фингерпринт апарати – Kurir.mk

Пред гласање задолжителна проверка со отпечаток од прст

Ивона Петрова — Sun, 31 Oct 2021 05:38:33 +0000

Првпат на Локалните избори 2021 во процесот на гласање се применуваат уреди за биометриска идентификација на гласачите. За потребите на 3480 избирачки одбори ДИК од германската компанија „Дермалог“ набави 4000 терминали. Со уредот за биометриска идентификација на гласачите управуваат само претседателот или заменик претседателот на Избирачкиот одбор кои ќе имаат посебни картички што се дел од доверливиот избирачки материјал и се чуваат во избирачкото место. Доколку тие се отсутни, со уредот управува лице од администрацијата определен со мнозинство гласови на присутните членови на избирачкиот одбор. По отворањето на гласачкото место, покрај стандардната проверка на просторијата и целокупниот доверлив и недоверлив изборен материјал се врши и проверка на фукционалноста на уредот. При вклучување на уредот се најавува лицето што ќе управува со него, се избира јазик што ќе се користи и се печати извештај со моменталната состојба на податоците во уредот. На екранот на уредот за биометриска идентификација на гласачите треба да се бидат прикажани следните податоци: Избори и датум на избори, моментално време, општина, број на избирачко место, вкупно регистрирани гласачи, вкупно гласачи кои гласале, распределба по род на гласачи кои гласале. Уредот треба да даде и податоци одзивот на гласачите во време на гласањето во интервал не подолг од два часа. Уредот се активира за идентификација на гласачите со започнување на гласањето во избирачкото место. Личниот идентитет гласачот го докажува со важечки лична карта или патна исправа односно лична карта чија важност истекла во периодот од распишувањето на изборите до денот на нивното одржување и патна исправа чиј рок на важење е истечен односно истекува по 31 јули 2020 чија важност се продолжува до 31 декември 2021 година и отпечаток од прсти. Гласачот влегува во избирачкото место и покажува важечки лична карта или патна исправа на членот на избирачкиот одбор што ракува со уредот за идентификација, а гласач кој нема личен документ или има истечена важност на личната карта или пасошот пред периодот на распишување на изборите нема да му биде дозволено да се идентификува со отпечаток со прст на уредот и нема да му се дозволи да гласа. Член на ИО ја споредува фотографијата од личните документи со лицето на гласачот и доколку утврди дека не е истото лице не му дозволува да се идентификува со отпечаток од прст на уредот и нема да му се дозволи да гласа. ИО го потврдува идентитетот и врши проверка дали гласачот нема претходно гласано преку податоците од важечки документи и со отчитување на отпечатоци од прсти што треба да се совпаѓа со отпечатокот од прст на гласачот во електронскиот избирачки список за соодветното избирачко место во техничката опрема. Идентитетот на гласачот се потврдува со земање на отпечаток од показалец од десната рака, а доколку нема десен показалец, се зема отпечаток од показалец од лева рака. Ако на гласачот му недостигаат двата прста, се зема отпечаток од наредниот прст од десната рака и истото се евидентира во дневниот за евиденција на настани. Уредот го чита отпечатокот од прстот и се обидува да најде совпаѓање со отпечатоците што се во електронскиот избирачки список за сите гласачи запишани на тоа избирачко место, додека не се најде совпаѓање. Доколку софтверот укаже дека квалитетот на отпечатокот е лош или слаб, софтверот на УБИГ тоа го третира како погрешно скенирање на отпечатокот и бара повторување