ниту пак господинот Шац е информиран дека против него била поднесена било каква пријава и нема никаква процедура во обвинителството. Имено, според извори од свиркачи од Финансовата Полиција, кон крајот на 2018 година во ИХС Инвест Груп влегла финансиска контрола, но не од Финансиската полиција туку од УЈП. Контролата покажала дека оваа компанија во 2013 година имала земено позајмица од околу 9 милиони денари од друга компанија која не била вратена. Ова значи, не се работи за никаков „приход“ туку за позајмица која не била вратена. Во моментот кога се случила оваа трансакција, унгарскиот инвеститор Питер Шац не бил сопственик на ЦХС Инвест Груп, па останува нејасно како тој би можел да затајува данок? Всушност, според информациите кои ги доби „Лидер“ од свиркачи од Финансовата полиција, во тој момент Шац не ни знаел дека некаква позајмица била земена и нереализирана од претходните сопственици на компанијата. Веднаш по контролата, според законите кои тогаш беа на сила, на ИХС Инвест Груп им стигнало решение дека треба да платат данок за оваа позајмица по што компанијата уредно уште на почетокот на 2019 си го платила данокот и од тука станува јасно дека се работи за лажна вест затоа што буџетот нигде не е оштетен и данок нигде не е затаен. Инаку, подоцна во Македонија имаше измени на законот со кој невратените позајмици се ослободија од данок, но и покрај тоа според тврдењата на ИХС Инвест Груп данокот за позајмицата е целосно платен.Во исто време, според информации добиени од свиркачи, од компанијата информираат дека не добиле писмо со никаква кривична пријава за затајување данок и никаква информација дека обвинителството ги терети за ова, пренесува Лидер. Проверката на факти покажува дека се работи за класична лажна вест оркестрирана од Финансиската полиција и БИРН, затоа што (1) не се работи за непријавен приход туку за позајмица (2) наведената сума не е точна, (3) данокот не е затаен туку целосно платен, (4) не се работи за никаква контрола на Финансиската полиција која никогаш не влегла во оваа компанија туку за контрола на УЈП и (5) компанијата нема никаква информација дека против неа има кривична пријава. Редакцијата на „Лидер“ пред 10 дена постави прашања до Финансиската полиција, каде споделувајќи ги нашите факти ги замоливме да ни одговорат каде е тука затајувањето на данок и како тие го констатирале истото? Но, налетуваме на молк кој трае цели 10 дена. Самиот молк на Финансиската полиција открива дека се работи за лажна вест, во исто време од институцијата не ја негираат изјавата која ја дале за БИРН, што значи дека оваа лажна вест е креирана заедно – од Финансиската полиција и од БИРН. Сите кои го критикуваат Заев се финансираат од „валкани“ пари Ширењето на лажни вести од страна на БИРН и Финансова полиција не застанува овде. Во понатамошниот дел од текстот, од институцијата и медиумот оркестрирано се користат термини како „перење пари“, „валкани пари“ и „сомнителни пари“ без притоа да се проложи ниту еден доказ или пријава за истото. -Истрагата за перење пари против Шац е се уште отворена. Во август минатата година Финансиската полиција побарала од Јавното обвинителство да ги замрзне парите на друга компанија на Шац, Таргет Медиа Скопје, поради сомневање дека таа се користи за трансфери на потенцијално валкани пари од Словенија и од Унгарија. И покрај овие сомнежи, како и покрај официјално поднесеното барање, парите не биле замрзнати – пишува БИРН. „Лидер“, од изворите на свиркачи од Финансовата полиција, дознава дека на компаниите на Шац не им било соопштено за никаква истрага против нив, ниту пак некој бил повикан на распит. Од таму велат дека компаниите даваат услуги за кои уредно се потпишуваат прецизни договори за кои подоцна се фактурира и уредно се плаќа данок и не разбираат за какви валкани пари би можело да станува збор. При нашата комуникација од со портпаролскиот тим на Финансиската полиција ние ги прашавме како е можно овие компании да не се информирани за никаква истрага, ниту пак финансиската полиција се појавила таму? -Ние немаме обврска никого да информираме за истрага, ако нешто не ви е јасно пратете ни мејл – арогантно ни одговори портпаролот на Финансиска полиција кој 10 дена подоцна ни нема дадено никаков одговор на меилот кој му го испративме веднаш по разговорот. Останува чудно како информации за наводна истрага може да се дадат на медиум, а оние над кои се води наводната истрага да немаат никакви информации за истото. Дека се работи за комплот од лажни вести покажува и следниот дел од текстот на БИРН каде пишува: -Тие немаат вработени, нивното финансирање доаѓа од извори со сомнително потекло, односно има сомнежи за криминал и за злоупотреба на службената должност и овластувања. Парите што се префрлаат во Република Северна Македонија од овие странски правни лица се уплатуваат тука за да се прикрие дали потекнуваат од можен криминал, преку фактури за сомнителни маркетиншки услуги. Ја замоливме Финансиската полиција да ни објасни какви се тие „извори со сомнително потекло“, каков е тој „криминал“ и каква е таа „злоупотреба на службена должност“?. Но, до сега, како и за другите прашања и за ова нема никаков одговор. Многу е страшно кога една институција на држава аспирант за членство во ЕУ дава вакви квалификации без притоа да ги поткрепи со факти, ако се знае дека клиентите на овие компании се етаблирани европски фирми а испорачаните фактури се за услуги кои навистина се случиле. Ваквиот однос покажува дека без да докажат, Финансовата полиција и провладините медиуми може секого да наречат „криминалец“ кој се занимава со „валкани пари“ без притоа да го докажат или процесуираат истото. Ова, нормално е во служба на владејачкиот режим во Македонија кој се соочува со бројни забелешки од страна на Европската Унија во однос на слободата на медиумите. Практично, излегува дека секој оној кој е критички настроен кон владата на премиерот Зоран Заев, јавно се шиканира како примател на сомнителни пари, што е во служба на владината пропаганда. Систематски притисок над сите критички медиуми Компанијата ЦХС Инвест Груп, која се споменува во овој текст на провладиниот БИРН, е една од неколкуте компании кои поседуваат свои удели во Телевизија Алфа. Симптоматично е што наративот на текстот, но и на изјавата на Финансовата полиција е ист како и на серијата на прес-конференции кои владејачката СДСМ ги имаше минатата година. Термините „валкани пари“, „црни пари“, „сомнителни трансакции“ први почнаа да ги користат токму од владејачката партија, а сега државните иснтитуции го преземаат истиот наратив. Ова говори за класично мешање на партијата и државата и партизација на институциите кои наместо државна агенда, водат партиска агенда полна со лажни вести и говор на омраза кон медиумите кои се критички кон власта. Ваквите напади кон медиумите доаѓаат точно во периодот кога владата на Зоран Заев не успева да обезбеди почеток на преговорите на Македонија со ЕУ. Во изминатите години, слободата на медиумите е токму една од главните критички точки на ЕУ кон Македонија, што значи дека унијата јасно забележува дека овој значаен демократски сектор трпи сериозни притисоци од актуелната Влада. Извор: Лидер.ком.мк