физички напади – Kurir.mk

Претепани две скопјанки- една од поранешниот, другата од сегашниот сопруг

Катерина Бојаџиева — Wed, 20 Sep 2023 16:25:21 +0000

Денеска (20.09.2023) во 00.30 часот во СВР Скопје, 36-годишна жена од Скопје пријавила дека на 19.09.2023 околу 20.30 часот на подрачјето на Бит-пазар била физички нападната од нејзиниот поранешен сопруг С.А.(38) од Скопје. На 19.09.2023 во 20.20 часот во СВР Скопје, 35-годишна жена пријавила дека во домот во Скопско била физички нападната од нејзиниот сопруг Ф.А., кој ѝ се заканил и со остар предмет. Се преземаат мерки за расчистување на двата случаи.

Физички пресметки во повеќе градови- „летале“ тупаници

Катерина Бојаџиева — Sun, 07 Feb 2021 22:02:53 +0000

Нетрпеливоста меѓу луѓето или стресниот период кој произлезе од коронавирусот, го зголеми бројот на физички пресметки. Мажи вчера се тепале пред коперација, пред зграда или дома, но и на улица, жена пак во Гостивар физички нападнала две девојки. Билтенот на МВР за вчера бележи зголемен број на физички пресметки во Крива Паланка каде браќа со тупаници решавале проблеми, а во село Русиново пред продавница двајца делчевци со тројца помлади од нив беровци си ги „одмериле силите“ со тупаници. Во Чаир пак, според полицијата, пред зграда, дваесет и двегодишно момче било нападнато со остар предмет, а на паркинг во Аеродром пред кафеана имало тепачка меѓу еден средовечен маж со двајца помлади. Саботните тепачки не го заобиколија ниту Прилеп каде маж пријавил дека во близина на аптека ем го натепале, ем го ограбиле. Мажи вчера се тепале и во Битола и Врапчиште, а жени во Гостивар, но вчерашниот ден е заокружен со вооружена престрелка на Бит Пазар каде е повреден 48-годишен маж во кого пукале негови познаници.

Целосната власт, целосно ги поремети: Физички напади, закани и криминал на функционерите на СДСМ

Катерина Бојаџиева — Wed, 25 Sep 2019 09:37:40 +0000

Функционерите од власта се повеќе се однесуваат како шерифи, ги тероризираат граѓаните и рекетираат и се закануваат на приватни фирми. Во текот на вчерашниот ден пратеник на СДСМ претепал гостиварченец и го искршил неговиот автомобил. Имено, медиумите во текот на вчерашниот ден известија дека пратеникот на СДСМ, од Гостивар Благојче Трпески, нападнал жител на Гостивар, го тепал и му го искршил неговиот автомобил, додека тој бил со своето малолетно дете. На 14 септември во локал во Прилел, Илија Локвенец, синот на пратеникот Хари Локвенец извршил сексуален напад и физичко насилство, иако сексуалниот напад и насилството се пријавени во полиција, против Локвенец се уште не е поднесена кривична пријава. Откако ја нападнал девојката, синот на пратеникот Хари Локвенец го тепал и нејзиниот другар кој сакал да ја одбрани. Сопственкот на локалот, го предупредил да не го пријавуваат случајот во полиција. Јавноста беше потресена и кога градоначалникот на Шуто Оризари од редовите на СДСМ и поранешен пратеник од таа партија во својот кабинет затвори и малтретираше човек, за што излегоа и аудио снимки. Шерифлукот на локалните моќници на СДСМ го гледаме и на истокот од државата, каде градоначалникот на Делчево се заканува и тероризира фирми и приватни бизниси. Локалните шерифи по примерот на нивниот лидер Зоран Заев се закануваат и заплашуваат луѓе и со приватни разговори. Случајот со градоначалникот на Демир Хисар, Марјанчо Стојановски, кој пред училница полна со деца и родители им се заканува на родителите дека тој како поранешен полициски инспектор има разговори од нив. -Заборавате дека во МВР работев, заборавате дека ви слушам сите телефонски јавувања. Одење од куќи и така натаму, им велеше разбеснатиот Стојановски на вработените во училиштето. Челниците на власта понесени од моќта тероризаат и малтретираат и функционери на опозицијата. Пред неколку месеци, пратеникот на опозициската ВМРО-ДПМНЕ, Горан Манојловски, иако ужива пратенички имунитет беше запрен и претресуван од полицијата на автопатот Тетово- Скопје. Врв на целата аздисаност е сепак најновата афера „Рекет“ при што јавноста виде како бизнисмени со месеци биле рекетирани, а разврска на случајот нема.

Што се случува во Скопје? „Врие“ од кражби и физички напади на јавни места

Катерина Бојаџиева — Thu, 08 Aug 2019 15:46:48 +0000

Што се случува во Скопје? Ова е прашањето кое граѓаните си го поставуваат, поради секојдневните напади и кражби кои се случуваат во главниот град. Полициските билтени „вријат“ со вакви случки. Само вчера и утрово се случиле три физички напади и три кражби на јавно место. На 07.08.2019 во 21.30 часот во СВР Скопје А.А.(53) од Скопје пријавил дека на улицата “Максут Садик“ Х.К.(33) од Скопје физички го нападнал неговиот 17 годишен син. На 07.08.2019 во 18,20 часот во СВР Скопје А.Д.(53) од Скопје пријавил дека на булеварот “Гоце Делчев“ бил физички нападнат од две лица. На 07.08.2019 година во 22,00 часот во СВР Скопје,Л.К.(42) пријавил дека на булевар „Партизански Одреди“ на паркинг пред угостителски објект, две лица со закана му одзеле ташна. На 08.08.2019 во 00,03 часот во СВР Скопје, било пријавено дека едно лице со закана одзело пари и цигари од продавница на улица„11-ти Октомври“. На 07.08.2019 во 21,30 часот во СВР Скопје, Д.Ј. од Скопје, пријавила дека на ул. Венјамин Мачуковски едно лице физички ја нападнало и и одзело мобилен телефон. Во полицискиот билтен стои дека се преземаат мерки за расчистување на случаите.