на процесот. Доколку не се најде совпаѓање на гласачот треба да му се скенира левиот показалец и процесот се повторува. Кога избирачкиот одбор ќе констатира дека гласачот го докажал својот идентитетот и утврдил дека не гласал претходно и му се совпаѓа отпечатокот од прст со отпечатокот од електронскиот список, на мониторот на уредот ќе се појават податоци од избирачкиот список на тој избирач. Ако гласачот претходно не гласал, информациите се прикажани со зелено. Член на одборот ја потврдува идентификацијата и гласачот е обележан во системот дека гласал. Доколку уредот не може да најде совпаѓање на отпечатоциоте од прсти, сигнализира со жолта боја. Во тој случај ИО пристапува кон утврдување на личниот идентитет на гласачот преку важечка лична карта или пасош и проверува дали гласачот е запишан и дали е потпишан во печатениот избирачки список. Доколку се утврди дека гласачот го има во печатениот Избирачки список и нема гласано, се внесува во уредот преку отчитување на личниот документ на МРЗ скенерот или со преку внесување на матичниот број. Ако веќе бил обележан дека гласал системот ги прикажува со црвено и сигнализира со аларм така што нема да му биде дозволено да гласа. Избирачкиот одбор нема да им дозволи гласање на денот на изборите на лицата кои ќе се пријават за гласање како болни и изнемоштени доколку дојдат на избрачкото место на денот на гласање. Откако ќе биде потврден идентитетот на гласачот, неговиот реден број се заокружува во изводот на Избирачкиот список, и тој се потпишува, а ако е неписмен става отчеток од прст. По идентификацијата и потпишувањето избирачот ќе добие гласачко ливче. Во случај уредот да е технички неисправен и неупотреблив избирачкиот одбор веднаш телефонски ја известува ОИК да го замени уредот. ОИК веднаш праќа техничко лице кое е овластено од ДИК за да донесе нов резервен уред. Тоа лице на самото место ја утврдува состојбата, и ако е технички неупотреблив телефонски ја известува ОИК и ќе инсталира нов резервен уред во кој ќе ги префрли сите податоци. Ако уредот е неупотреблив и не може да се замени тогаш ОИК со потврда од техничко стручно лице ангажирано до ДИК електронски ќе поднесе писмено барање до ДИК и ДИК ќе треба да одлучи дали гласањето ќе продолжи согласно со членот 108 од Изборниот законик. Кога гласањето ќе заврши претседателот или заменик на претседателот на избирачкиот одбор го деактивира уредот за натамошна идентификација на гласачи, после што нема да може повторно да се активира. На мониторот на уредот освен податоците бројот на избирачкото место и времето, треба да биде прикажани вкупниот број на регистрирани гласачи, вкупно гласачи кои гласале со отпечаток од прст изразено во број и процент од вкупниот број на запишани гласачи на тоа избирачко место, бројот на гласачи кои не можеле да бидат идентификувани со уредот а се регистрирани во уредот преку скенирање на личниот документ или со рачен влез преку матичен број, како и број на мажи и жени кои гласале. За транспорт и приомпредавање на уредите ОИК задолжително ја известува полицијата. Во Упатството на ДИК се предвидени исклучоци од гласање со техничка опрема, а тоа се сите лица што ќе треба да гласаат во сабота, на еден ден пред денот на изборите. Тоа се болните и немоќните лица, лицата во притвор, затворениците, лицата со Ковид-19 или во изолација, внатрешно раселените лица, лицата во страските домови, лицата кои гласаат во ДКП-та. Утврдувањето на идентитетот на овие гласачи ќе биде со важечка лична карта или пасош, а дали гласал претходно ќе се проверува со УВ ламба и спреј.

