фискална сметка – Kurir.mk

ФОТО: Во Италија, ресторан наплатил две евра за празна чинија

Дарко Андоновски — Fri, 11 Aug 2023 11:22:33 +0000

Во италијански ресторан на гости им наплатиле дополнителни две евра за празна чинија. Имено, извесна Селваџија Лукарели побарала сад повеќе за нејзината ќерка да ги проба тестенините, а на сметката се појавила и таа чинија. Откако посетителката ја објави сметката на својот интернет-простор, и регионалниот гувернер Џовани Тоти јавно го осуди овој потег на ресторанот. По лавината интернет-коментари, се огласи и Ида Германо, сопственичка на угостителскиот објект „Остерија дел Каволо“ што се наоѓа на брегот на Џеновскиот Залив. - Трошоците се оправдани бидејќи тоа е повеќе работа за нас... Оти повеќе чинии за нас значат повеќе садови за миење, рече таа. Инаку, само неколку дена претходно друг турист во Италија објави дека и сечењето сендвич во ресторан на езерото Комо му било наплатено. И тука сопственичката на ресторанот се правдала дека „дополнителните барања имаат своја цена“, пренесува „Ла република“.

ВИДЕО: „Цените не се намалени“ – новинар му даде леб и фискална сметка на Ковачевски

Ивона Петрова — Tue, 13 Dec 2022 12:10:55 +0000

Новинар на денешната прес-конференција во Владата му даде леб и фискална сметка на премиерот Димитар Ковачевски. Новинарот кажа дека лебот го купил 10 минути пред да почне прес-конференцијата и му посочи на премиерот дека и покрај владините најави за намалување за цените на основните прехранбени производи, тоа не е сликата на терен. Ковачевски го зема лебот од новинарот, како и фискалната сметка за да се увери во цената, и му одговори дека и тој истото прашање го поставувал.

Револтиран граѓанин до министерот Сугарески: „Ти ја испраќам сметката да си ја скенираш, ако ова не е причина за оставка те молам кажи ми што е? “

Дарко Андоновски — Thu, 26 Dec 2019 09:34:04 +0000

Јавноста се повеќе е разочарана од луѓето кои ја предводат власта во Република Македонија. Доказ за тоа е нивната неспособност која ја покриваат со матни бизниси кои се одобрени од премиерот Зоран Заев. Еден таков бизнис има и министерот за транспорт и врски Горан Сугаревски кој граѓани го обвинуваат дека прикрива и не плаќа данок на државата. Имено на еден пост на неговиот Фејсбук профил еден граѓанин го повикува министерот да си даде оставка од морални причини. -Министер Сугаревски, поднеси си оставка од морални причини бидејќи: 1. Прикриваш и не плаќаш данок на државата. На истата таа држава од која земаш плата за работата министер. Буџетот се полни од даночните обврзници, а ти како даночен обврзник со твојот приватен бизнис прикриваш данок и со тоа го оштетуваш буџетот. Значи правиш противзаконски дејствија (криминал). Јас бев гостив во твојот ресторан „Порта Прилеп“. На крајот келнерот наместо фискална сметка донесе паргон сметка искуцана на компјутер. Кога замолив да ми донесе фискална ми рече дека не смее да куца фискални сметки. Во прилог ти ја испраќам сметката да си ја скенираш. Ако ова не е причина за оставка те молам кажи ми што е?, стои во постот на револтираниот гостин во ресторанот.

ФОТО: Министерке, како да ја скенираме оваа сметка за „МОЈ ДДВ“?

Катерина Бојаџиева — Tue, 19 Nov 2019 14:32:31 +0000

Читател на Маркукуле испратил фотографија од фискална сметка од ресторан за која вели дека никако не може да ја скенира и да си врати ДДВ. Читателот не кажува во кој ресторан е направена фотографијата од така наречената фискална сметка, но упатува повик до министерката за финансии, доколку сакаат проектот да биде успешен и граѓаните да имаат бенефит од истиот, да ги зголемат контролите и да проверат какви се сметки се издаваат. Инаку анкетата на емисијата „Детектор” покажa дека 64,7%, што е речиси две третини од анкетираните, воопшто не скенираат фискални сметки, додека 34,2% го прават тоа. Извор: Маркукуле.мк

СКАНДАЛОЗНО: Платете доколку сакате да поминете низ Прилеп за време на „Пиво Фест“

Дарко Андоновски — Fri, 19 Jul 2019 17:43:49 +0000

Почетокот на овогодинешната манифестација „Пиво Фест 2019” кој се одржува во Прилеп започна со скандал, пренесува порталот Аутоклуб. Имено на влезовите во градот како и транзитните точки поставени се бариери на кои се наплаќа доколку сакате да влезете, но и поминете во Прилеп со цел да стигнете до вашата дестинација која не е Прилеп. Нивни читател ги контактираше со цел да го искаже својот револт и незадоволство. Како што им пренесе, тој за да стигне до својата крајна дестинација, Македонски Брод морал да плати за да помине. „Им објаснив дека мојата крајна дестинација не е Прилеп и дека не планирам да се задржам во градот. На ова лицата кои беа поставени на бариерите со мала доза на ароганција кажаа дека така им било наредено без да прецизираат кого. Јас повторно им објаснив дека патувам во Македонски Брод и ги прашав од каде треба да одам за да не платам, но тие повторно арогантно одговорија дека мора да платам за да поминам и дека нема друг начин” кажа нашиот револтиран читател. „Не ми значеа ништо 60те денари во споредба со нивното дрско однесување. На целата оваа ситуација јас им одговорив дека не ми се допаѓа, на што добив одговор дека и на нив не им се допаѓаат скопјаните” додаде нивниот читател.

