физички пресметки – Kurir.mk

Регистрирани нерегуларности во повеќе градови: Од кинење и фотографирање на гласачко ливче до тепачки на изборни места

Магдалена Андонова — Sun, 17 Oct 2021 16:02:18 +0000

Во СВР Охрид околу 14,10 часот од претседател на избирачкиот одбор било пријавено дека на избирачко место бр.1884 во с.Октиси, струшко К.С.(67) од с.Октиси го искинал и го фрлил гласачкото ливче. Се преземаат мерки за расчистување на настанот. На 17.10.2021 во 14,40 часот во СВР Битола К.Н. член на избирачки одбор 1446 во с.Мажучиште пријавил дека А.С. го сликал гласачкото ливче. Се преземаат мерки за расчистување на настанот. На 17.10.2021 во 14,50 часот полициски службеници на СВР Тетово-Одделение за внатрешни работи Тетово го привеле Н.С.( 62) од гостиварско Речане, поради сомнение за учество во меѓусебна тепачка со друго лице во гостиварско Речане, која се случила во дворот пред Основното училиште „Лирија“, каде било сместено избирачкото место 528.Се расчистува случајот. Полициски службеници на СВР Тетово-Одделение за внатрешни работи Гостивар денеска (17 октомври) околу 14 часот и 30 минути го лишиле од слобода 36-годишниот З.А. од Гостивар, кој се сомничи дека на избирачкото место број 423, лоцирано во гостиварско СТОУ, со мобилен телефон го фотографирал гласачкото ливче.Се преземаат мерки за расчистување и документирање на случајот, по што ќе му биде изготвен соодветен поднесок.

Лично со пиштол мозокот ќе им го извадам: Кочани врие- физички пресметки, закани, оружје и тепање деца

Катерина Бојаџиева — Wed, 14 Apr 2021 16:31:43 +0000

Лично со ова (пиштолот), мозокот ќе им го извадам. Исто така, парче по парче ќе сечам од нив- со оваа видео порака, споделена на социјалните мрежи, таткото на малолетното дете им се заканува на деветемина кочанчани кои пред 3 дена го фатија неговиот син во кражба во семејна куќа, а потоа го натепаа. Од полицијата велат дека веднаш по објавата лицето е идентификувано. - Триесет и шест годишниот А.И., по преземени оперативни мерки на полицијата утврдено е дека не се наоѓа на територијата на РСМ и се работи на негово обезбедување - изјави за Сител, Гордана Панајотова, портпарол на СВР - Штип. Против него ќе биде поднесена соодветна пријава. Панајотова информира дека и против сторителите на кривичното дело „насилство врз дете“, ќе биде поднесена кривична пријава. - ОВР Кочани презема мерки за комплетирање и на други кривично правни настани кои се случиле во текот на вечерта - изјави Панајотова. Истата вечер, до пристигнување на полицијата, во населбата „Трајаново Трло“ каде се случил немилиот настан, роднини и соседи на детето со две возила пристигнале и започнале физички да се пресметуваат со мештаните. Повеќе лица од нападнатите биле повредени, а двајца со контузии на главата и еден со исеченици на лицето и рацете се пренесени во Итната медицинска помош. По укажаната лекарска помош се пуштени на домашно лекување. - Во врска со овие настани во ПС – Кочани приведени се 3 лица и извршен е службен разговор со 20 лица- додаде Панајотова. Инцидентот го осуди градоначалникот на Кочани, Николчо Илиев, кој преку соопштение апелираше до сите надлежни институции сериозно и одговорно да ги сфатат своите задачи, со цел граѓаните на Кочани да се чувствуват безбедно. Илиев додава дека кражбите, физичките пресметки и прекршувањето на полицискиот час се казниви дела за кои се одговара. Жителите на населбата пред еден месец протестираа поради зачестените кражби во нивните домови и бараа заштита од институциите, пренесува Сител.

Физички пресметки во Тетовско поради сообраќајни недоразбирања

Магдалена Андонова — Wed, 05 Aug 2020 11:44:55 +0000

Жител на тетовско Слатино и неговата вереница од Пршовце, двајцата на 24 годишна возраст, пријавиле во полиција дека по недоразбирање околу сообраќај биле нападнати. Настанот се случил вчера околу 17 часот на регионален пат село Радуша – Јегуновце. -Настанала вербална расправија помеѓу А.Д.(24) од село Слатино со лице кое управувало патничко возило „сеат леон“, со скопски регистарски ознаки, а набрзо пристигнало уште едно патничко возило „голф 6“, со германски регистерски ознаки, управувано од непознато лице. Човекот од возилото „голф“ физички го нападнал А.Д. и се обидел да ја нападне и неговата вереница А.М. (24) но бил спречен. Според пријавеното, напаѓачот се упатил до своето возило да земе оружје, но бил спречен од возачот на возилото „сеат леон“. Се преземаат мерки за расчистување и документирање на случајот, информираат од СВР Тетово. Во СВР Тетово синоќа во 22:20 часот во Полициска станица Тетово лицето 31-годишник од Тетово пријавил дека околу 20:10 часот на улица „Љубо Божиновски-Пиш“ бил физички нападнат од три непознати лица, поради недоразбирање околу паркинг простор. (МИА)