Дознајте како ќе се гласа со уредот за биометриска идентификација

Ивана Ефремовски — Sat, 16 Oct 2021 07:51:16 +0000

Првпат на Локалните избори 2021 во процесот на гласање ќе се применуваат уреди за биометриска идентификација на гласачите. За потребите на 3480 избирачки одбори ДИК од германската компанија „Дермалог“ набави 4000 терминали. Со уредот за биометриска идентификација на гласачите ќе управуваат само претседателот или заменик претседателот на Избирачкиот одбор кои ќе имаат посебни картички што се дел од доверливиот избирачки материјал и се чуваат во избирачкото место. Доколку тие се отсутни, со уредот управува лице од администрацијата определен со мнозинство гласови на присутните членови на избирачкиот одбор. По отворањето на гласачкото место, покрај стандардната проверка на просторијата и целокупниот доверлив и недоверлив изборен материјал се врши и проверка на фукционалноста на уредот. При вклучување на уредот се најавува лицето што ќе управува со него, се избира јазик што ќе се користи и се печати извештај со моменталната состојба на податоците во уредот. На екранот на уредот за биометриска идентификација на гласачите треба да се бидат прикажани следните податоци: Избори и датум на избори, моментално време, општина, број на избирачко место, вкупно регистрирани гласачи, вкупно гласачи кои гласале, распределба по род на гласачи кои гласале. Уредот треба да даде и податоци одзивот на гласачите во време на гласањето во интервал не подолг од два часа. Уредот се активира за идентификација на гласачите со започнување на гласањето во избирачкото место. Личниот идентитет гласачот го докажува со важечки лична карта или патна исправа односно лична карта чија важност истекла во периодот од распишувањето на изборите до денот на нивното одржување и патна исправа чиј рок на важење е истечен односно истекува по 31 јули 2020 чија важност се продолжува до 31 декември 2021 година и отпечаток од прсти. Гласачот влегува во избирачкото место и покажува важечки лична карта или патна исправа на членот на избирачкиот одбор што ракува со уредот за идентификација, а гласач кој нема личен документ или има истечена важност на личната карта или пасошот пред периодот на распишување на изборите нема да му биде дозволено да се идентификува со отпечаток со прст на уредот и нема да му се дозволи да гласа. Член на ИО ја споредува фотографијата од личните документи со лицето на гласачот и доколку утврди дека не е истото лице не му дозволува да се идентификува со отпечаток од прст на уредот и нема да му се дозволи да гласа. ИО го потврдува идентитетот и врши проверка дали гласачот нема претходно гласано преку податоците од важечки документи и со отчитување на отпечатоци од прсти што треба да се совпаѓа со отпечатокот од прст на гласачот во електронскиот избирачки список за соодветното избирачко место во техничката опрема. Идентитетот на гласачот се потврдува со земање на отпечаток од показалец од десната рака, а доколку нема десен показалец, се зема отпечаток од показалец од лева рака. Ако на гласачот му недостигаат двата прста, се зема отпечаток од наредниот прст од десната рака и истото се евидентира во дневниот за евиденција на настани. Уредот го чита отпечатокот од прстот и се обидува да најде совпаѓање со отпечатоците што се во електронскиот избирачки список за сите гласачи запишани на тоа избирачко место, додека не се најде совпаѓање. Доколку софтверот укаже дека квалитетот на отпечатокот е лош или слаб, софтверот на УБИГ тоа го третира како погрешно скенирање на отпечатокот и бара повторување на процесот. Доколку не се најде совпаѓање на гласачот треба да му се скенира левиот показалец и процесот се повторува. Кога избирачкиот одбор ќе констатира дека гласачот го докажал својот идентитетот и утврдил дека не гласал претходно и му се совпаѓа отпечатокот од прст со отпечатокот од електронскиот список, на мониторот на уредот ќе се појават податоци од избирачкиот список на тој избирач. Ако гласачот претходно не гласал, информациите се прикажани со зелено. Член на одборот ја потврдува идентификацијата и гласачот е обележан во системот дека гласал. Доколку уредот не може да најде совпаѓање на отпечатоциоте од прсти, сигнализира со жолта боја. Во тој случај ИО пристапува кон утврдување на личниот идентитет на гласачот преку важечка лична карта или пасош и проверува дали гласачот е запишан и дали е потпишан во печатениот избирачки список. Доколку се утврди дека гласачот го има во печатениот Избирачки список и нема гласано, се внесува во уредот преку отчитување на личниот документ на МРЗ скенерот или со преку внесување на матичниот број. Ако веќе бил обележан дека гласал системот ги прикажува со црвено и сигнализира со аларм така што нема да му биде дозволено да гласа. Избирачкиот одбор нема да им дозволи гласање на денот на изборите на лицата кои ќе се пријават за гласање како болни и изнемоштени доколку дојдат на избрачкото место на денот на гласање. Откако ќе биде потврден идентитетот на гласачот, неговиот реден број се заокружува во изводот на Избирачкиот список, и тој се потпишува, а ако е неписмен става отчеток од прст. По идентификацијата и потпишувањето избирачот ќе добие гласачко ливче. Во случај уредот да е технички неисправен и неупотреблив избирачкиот одбор веднаш телефонски ја известува ОИК да го замени уредот. ОИК веднаш праќа техничко лице кое е овластено од ДИК за да донесе нов резервен уред. Тоа лице на самото место ја утврдува состојбата, и ако е технички неупотреблив телефонски ја известува ОИК и ќе инсталира нов резервен уред во кој ќе ги префрли сите податоци. Ако уредот е неупотреблив и не може да се замени тогаш ОИК со потврда од техничко стручно лице ангажирано до ДИК електронски ќе поднесе писмено барање до ДИК и ДИК ќе треба да одлучи дали гласањето ќе продолжи согласно со членот 108 од Изборниот законик. Кога гласањето ќе заврши претседателот или заменик на претседателот на избирачкиот одбор го деактивира уредот за натамошна идентификација на гласачи, после што нема да може повторно да се активира. На мониторот на уредот освен податоците бројот на избирачкото место и времето, треба да биде прикажани вкупниот број на регистрирани гласачи, вкупно гласачи кои гласале со отпечаток од прст изразено во број и процент од вкупниот број на запишани гласачи на тоа избирачко место, бројот на гласачи кои не можеле да бидат идентификувани со уредот а се регистрирани во уредот преку скенирање на личниот документ или со рачен влез преку матичен број, како и број на мажи и жени кои гласале. За транспорт и приомпредавање на уредите ОИК задолжително ја известува полицијата. Во Упатството на ДИК се предвидени исклучоци од гласање со техничка опрема, а тоа се сите лица што ќе треба да гласаат денес, на еден ден пред денот на изборите. Тоа се болните и немоќните лица, лицата во притвор, затворениците, лицата со Ковид-19 или во изолација, внатрешно раселените лица, лицата во страските домови, лицата кои гласаат во ДКП-та. Утврдувањето на идентитетот на овие гласачи ќе биде со важечка лична карта или пасош, а дали гласал претходно ќе се проверува со УВ ламба и спреј.

