финска – Kurir.mk

Османи во официјална посета на Финска

Тале Кристо — Fri, 27 Oct 2023 06:07:18 +0000

Министерот за надворешни работи Бујар Османи денеска ќе престојува во официјална посета на Република Финска, на покана на финската министерка за надворешни работи. Како што соопшти МНР, во рамки на посетата Османи ќе оствари средби со својот хомолог, министерката Елина Валтонен и со претседателот на финскиот Парламент, Јуси Хала-ахо. -За време на престојот во Хелсинки, Османи ќе го потпише меморандумот за пристапување на Република Северна Македонија во Европскиот центар за извонредност за справување со хибридни закани, со седиште во Хелсинки, велат од МНР.

Русија ја зајакнува својата воена база на границата со Финска

Ивана Ефремовски — Sun, 10 Sep 2023 17:32:09 +0000

Финската новинска агенција објави сателитски снимки кои имплицираат дека Русија почна да ја зајакнува својата воена база на границата со Финска. На снимките се гледа дека Русија изградила нови магацини за складирање и сервисирање на воени возила, а подигната е опрема во воениот склад во Петрозаводск и во воената база Алакурти. - Ова се првите видливи знаци дека Русија почнала да инвестира во подготвеноста на своите гранични бази во близина на Финска по долги години неактивност, наведе Финската новинска агенција. Финскиот министер за одбрана Анти Хаканен изјави дека тие не претставуваат непосредна закана за безбедноста на неговата земја. Пензиониран фински генерал изјави дека најверојатно магацинот таму е изграден за одржување. Додека британскиот весник Гардијан објави дека таквиот потег може да се поврзе со намерата на Русија да испорача опрема на украинскиот фронт од базата Петрозаводск. (МИА)

Австралија ја декласираше Финска, Италијанците едвај до победа против Ангола!

Ристе Здравков — Fri, 25 Aug 2023 12:11:21 +0000

По долго чекање, утринава конечно почна Светското првенство (СП) во кошарка и тоа со лесна победа на Австралија против Финаска (98-72), односно нешто потежок од очекувањата триумф на Италија против Ангола (81-67). Австралијците се еден од кандидатите за златото, но лошо ја почнаа средбата поради што противникот кон средина на вториот период водеше со 38-30. Но, тоа како да ги разбуди фаворитите, кои вратија со серија 19-2, го презедоа водството и до крајот рутински ја одработеа задачата. Најефикасен кај Австралија беше Пети Милс со 25 поени, а Џош Гиди додаде 14, додека кај Финците најдобар беше Лаури Марканен со 19 поени, додека Сасу Салин додаде 13. Во вториот меч Италија со многу мака победи против Ангола, која многу подобро го отвори натпреварот, направи серија од 5-0, по што се разбудија Италијанците кои до крајот на првата четвртина дојдоа до предност од шест поени. Во вториот дел Ангола се врати, се избори во третиот дел од играта, за да надвладее во четвртиот дел. Италија ја предводеше Симоне Фонтекио со 19 поени, додека Стефано Тонут додаде 18. Кај Ангола најдобар беше Чајлде Дундао со 19 поени, а Бруно Фернандо додаде 13 поени. Во следните два меча од денешната програма на СП 2023, Црна Гора ептен лесно го прегази Мексико (91-71), а на идентичен начин и Летонија го совлада Либан (109-70).

Бајден во посета на Финска

Дарко Андоновски — Thu, 13 Jul 2023 05:37:03 +0000

Американскиот претседател Џо Бајден е во посета на новата членка на НАТО Финска по самитот на алијансата во Литванија. Финскиот претседател Саули Нинисто денеска попладне ќе го прими Бајден во Претседателската палата во Хелсинки на билатерална средба. Потоа е планиран мини-самит со шефовите на владите на другите нордиски земји – Данска, Норвешка, Шведска и Исланд, јави ДПА. Главна тема на разговорите ќе биде поблиска соработка меѓу нордиските земји и САД на полето на безбедноста, заштитата на животната средина и технологијата. Посетата на Бајден во финскиот главен град ќе заврши вечер со заедничка прес-конференција со Нинисто. Финска, која има граница со Русија во должина од 1.340 километри, е членка на НАТО од почетокот на април.

