физичка активност – Kurir.mk

Вежбањето и физичката активност го зајакнуваат телото и во поодмината возраст

Ивона Петрова — Thu, 25 Nov 2021 12:04:59 +0000

Ново истражување од Харвард покажува дека физичката активност е „во човечката ДНК“, но и дека вежбањето е директно поврзано со подолг животен век. Според истражувачите, физичката активност, подоцна во животот, може да придонесе за побавно ослабување на телото. Трудот посочува дека физичката активност подоцна во животот ја пренесува енергијата од процесите кои може да го загрозат здравјето на механизмите кои го подобруваат телото. Истражувачкиот тим ги вклучува еволуцискиот биолог Даниел Е. Либерман, главен автор на студијата, Арон Багиш и Ај-Мин Ли од Медицинскиот факултет при Харвард. Тие претпоставуваат дека луѓето еволуирале за да останат физички активни и при стареењето. Ова штити од хронични болести како што се кардиоваскуларните, дијабетес тип 2, па дури и некои видови на рак. – Во западните општества е распространето сознанието дека како што старееме, нормално е телото да се забави, да се работи помалку и – да се пензионираме… Нашата порака е спротивна – како што старееме, станува уште поважно да останеме физички активни, рече проф. Либерман, главен автор на студијата. Трудот покажува дека, покрај согорувањето калории, физичката активност претставува физиолошки стрес, предизвикувајќи всушност оштетувања во телото. Одговорот на телото на ова „оштетување“, сепак, е зајакнувањето. Тоа вклучува поправка на пукнатите мускулни влакна, на ‘рскавицата и заздравување на микрофрактурите. Реакцијата по вежбањето, исто така, предизвикува ослободување антиоксиданси и антиинфламаторни супстанции и го подобрува крвотокот. Во отсуство на физичка активност, овие одговори се помалку активирани. – Клучната цел е дека сме еволуирале за да бидеме активни цел живот, па на нашите тела им е потребна физичка активност за добро да стареат. Порано секојдневната физичка активност беше неопходна за да се преживее, но денес мора да избереме да вежбаме – доброволна физичка активност поради здравјето и кондицијата, изјави Либерман. Се покажа дека процесите на поправка на клетките и ДНК ја намалуваат опасноста од дијабетес, дебелина, рак, остеопороза, Алцхајмерова болест и депресија.

Овие 3 навики ве спречуваат да ги намалите килограмите

Ивана Ефремовски — Thu, 22 Jul 2021 11:59:33 +0000

На интернет можете да најдете милион содржини за тоа како можете да ги намалите килограмите. Штом ги прочитате тие совети, често мислите дека губењето на килограмите не е толку тежок предизвик. Но, често се лажете. Ова се три навики кои ви се непријатели во борбата против килограмите: Пиете кафе на почеток на денот Освен ако не се будите многу рано пиејќи вода во текот на ноќта, голема е веројатноста дека наутро ќе се чувствувате дехидрирани. Тоа не само што предизвикува стрес во вашето тело, туку и ви ја одзема енергијата и го зголемува вашиот апетит, што не е добра вест доколку сакате да ослабете. Затоа, пред да направите утринско кафе или пак чај, испијте 2 чаши вода. Не се занимавате со физичка активност Во просек седиме околу 67 часа во текот на неделата. Благодарение на новиот бран на технологии и нови работни места, денес губиме 100 калории помалку отколку пред 50 години. Но, тоа не значи дека треба да дадете отказ за да ослабете. Дури и кога внимавате што јадете, физичката активност е неопходна за намалувањето на килограмите. Слушате бавна музика Ниту една физичка активност не е иста без музиката. Но, доколку сте љубители на побавни жанрови музика, вашата плејлиста може да биде многу помалку ефективна отколку песните и музиката со бавен ритам. Според многу истражувања, музиката која е брза и содржи мотивациски изрази може да ве натера да се движите побрзо и потсвесно ве мотивира да станете од столче.

Физичката активност ги подобрува мозочните способности

Ивана Ефремовски — Tue, 16 Jun 2020 13:07:21 +0000

Повеќе од десет години научниците, психолозите, собираат докази за благотворното делување на физичката активност на менталните способности, а истражувањата јасно ја покажуваа поврзаноста и врската меѓу нив. Во изминативе неколку месеци научниците откриле дека физичката активност го спречува физичкото пропаѓање на мозокот и ја подобрува когнитивната флексибилност, а ги зајакнува и менталните способности. Научниците кажале дека исто како и сите други мускули и органи, така и функцијата на мозокот со тек на време опаѓа, а се чини дека физичката активност го забавува тој процес.