Град Скопје: Во тек е присилна наплата на данокот на имот за 2019 година

Ивона Петрова — Mon, 05 Oct 2020 10:35:12 +0000

Град Скопје ги потсетува сите граѓани дека во согласност со одредбите за присилна наплата од Законот за даноците на имот (Сл.весник на РМ број 61/2004....23/2016 ), во тек е постапката за присилна наплата на неплатените обврски по основ на годишниот данок на имот и комунална такса за фирмарина за 2019 година. Сите даночни и таксени обврзници кои по горенаведените основи имаат заостанати и неплатени долгови, требa да ги подмират своите обврски. -Воедно, Ве информираме дека секое физичко или правно лице има достапен увид во неговата финансиската картица, увид во изготвените решенија по кои е задолжен и истите може да ги печати следејќи ја следната патека https://danoci.skopje.gov.mk/gskopje/root/public/login.xhtml. Потсетуваме дека во тековната година во месец март Град Скопје испрати опомени за неплатен данок на имот и комунална такса за фирмарина до сите правни и физички лица кои вршат дејност на територија на Град Скопје. Од причина што рокот во кој требаше да се изврши наплатата по доставената опомена е поминат, Град Скопје е во постапка на изготвување решенија за присилна наплата кои ќе бидат доставени до даночните, односно таксените обврзници, соопштуваат од Град Скопје. Доколку даночните и таксените обврзници не постапат по ваквото решение се изготвува решение за блокада на сметките на обврзниците по банки.

Почна дистрибуцијата на решенија за комунална такса и фирмарина во Куманово

Дарко Андоновски — Sat, 19 May 2018 07:55:10 +0000

Општина Куманово почна со дистрибуција на решенија за комунална такса и за фирмарина. Од Секторот за администрирање на приходи, стратешко планирање и локален економски развој во општината информираат дека на подрачјето на општината евидентирани се 3.972 субјекти кои треба да ја платат обврската за истакнување фирма на годишно ниво - 6.000 денари и 2.000 денари за секоја деловна единица. - Одделението за администрирање на приходи работи и на ажурирање на базата на податоци преку информации од Централниот регистар за новорегистрираните фирми како и одјава на фирми кои веќе не постојат. Исто така, странките и сами реагираат доколку некоја фирма има промена во регистарот по кој било основ, изјави помошник раководителот на секторот Андријана Недељковски. Почната е и дистрибуцијата на решенијата за наплата на данок на имот за правни лица за 2018 година. Решенијата ќе го доставуваат доставувачи од општината, а уплатата може да се врши директно во банките со приложување на решението. - Ги повикуваме сите физички и правни лица на територија на Општина Куманово, сите промени во дел на имотна сотојба на недвижности да го пријават во архивата на Општина Куманово, со имотен лист и соодветна даночна пријава, рече Недељковски. (МИА)

фирмарина – Kurir.mk

Град Скопје: Во тек е присилна наплата на данокот на имот за 2019 година

Почна дистрибуцијата на решенија за комунална такса и фирмарина во Куманово