Орпо: Криза во финската Влада побрзо отколку што очекував

Тале Кристо — Tue, 04 Jul 2023 06:43:42 +0000

Финскиот премиер, Петери Орпо, само две недели по формирањето на новата влада, изјави дека владата е во криза, но дека е способна да функционира. -Владината криза дојде побрзо отколку што очекував, изјави Орпо во интервју за весникот „Хелсингин саномат“. Тој имаше средба со претседателите на владејачките партии, а тема на разговорот, меѓудругото, беше и оставката на министерот за економија, Вилхелм Жунила, поради претходни изјави за нацизмот. -Тоа беше отворена и добра дискусија, а утре ќе ја продолжиме дискусијата во владата. Постои заедничка желба да ја реализираме нашата добра програма, рече Орпо. Тој посочи дека владата не прифаќа нацизам, националсоцијализам и други екстремистички движења. -Програмата на Владата се заснова на егалитарно општество, човекови права, почитување на меѓународните човекови права, владеење на правото, почитување на слободата на печатот и основните вредности на западното либерално општество. Работата на владата се заснова на овие вредности, а мојата работа е да се грижам за нив, рече финскиот премиер. Министерот за економија, по само 10 дена на функцијата, на 30 јуни поднесе оставка. Тој во соопштението наведе дека поради продолжување на работата на Владата и угледот на Финска, не може да продолжи да ја извршува министерската функција на задоволителен начин. Министерот беше принуден да поднесе оставка затоа што се шегуваше со нацистичкиот поздрав „Хајл Хитлер“ и затоа што беше говорник на настан организиран од неонацистички групи.

Претставена новата финска Влада

Катерина Бојаџиева — Mon, 19 Jun 2023 06:53:43 +0000

Финската конзервативна Национална коалиција (НКП), која победи на парламентарните избори во април, ги претстави клучните позиции во новата Влада, која ќе ја предводи партискиот лидер Петри Орпо. Според политичките аналитичари, тоа ќе биде најдесничарската влада од Втората светска војна. По разговорите што траеја повеќе од седум недели, НКП во петокот објави дека постигнала договор со три партии за формирање на владејачка коалиција, во која ќе биде вклучена и екстремната десница, евроскептичната антиимиграциска Финска партија. Новата Влада ќе има 19 министри, меѓу кои и актуелниот Петри Орпо, а Националната коалиција освои осум места, вклучувајќи ја и функцијата министер за надворешни работи. Нов министер за надворешни работи ќе биде заменик претседателката на партијата Елина Валтонен, која е и потпретседател на Комисијата за надворешни работи во финскиот Парламент. Според договорот, Партијата на Финците добива седум министерски позиции, вклучувајќи ги министерствата за финансии, за внатрешни работи и за правда. Останатите места во Владата ќе ги добијат малцинската Шведска народна партија и демохристијаните. Четирите партии ќе имаат мнозинство од 108 пратеници во Парламентот што брои 200 членови. Финскиот претседател Саули Нинисто се очекува да ги именува Орпо и неговата влада до среда, откако пратениците ќе изгласаат доверба на новиот мандатар.

Финска ќе протера девет руски дипломати заради шпионажа

Дарко Андоновски — Wed, 07 Jun 2023 07:00:40 +0000

Финските власти денеска соопштија дека ќе протераат девет руски дипломати од Хелсинки поради нивните „разузнавачки активности“. „Финска ќе протера девет лица од руската амбасада, кои работеле во разузнавачката служба“, се наведува во соопштението по средбата меѓу претседателот Саули Нииниста и министерскиот Комитет за надворешна и безбедносна политика. Во соопштението се додава дека одлуката за протерување е донесена врз основа на проценка на финската безбедносна разузнавачка служба. Односите меѓу двата соседа се влошија по почетокот на руската инвазија на Украина.

СЕ БОРЕЛ СО СТРАШЕН ПОРОК, А СЕГА ЦЕЛА ЕВРОПА ГО ДОЗНА – кој е Финецот на кого за влакно му побегна победата, а на сцената направи хаос

Дарко Андоновски — Mon, 15 May 2023 10:02:03 +0000

Во саботата во финалето на Евровизија победата ја однесе шведската претставничка Лорин и тоа по втор пат во изминатите 11 години. Меѓутоа, според гласовите на публиката убедлив фаворит беше Финецот Карја кој својата земја ја претстави со песната „Cha Cha Cha“.

View this post on Instagram

A post shared by Käärijä (@paidatonriehuja)

Иако тој доби 376 гласови од публиката, не успеа да победи на Евровизија, бидејќи стручното жири и даде предност на шведската претставничка, па откако се собраа поените таа по втор пат триумфираше на ова музичко шоу. Без разлика на крајниот резултат, на овој пејач му се предвидува блескава кариера, додека песната стана вирална низ целиот свет.

View this post on Instagram

A post shared by Käärijä (@paidatonriehuja)

Карја (Käärijä) чие правилно име е (Pöyhönen) има 29 години, а роден е во Хелсинки, а израснал во гратчето Вантау во близина на финската престолнина. Тој својата музика години наназад ја издавал сам, а првиот дискографски договор го потпишал во 2017 година. во јануари оваа година доживеал вистински успех откако победил на изборот за песна на Евровизија во својата родна земја.

View this post on Instagram

A post shared by Käärijä (@paidatonriehuja)

Во една своја прилика во пресрет на Евровизија тој објавил со сите пороци кои се соочувал во минатото. „Во првата моја песна која ја објавив во Финска пеам за коцкањето“, вели тој. Неговото уметничко име на Фински значи „профитер“, што многумина луѓе го поврзуваат директно со коцкањето кое му било голем порок.

View this post on Instagram

A post shared by Käärijä (@paidatonriehuja)

Во песната со која се бореше за победа на Евровизија се пее за „слободата“, „забавата“ и „оставањето на проблемите под тепих“.

