фк академија пандев – Kurir.mk

Горан Пандев продаде 90% од акциите на ФК Академија Пандев

Ивона Петрова — Fri, 05 May 2023 20:34:04 +0000

Блок трансакција вчера помина на Македонската берза со акциите на Фудбалскиот клуб Академија Пандев од Струмица, во сопственост на нашиот поранешен репрезентативец Горан Пандев, објавува „Фактор.мк“. Податоците од Берзата велат дека беа продадени 2.250 акции на ФК Академија Пандев, по цена по акција од 16.480 денари, или во вкупен износ од нешто над 37 милиони денари, рамно на 603.000 илјади евра. Доколку се погледнат податоците на Берзата за овој фудбалски клуб, Академија Пандев има вкупно издание 2.500 акции, што значи дека преку берзанската блок трансакција вчера беше продаден најголемиот дел од акциите, односно 2.250, а останаа само 250 акции. Изразено во проценти, продадени се 90 отсто од ФК Академија Пандев за сума од 603.000 илјади евра. Нема официјална информација за тоа кој го купи доминантниот и мнозински дел од акциите на прволигашкиот фудбалски клуб.

Стојчев не е повеќе тренер на Академија Пандев

Бошко Тасиќ — Sun, 04 Sep 2022 18:51:13 +0000

Екипата на Академија Пандев претрпе убедлив пораз на денешниот меч против Струга Трим Лум (3-0) во Првата македонска лига, пораз по кој клубот од Струмица одлучи да ја прекине соработката со тренерот Ѓорѓе Стојчев. „Пандевци“ по шест кола имаа забележано само две победи и со 7 бода се наоѓаат на 5. место на табелата, резултати кои управата на клубот смета дека се под нивото и затоа е сменет тренерот Стојчев. Стојчев дојде во Академија Пандев како наследник на Александар Васоски.

Mozzart ја продолжи соработката со ФК Академија Пандев

Super Admin — Mon, 15 Aug 2022 08:47:25 +0000

Mozzart и оваа сезона ја продолжува успешната соработка со фудбалскиот прволигаш ФК Академија Пандев! Ланскиот вицешампион со нови засилувања и победничка стратегија ја започнува новата 2022/2023 сезона, со амбиции за прво место на ПМФЛ табелата. Логото на компанијата Mozzart и оваа година ќе се најде на дресовите на ФК Академија Пандев, тим во сопственост на македонската фудбалска легенда Горан Пандев. Mozzart во изминатиот период активно го поддржува домашниот спорт преку спонзорство на различни спортски колективи.

„Благодарност до компанијата Mozzart која продолжува да ја поддржува Академија Пандев во развојот и амбициите на клубот. Успешната соработка минатата сезона решивме да ја продолжиме на уште две години и во нашиот ексклузивен бетинг партнер гледаме искрен поддржувач на спортот во нашата држава.“ – изјави Сашко Пандев, член на Управниот одбор и играч во тимот.

ФК Академија Пандев во своето постоење повеќе од една деценија, најпрво како фудбалска академија, а подоцна и со свој сениорски тим, успеа да постигне доста значајни резултати и на многу млади таленти да им даде можност да спортуваат, другаруваат и од најмала возраст да се научат на здрави навики за здрав живот. Куп шампиони на Македонија во сениори, првенствени и куп шампиони во млади категории, безброј освоени младински турнири во државата и надвор од неа, сениорски репрезентативци, младински репрезентативци во сите категории, домашни и меѓународни трансфери на фудбалери од сопствената академија, се само дел од досегашните успеси на ФК Академија Пандев во досегашното постоење. Од Mozzart изјавија дека се горди што и во новата сезона продолжуваат со поддршка на овој фудбалски прволигаш ФК Академија Пандев и се надеваат на нови успеси за клубот и во наредниот период. Инаку, компанија MOZZART долги години наназад е голем помагател на спортот во повеќе држави во регионот, а меѓу нив се многубројни фудбалски, кошаркарски, ракометни и одбојкарски клубови, како и репрезентации од повеќе различни спортови.

Шкупи триумфира против Академија Пандев и се искачи на врвот на ПМФЛ

Бошко Тасиќ — Sun, 26 Sep 2021 18:12:19 +0000

Скопски Шкупи се врати на врвот на прволигашката табела откако избраниците на Гоце Седлоски со фуриозен финиш славеа со 3-1 на гостувањето против Академија Пандев. Двата тима влегоа со по 14 бода во овој дуел, а „пандевци“ имаат за што да жалат бидејќи до 12 минути до крајот имаа водство од 1-0, при кој не реализираа и убава шанса за втор погодок. Пресвртот се случи откако одбраната на „пандевци“ за момент заспа, „резервистот“ Ѓоргиевски втрча од позадина и го совлада домашниот голман. Овој момент како да ги исфрли од ритам домашните фудбалери, а Шкупи знаеше како да го искористи тоа и постигна уште два гола до крајот на мечот во Струмица. Двата беа дело на Алварез, со што гостите од Скопје прокнижија три бода на овој „жежок терен“ против силен противник. Шкупи моментно е првопласиран на табелата со 17 бода, исто толку има и Ренова, додека Академија Пандев е четвртопласирана со три бода заостанување зад водечките.