ПРЕДУПРЕДУВАЊЕ: Чувајте ја фискалната сметка 6 месеци- еве зошто

Катерина Бојаџиева — Mon, 26 Feb 2018 09:55:39 +0000

Кога ќе купите облека или обувки, чувајте ја фискалната сметка шест месеци, зашто таа е како гарантен лист за нив, советува Организацијата на потрошувачи на Македонија откако голем број граѓани се желеле од инаетот на трговците кои одбиваат да ги заменат или да ги вратат парите за овие производи во ситуации кога се купени со тешко видлива грешка или се оштетени по малку носење. Од ОПМ информираат дека лани имале голем број јавувања од граѓани кои се пожалиле дека во продавница отишле да им заменат оштетени чевли или облека, со образложение дека се отпакувани или се познава дека се носени. – Чувајте ги фискалните сметки од овие производи. Иако не е издаден гарантен лист како кај техничките производи, согласно законот тие имаат шест месеци гаранција со самата фискална сметка, информираат од ОПМ и се повикуваат на членот 50 од Законот за заштита на потрошувачите, кој предвидува враќање на производот и замена со друг, односно за враќање на парите. Сепак, најголем кошмар на македонските потрошувачи и понатаму останува купувањето техничка стока со фабричка грешка. Иако постои јасна регулатива за тоа што треба да направи трговецот кога ќе добие рекламација за фаличен апарат, купувачите, сепак, поминуваат низ вистинска голгота додека да добијат исправен производ. Како претходните години, така и сега, во ОПМ граѓаните најмногу се жалеле токму на тоа што трговците не им ги заменувале техничките производи купени со недостатоци и на тоа што им продавале неквалитетни производи, кои веднаш пројаваат недостаток. „Најголем број од овие проблеми се однесуваат на сервисирањето на технички производи. Предничат проблемите со мобилните телефони, за кои има највеќе поплаки во однос на сите други, согласно статистиката. Пред се се работи за континуирани сервисирања на еден ист производ и повеќе од три пати за кој потрошувачите тврдат дека има фабричка грешка, односно дека не може да се поправи поради тоа што недостатокот континуирано се појавува, или за случаи кога мобилниот телефон кој го добил потрошувачот се расипал во првите неколку часа од употребата. Потрошувачите велеа дека одбиваат апаратот да се сервисира и бараат нов производ од трговецот, но не можат да добијат“, се наведува во Извештајот на ОПМ за 2017 година. Незадоволен потрошувач за “Вечер” раскажува дека морал да помине многу непријатно патешествие, за конечно да добие мобилен телефон што функционира, откако тој што го купил, покажал мани уште во продажниот салон. – Во салон на мобилен оператор купив мобилен телефон. Го платив, ја земав сметката, го вклучив и додека одев кон излезот го разгледував, а тој уште пред да дојдам до вратата, се блокира. Се вратив кај продавачот на пултот, му го покажав апаратот, но тој не сакаше ни да чуе да ми го замени. Ме упати кај овластениот сервисер кој се наоѓа на другиот крај на градот, зашто наводно телефонот сум го добил проверен, исправен, а бидејќи се уште е под гаранција, мора да оди на сервис, вели потрошувачот. Тој додава дека истиот апарат го носел на сервисирање неколку пати во гарантниот период, па функционален мобилен добил дури неколку месеци откако го купил. По толку поправки, нашиот соговорник се сомнева дека платил нов, а добил стар, репрариран мобилен телефон. Од ОПМ посочуваат дека освен за ова, граѓаните често им се јавуваат за да се пожалат дека купиле механички оштетен апарат за домаќинство, кој продавачот не сакал да им го замени. Затоа, им советувааат на граѓаните да не потпишуваат дека го примиле се додека не го отпакуваат и не видат дека е во ред. – Меѓу другото, со тој потпис потврдуваат дека производот е добиен во исправна состојба без оштетувања. Ова се случува поради неповолната положба во која е ставен потрошувачот. Во брзање тој не проверува дали навистина производот е исправен и неоштетен, па потпишува верувајќи му на трговецот, односно на доставувачот. Најголем дел од случаите се однесуваат на големи производи од бела техника или други технички производи како на пример телевизори, машини за перење и друго, информираат од ОПМ. Во текот на минатата година имало и доста поплаки за неквалитетно изработен мебел, но и за негова неиспорака во договорениот рок. Од Организацијата на потрошувачи ги информираат граѓаните дека според нашата регулатива, ако мебелот не се испорача во договорениот рок, договорот се раскинува по сила на закон. Во ОПМ примаат и голем број поплаки и за услугите. Потрошувачите најмногу се жалат на туристичките патувања, но измами во тој дел има помалку од порано, а не стивнуваат јавувањата за сметките што ги добиваат од мобилните оператори, а од лани има поплаки и за проблеми со мрежното покривање, нефункционирање на СИМ картичката, проблеми при менување на тарифата и друго. – Паушални сметки и наплатување на заостанати долгови беа најчестите проблеми со испораката на електрична и топлинска енергија. Нередовното читање на мерните апарати придонесе за голем број на паушални сметки кои според тврдењата на потрошувачите се многу поголеми од просечната потрошувачка на тоа семејство, велат од ОПМ и додаваат дека не изостануваат и вообичени поплаки во врска со купена храна, функционирање на куќните совети, користење на банкарските услуги. Инаку, во текот на 2017 година, Организацијата на потрошувачите на Македонија направила вкупно 1.816 советувања на потрошувачи, од кои најголемиот број телефонски.