фиорентина – Kurir.mk

Лука Јовиќ официјално фудбалер на Фиорентина

Бошко Тасиќ — Sat, 09 Jul 2022 05:28:02 +0000

Србскиот фудбалер Лука Јовиќ кого Реал Мадрид го плати 60 милиони евра официјално од вечерва е член на италијанска Фиорентина. Јовиќ дојде во Фиренца како слободен фудбалер и потпиша перманентен договор со „виола“, а е поранешен фудбалер на Црвена Звезда, Бенфика и Ајнтрахт Франкфурт. Доаѓа за да ја пополни дупката во нападот која се создаде со заминувањето зимоска на неговиот сонародник Душан Влаховиќ во Јувентус.

Реал без отштета го „подари“ Лука Јовиќ на Фиорентина

Ристе Здравков — Tue, 05 Jul 2022 08:43:11 +0000

Српскиот интернационалец Лука Јовиќ го напушта Реал Мадрид и се сели во Серија A каде ќе го носи дресот на Фиорентина. Интересни е дека „кралевите“ нема да бараат отштета само за да се ослободат од неговата плата и комплетно да го продадат. Првата сезона, Реал Мадрид ќе има обврска да плаќа половина од неговата годишна плата, но потоа тој комплетно ќе биде член на Фиорентина. Лука Јовиќ е едно од најголемите трансферни промашувања во историјата на Реал Мадрид. Дојде пред три години од Ајнтрахт Франкфурт за 65 милиони евра. За споредба, Реал Мадрид плати 18 милиони евра повеќе обештетување за Јовиќ отколку за Винисиус Жуниор, кој дојде во клубот една сезона порано. Сепак, Србинот за две и пол години во Реал имаше мизерен ефект од три постигнати гола и пет асистенции на 51 натпревар.

Јовиќ блиску до позајмица во Фиорентина

Бошко Тасиќ — Sat, 18 Jun 2022 06:19:16 +0000

Фудбалерот на Реал Мадрид, Лука Јовиќ е блиску до преминување во Фиорентина на позајмица, објави „Марка“. Според шпанскиот спортски весник, преговорите меѓу двата клуба се во напредна фаза. Договорот се уште не е постигнат, но двете страни се оптимисти за позитивен исход. Јовиќ му се приклучи на Реал Мадрид од Ајнтрахт Франкфурт во 2019 година. Минатата сезона српскиот напаѓач настапи на 19 натпревари, постигна еден гол и забележа три асистенции. Договорот на Јовиќ со мадридскиот клуб е до 30 јуни 2025 година. Фиорентина сака Реал Мадрид да учествува во дел од платата на 24-годишниот српски интернационалец. Порталот „Трансфермаркт“ ја проценува вредноста на играчот на 16 милиони евра.

ВИДЕО: Артур ја „меркаше“ атрактивната презентерка на Фиорентина и стана хит на социјалните мрежи

Дарко Андоновски — Fri, 18 Feb 2022 15:10:24 +0000

Артур Кабрал потпиша за Фиорентина на крајот од зимскиот преоден рок и за 15 милиони евра беше доведен од Базел како директна замена за Душан Влаховиќ, а иако минаа речиси две седмици од неговата промоција на „Артемио Франки“, едно видео сега посебно се актуелизираше во изминатите 24 часа. Бразилецот кој има 23 години доби сериозна шанса да се докажа на највисока сцена во Серија А, но во ситуација кога се уште не го постигна својот премиерен гол за дресот на Фиорентина, вистински хит стана реакцијата на атрактивната презентерка. Росела Петрилјо веќе подолго време е заштитно лице на официјлната клупска телевизија на Фиорентина и таа е дел од секоја прес-конференција, а сега со својата убавина, успеа да го импресионира Бразилецот. На видеото убаво се гледа дека Кабрал во еден момент подзина додека ја гледаше атрактивната Росела, а неговата реакција наиде на доста различни коментари во јавноста во Италија.

Fiorentina forward Arthur Cabral and Rossella Petrillo 😀pic.twitter.com/V7wnZlIFS4
— Hrach Khachatryan (@hrachoff) February 17, 2022

Душан Влаховиќ со големи шанси да сруши рекорд во Серија А

Бошко Тасиќ — Sat, 11 Dec 2021 20:41:34 +0000

Душан Влаховиќ со денешните два гола против Салернитана стана само третиот играч во последните 60 години во Серија А што постигнал барем 30 голови во една календарска година.

