фк барселона – Kurir.mk

Педри се повреди ја заврши сезоната

Бошко Тасиќ — Sat, 16 Apr 2022 04:04:43 +0000

За ситуацијата да биде полоша за фудбалскиот клуб Барселона по елиминацијата во Лигата на Европа, тренерот на Каталонците Чави доби и лоши вести. На полувремето против германскиот ривал поради повреда мораше да биде заменет Педри, а на негово место влезе Френки Де Јонг. Според пишувањата на шпанските медиуми, ги пренесоа првичните прогнози кои се загрижувачки. Имено, голема е шансата Педри да има руптура на мускул, а поради тоа би можел да го пропушти крајот на сезоната. Во исчекување на официјална потврда, угледни каталонски медиуми пренесоа дека сезоната за Педри е готова.

Чави: Бесен сум и лут

Бошко Тасиќ — Sun, 05 Dec 2021 09:12:40 +0000

Чави Ернандес го претрпе првиот пораз како тренер на Барселона, откако неговиот тим загуби на „Камп Ноу“ на натпреварот во Примера кој требаше да послужи како добра подготовка за клучниот меч против Баерн Минхен во Лигата на шампионите.

Ернандес не го криеше разочарувањето по првиот пораз, особено поради фактот што со видео анализи им посочи на своите фудбалери дека најголемата опасност доаѓа преку транзициите и контрите на Бетис.

– Кога изгледаше дека сме најдобри на теренот, примивме гол. Примивме гол од контра и мора да бидеме многу подобри во тој аспект. Не можеш да заспиеш на нивна контра, мора да се спречат такви опасности навреме. Знаевме од каде доаѓа опасноста, работевме со видео анализа на нивните акции и мораше да спречиме таков гол. Добивме преголема казна за натпреварот кој го одигравме и затоа сум бесен и лут, – порача Чави, кој вели дека сите во Барселона треба да му помогнат на Мемфис Депај. – Мора да му помогнеме на Мемфис да ја научи и да ја сфати нашата игра. Тој ни помага и се отвора во празен простор, но едноставно не го наоѓаме во прав момент. Мора да бидеме поагресивни и во нападот, бидејќи во дефанзива станавме поагресивни откако сум тука, – изјави Чави.

Роналд Куман бесен на судиите по мечот со Реал Мадрид

Бошко Тасиќ — Sun, 11 Apr 2021 06:40:15 +0000

Актуелниот фудбалски шампион на Шпанија Реал Мадрид во 30. коло од шпанската Ла Лига го доби дербито против Барселона со 2-1 и се искачи на првото место на табелата, а причина за незадоволство по натпреварот имаше тренерот на каталонскиот гигант Роналд Куман.

Куман беше бесен поради ситуацијата во 84. минута, кога судијата реши да не покаже на белата точка откако Менди имаше дуел со Брајтвајт. „Секој навивач на Барселона нема да биде задоволен со ова судење. Имаше пенал врз Брајтвајт, а не сум задоволен ниту со судиското надополнување. Се играше само четири минути, а судијата три потроши на замени на уредот на раката. Требаше да ни даде поголемо надополнување. Очигледно не постои ВАР во Шпанија“, кажа Куман по мечот.

Жоан Лапорта избран за претседател на Барселона

Бошко Тасиќ — Mon, 08 Mar 2021 05:29:46 +0000

И официјално со гудбалскиот клуб Барселона ќе раководи Жоан Лапорта, повратникот на позицијата прв човек на Барселона. кој веќе беше претседател на Барселона во периодот од 2003 до 2010 година, каде го наследи Енрик Реина, а по него дојде Сандро Росел. Лапорта ужива огромни симпатии меѓу заедницата во Барселона, го водеше клубот со многу успех, а беше на чело кога Барса освои најмногу титули (шест) во една сезона во 2009. На претседателските избори Лапорта за против кандидати ги имаше Антони Фреикса и Виктор Фонт. На изборите во Барселона, Лапорта победи со огромна предност пред ривалите, имаше на своја страна 57.61% од гласовите, додека зад него беше Фонт со 31.65%, а Фреикса освои само 9,45%. Третиот мандат на чело на клубот Жоан Лапорта ќе го започне веднаш, а добива четири години.