View this post on Instagram

A post shared by Käärijä (@paidatonriehuja)

Финска гради ограда: „Видовме што се случи во Украина“

Ивана Ефремовски — Thu, 20 Apr 2023 06:43:07 +0000

Дојче веле - Бон До пред неколку години, Русите беа добредојдени гости во финскиот пограничен град Иматра. Денес таму расположението е сосема поинакво. По должината на границата со Русија се гради одбранбена инсталација во случај Москва да ги премести војниците на запад. Финска долго време беше цел на хибридните напади на Москва, но сега работите стануваат уште посериозни. „Знаевме дека за Русите црвената линија беше нашето членство во НАТО“, рече Јуха Мартелиус, кој е заменик генерален директор за одбранбена политика во финското Министерство за одбрана. Тој додава дека сега се чека реакцијата на Москва откако пред седиштето на НАТО во Брисел се завиори сино-белото финско знаме. Никој не верува дека новата ограда од 200 километри што Финска ја гради долж границата може да ја одврати воената инвазија на Русија. Ова не е целта на финската влада, која одлучи да ги зголеми своите капацитети за следење на оваа рута. „Видовме што се случи со Украина“ Во последниве години, сите земји од ЕУ и НАТО кои граничат со Русија или Белорусија беа подложени на силен миграциски притисок директно организиран од Москва. Летонија, Литванија и Полска доживеаја најголема ваква криза во 2021 година, а истото се случи во 2015-2016 година долж финската граница во Лапонија. Војната во Украина не беше директна причина, но дефинитивно даде поттик на одлуката за оградата. „Видовме што направи Русија во Украина, по почетокот на оваа војна се е можно“, вели Мартелиус. Според него, луѓето во Финска дошле до заклучок дека односите со Русите во моментов се на нула. „Не е важно каков ќе биде крајниот резултат во Украина: во иднина ќе имаме сосема поинакви односи со Русија“, вели тој. Градот Иматра е најблиската населба до почетокот на оградата. Градоначалникот Матијас Хилден признава дека луѓето не се ентузијасти за проектот, но мора да го трпат. Малку е тажно што ни треба ограда“, изјави градоначалникот за ДВ. Едно време Русите беа добредојдени Тој објаснува дека до пред десет години никој не бил изненаден кога слушал руски јазик во продавниците или спа-центрите, а автомобилите со руски регистарски таблички биле вообичаена глетка на улиците на градот, кој е на само 7 километри од границата. „Во тоа време, секој втор продаден имот одеше кај руски купувач, а краткорочните руски туристи носеа сигурен приход во продавниците. Градоначалникот објаснува дека поради мерките против пандемијата, некои од овие продавници биле принудени да затворат, а забраната за влез на руски туристи по почетокот на војната против Украина го уништила бизнисот на повеќе трговци. Да се слушне руски говор во градот денес - ова сигурно ќе предизвика моментален напад на сомнеж. И никој не се надева дека ќе се вратат пријателските односи, вели градоначалникот. „Добро е да се подготвиме дури и за можните опасности што не очекуваат во иднина“, додава тој. Вилијам Денисиук долго време живее во Иматра и за ДВ изјави дека другите сограѓани имаат уште пострашни претчувства, па дури и за можна руска воена инвазија. „Луѓето се нервозни“, вели Вилијам, зборувајќи за своите пријатели кои никогаш не се грижеле за својата иднина овде, но сега одеднаш размислуваат дали да инвестираат во имот што може да заврши во странски раце за една година. И тој потсетува што се случи во Донбас, чиј голем дел Русија го окупира под изговор дека ги штити правата на големото рускојазично население таму. „Мора да бидеме подготвени“ Руска инвазија - ова изгледа како неверојатно сценарио за Финска во моментов, но дури и Јуха Мартелиус од Министерството за одбрана изгледа загрижен. Пред војната, вели тој, „знаевме дека Русија е подготвена да употреби воена сила како последно средство. Сега знаеме дека Русија е подготвена да употреби воена сила не само како последно средство“. За изградба на оградата мора да се исече малку од шумата. Луѓето долж границата работат под надзор на полковникот Мика Ритконен, командант на финската гранична стража. Според него, во моментов нема знаци дека Русија планира каков било вид напад врз Финска - или барем не „во многу, многу блиска иднина“, како што вели полковникот. Во исто време, тој останува внимателен: „Но, дали некој знае што ќе направи Русија во иднина? Јас лично не знам. Мора да бидеме подготвени“. (МИА)

Финска е првата земја која прави „гробишта“ за нуклеарен отпад

Ристе Здравков — Thu, 13 Apr 2023 20:23:00 +0000

Светот ќе ја добие првата земја што ќе го одлага отпадот во карпите на длабочина од 455 метри. Финскиот национален медиум Yle објави сторија за комплексот длабок 455 метри каде што моментално се дупчат првите дупки за депонирање на отпад и се планира да се пополнат за неколку години.