Нова пратка на фингерпринт апарати се очекува да пристигне попладнево

Магдалена Андонова — Mon, 27 Sep 2021 10:26:04 +0000

Нова пратка на уреди за биометриска идентификација на гласачите се очекува попладне да пристигне во земјава. Државната изборна комисија соопшти дека пратката ќе биде пречекана пред Домот на АРМ во 13 часот. Првите уреди за биометриска идентификација пристигнаа на почетокот на месецов и со нив се обучуваат избирачките одбори. Уредите за биометриска идентификација или уште познати како фингерпринт се набавени од германската фирма „Дермалог“. За првпат ќе се користат на претстојните локални избори со цел да се зголеми довербата во изборниот процес и да се елиминираат досегашните сомневања во изборните резултати. (МИА)

Мисајловски: Доколку не се набават фингерпринт апарати, тоа е знак дека власта сака да ги намести изборите

Тале Кристо — Fri, 19 Mar 2021 13:02:59 +0000

Потпретседателот на ВМРО-ДПМНЕ Владо Мисајловски во изјава за медиумите кажа дека нема напредок во разговорите за изборниот законик и дека владата игра топло ладно но смета дека тоа е договор помеѓу партиите од владејачката коалиција со цел да се погази овој закон кој вклучува набавка на фингерпринт апарати за отисок на прст за локалните избори. -Па можам јавно да кажам дека нема, нема поради тоа што мислам дека самата власт односно партиите во власта играат топло ладно или еден ден можеби сакаат нешто да помине друг ден гледаме друга партија од коалицијата не сака да помине и тоа е еден договор меѓу нив изгледа суштината на крај да се погази законот кој закон, оној каде што изборниот законик каде што знаете дека мора да се набават фингерпринт апарати зборувам за отисок на прст апарати што за овие локални избори треба да се набават за секој граѓанин да гласа потенцираше Мисајловски. Владо Мисајловски потпретседателот на ВМРО-ДПМНЕ рече дека онаа партија која ќе побара да се тргне барањето за набавка на фингерпринт апарати за отисок на прст ќе оди директно во нов политички проблем затоа што тоа би било знак дека власта сака да ги намести изборите. Мисјаловски кажа дека ВМРО-ДПМНЕ нема да го дозволи тоа и дека доколку СДСМ се осуди на таков чекор тоа би би значело кривично дело и кршење на законот. Мисајловски додаде дека треба ВМРО – ДПМНЕ ќе даде шанса на процесот и будно ќе следи што ќе се случува во наредните недели затоа што има доволно време за да се направи тендер и да се набават фингерпринт апарати за локалните избори. -Тоа е веќе ставено во законот и секој обид на СДСМ на ДУИ и на другите партии во власта што ќе пробаат да го тргнат ова од законот тогаш они идат директно во нов политички проблем ама тоа е повторно да ги наместат изборите. Ние нема да дозволиме но еве и апел до работните групи да седнат да се договорат бидејќи тоа не е некој договор што ВМРО-ДПМНЕ го бара туку тоа е договорено претходно и веќе во законот стои. Затоа едноставно нека го почитуваат законот ако не сакаат да го почитуваат законот тоа е сепак кривично дело но СДСМ се такви како партија заедно со нивната коалиција и можно е еве да побегнат од тие разговори но јас ќе му дадам шанса на процесот да видиме што ќе се случува во наредните недели бидејќи има доволно време за се зборувам да се направи тендер да се купат апарати и се разбира на овие локални избори а се надевам дека можно е и предвремени избори да ги користиме тие апарати заврши Мисајловски.