Србинот сега има вкупно 32 гола, два повеќе од Лука Тони, кој до оваа бројка дојде во 2005 година, а сега му недостига само еден погодок да го израмни рекордот на Кристијано Роналдо од 2020 година. До крајот на оваа година Фиорентина ќе одигра уште два натпревари во калчото против Сасуоло и Верона, па Влаховиќ може да го урне рекордот на Роналдо и да постави нов.

Алваро Одриозола позајмен во Фиорентина

Бошко Тасиќ — Sat, 28 Aug 2021 06:52:19 +0000

Десниот бек на шпанскиот фудбалски гигант Реал Мадрид, Алваро Одриозола, пристигна во Фиренца, на финализирање на неговата позајмица во Фиорентина. Одриозола беше трета опција кај Карло Анчелоти на позицијата десен бек после Даниел Карвахал и Лукас Васкес, па поради тоа овој играч замина кај Виолетовите и ќе биде дел од Серија А, со можност да се врати во Реал во периодот кој следи. „Здраво на сите. Задоволен сум што дојдов тука, напред Фиорентина! Ќе се видиме наскоро“ – рече 25-годишниот Одриозола кој утре треба да ги мине лекарските тестови и да потпише договор за позајмица до јуни 2022.

Фиорентина со ултиматум до Миленковиќ

Ристе Здравков — Fri, 23 Jul 2021 08:10:04 +0000

Италијанскиот калчолигаш, Фиорентина е во преговори со Никола Миленковиќ за нов договор. Ако дефанзивецот не ја прифати последната понуда, ќе биде продаден. За Миленковиќ има интерес од повеќе тимови од Европа. Фиорентина за Миленковиќ бара 30 милиони евра, сума која не би требало да биде проблем за клубовите да ја платат ако дефанзивецот не го продолжи договорот со „Виолетовите“.

Рибери: Очекував поголема почит од Фиорентина

Ивона Петрова — Sat, 10 Jul 2021 14:54:36 +0000

Играчот за врска Франк Рибери го прокоментира заминувањето од Фиорентина поради истекот на неговиот договор. – Поминав две прекрасни години во Фиренца. Жал ми е што заминав, сакав да останам тука уште една сезона. Го дадов максимумот на натпреварите за Фиорентина, но никој не разговараше за новиот договор со мене. Очекував повеќе респект од раководството на клубот од Фиренца, изјави 38-годишниот Рибери за „Фудбал Италија“. Минатата сезона Французинот одигра 30 натпревари, на кои постигна два гола и направи шест асистенции.

Рибери ќе ја напушти Фиорентина како слободен агент

Ивона Петрова — Wed, 30 Jun 2021 12:36:04 +0000

Фудбалерот за врска на Фиорентина, Франк Рибери ќе го напушти клубот, објави новинарот Николо Шира. Според добриот познавач на италијанскиот фудбал, клубот од Фиренца одлучил да не го продолжи договорот со 38-годишниот Французин. Виолетовите му го понудија играч на Лацио, но римскиот клуб не е заинтересиран за фудбалерот со богата кариера. Минатата сезона Рибери одигра 30 натпревари, на кои постигна два гола и направи шест асистенции.

Џенаро Гатузо ја презеде Фиорентина

Бошко Тасиќ — Tue, 25 May 2021 17:40:59 +0000

По само два дена откако преку објава на Твитер дозна дека не е повеќе тренер на Наполи, Џенаро Гатузо си најде нов ангажман и во следната сезона ќе ја води Фиорентина Фиорентина одигра сезона за заборав во Серија А, бидејќи желбата за излез во Европа не само што не се оствари, туку тимот до последно трепереше за својот опстанок во елитата, па затоа неизбежна беше „свежа крв“ на клупата. Поранешниот играч на Перуџа, Ренџерс, Салернитана, Милан и Сион во својата тренерска кариера ги водеше Сион, Палермо, Пиза, ОФИ, Милан и Наполи. Како играч има освоено бројни трофеи, претежно во дресот на Милан, а како тренер штотуку го освои Купот на Италија со Наполи.