фирмино – Kurir.mk

Клоп: Изненаден сум од одлуката на Фирмино

Бошко Тасиќ — Sat, 11 Mar 2023 05:09:28 +0000

Роберто Фирмино долги години беше симбол за нападот на Ливерпул и ја игра осмата сезона на „Енфилд Роуд“, но истата ќе биде последна за фантастичниот бразилски фудбалер. Популарниот Боби реши да не го продолжува договорот со Ливерпул и да си замине како слободен агент претстојново лето, одлука која донесе доста реакциите интерно во тимот, пред се поради тоа што соиграчите навистина имаат неизмерна почит кон напаѓачот. Новите засилувања во нападот беа мала најава дека ќе мора да си замине некој од поискусните, а тоа на крајот е Фирмино кој на 31 година ќе бара нов предизвик во кариерата. – Точно е, Фирмино лично ми кажа дека ќе си оди. Изненаден сум, но не сум повреден од изненадувањето. Ова е нормална работа во фудбалот. Можеше да заврши на два начини, а заврши на овој. Го почитувам неговото мислење.Во вакви долги врски како со Боби секогаш е специјално, многу ми се допадна како беше поздравен против Јунајтед кога влезе во игра. Ми кажа само едно, ми порача дека сака да ја заврши оваа приказна со позитивен крај. Тој е тука до крајот, максимално посветен и тоа е она што е најважно. Ќе има време за збогување, ќе дојде тој момент подоцна во сезоната. Тој добро знае, кога и да се врати во клубот, неговата песна се уште ќе се пее на трибините. Боби е еден од оние играчи кои дури и да дојде со противнички дрес, ќе донесе насмевки меѓу луѓето на Ливерпул, – изјави Клоп.

Ливерпул го одби Јувентус за Фирмино

Бошко Тасиќ — Sun, 24 Jul 2022 18:37:16 +0000

Англискиот Ливерпул ја одби понудата на Јувентус за бразилскиот интернационалец Роберто Фирмино. „Бјанконерите“ понудија 23 милиони евра, но Ливерпул нема желба да се раздели со Бразилецот ова лето, иако договорот му истекува по една година Јувентус планира да ја зголеми понудата за напаѓачот, а доколку Фирмино изрази желба да си замине тогаш Ливерпул нема да му пречи. Бразилецот минатата сезона имаше мала улога на „Енфилд“. Го мачеа повреди, а имаше и голема конкуренција во Мохамед Салах, Садио Мане, Диого Жота и Луис Дијаз.

Фирмино ќе остане на „Енфилд“

Бошко Тасиќ — Sun, 24 Apr 2022 06:34:22 +0000

Бразилскиот напаѓач Фирмино моментално води преговори со премиерлигашот околу нов договор. Последните информации од Англија велат дека и покрај големата конкуренција, офанзивецот планира да остане на „Енфилд“. 30-годишникот ги брани боите на премиерлигашот во изминатите седум години. Во 2015 година се раздели со Хофенхајм, за да потпише со еден од најголемите англиски клубови. Фирмино одигра 320 натпревари за Ливерпул, постигна 98 гола и додаде 73 асистенции.