Барселона се огласи по упадот на полицијата во просториите на клубот

Бошко Тасиќ — Mon, 01 Mar 2021 18:25:29 +0000

Шпанската полиција во текот на денешниот ден упадна во просториите на Барселона поради истрагата која е во процес околу аферата „Барсагејт“. Поради ова е приведен поранешниот претседател на Барселона Жозеп Марија Бартомеу, потоа директорот Оскар Грау, челникот на правната служба Роман Гомез Понти и претседателскиот советник Жауме Масферер. Барселона после сето ова конечно се огласи со соопштение на официјалната страница на клубот. „Кога станува збор за влегувањето и истрагата на каталонската полиција ова утро на „Камп Ноу“, по налог на 13. Суд во Барселона, кој е надлежен да не контактира и да ја следи работата на социјалните мрежи, Барселона понуди целосна соработка до надлежните и полициски органи со цел да се утврдат јасните факти во истрагата . Барселона изразува максимална почит во оваа постапка и се однесува по принципот на претпоставена невиност на луѓето кои се означени во истрагата“, беше наведено во соопштението од клубот.

Ди Марија не игра против Барсeлона во ЛШ

Бошко Тасиќ — Tue, 09 Feb 2021 19:43:13 +0000

Аргентинскиот фудбалски репрезентативец Анхел Ди Марија ќе го пропушти првиот осминафинален натпревар од Лигата на шампионите што ќе се игра на 16 февруари на Камп Ноу. Причина за тоа е повредата на задната ложа, доживеана во 11. минута од мњчот против Марсеј, одигран во неделата. Отсуството на Ди Марија го потврди и тренерот Маурисио Покетино иако остави резерва дека конечниот состав ќе го одреди на денот на натпреварот. „Ќе видиме за една недела каква ќе биде ситуацијата со неговата повреда. Фактот што нема да биде во тимот, нема да не принуди да ја спуштиме главата, туку ќе најдеме најдобро можно решение за екипата“, изјави Покетино.

Проблеми за Ансу Фати, пак оперативен зафат

Бошко Тасиќ — Fri, 05 Feb 2021 20:45:16 +0000

Фудбалерот на Барселона, Ансу Фати, ќе треба да направи трета операција на коленото, повреда која го мачи од почетокот на ноември минатата година. Досега двапати му беше извршен оперативен зафат на коленото на Фати, но поради нови проблеми ќе треба и по третпат да оди под нож. Според информациите сезоната за него веќе е завршена. Ова е големо разочарување за талентираниот млад фудбалер, која оваа сезона ја започна одлично со пет погодоци во 10 настапи за Каталонците .

Меси прв асистент во најдобрите пет лиги во Европа

Магдалена Андонова — Sat, 27 Jun 2020 19:22:46 +0000

Најдобриот фудбалер на Барселона, Лионел Меси забележа две асистенции во натпреварот од 32. коло на Ла Лига со Селта Виго (2:2). И во двата случаи Аргентинецот му асистираше на Луис Суарез – во 20. и 67. минута. Меси со овие две асистенции има вкупно 11. Аргентинецот води во оваа статистичка категорија меѓу играчите во најдобрите пет лиги во Европа. На второ место е Томас Мулер од Баерн (10 асистенции), а по нив следуваат Анхел Ди Марија од ПСЖ, Џејдон Санчо од Борусија и Винченцо Грифо од Фрајбург, сите со по седум асистенции. (МИА)

Тепачка во Барселона: Меси и Гризман си “размениле” боксови

Магдалена Андонова — Mon, 22 Jun 2020 13:11:09 +0000

Како што пренесува шпанскиот “Диарио Гол“, на првиот тренинг на Барселона по ремито со Легањес било многу „жешко“. Дошло до тепачка меѓу Лео Меси и Антоан Гризман, фрчеле и боксови. А се започнало со вербалниот дуел, односно лутењето на Французинот до Меси кој не сакал да му аистира на саботиот дуел, и директно го обвинил дека тој е виновен за тоа дека Барса останала без трите бода. Ова на Меси не му се допаднало, па му вратил на Гризман а потоа следувал хаос на тренингот и тоа пред очите на Кике Сетијен. Се чини дека после ова Гризман и дефинитивно сам си го потпишал отказот од Барса, се знае кој е главен на “Камп Ноу“ и дека не смее никој, па ни тренерот нешто да му пререче на Аргентинецот

ФОТО: Барселона го менува амблемoт

Предраг Кукиќ — Thu, 27 Sep 2018 19:29:51 +0000

Фудбалскиот клуб Барселона е на чекор од историска одлука. Претстои предлог за промена на амблемот на клубот, а конечната одлука зависи од тоа како ќе гласаат на т.н. „Сосиос“ - членови на клубот. Гласањето ќе се одржи на 20 октомври. Предлогот е за стилизирана и модернизирана верзија на актуелниот амблем, а најголемата разлика ќе биде дека новото лого нема да ги има трите букви - FCB, што значи Фудбалски клуб Барселона. „Лос Кулес“ не е единствениот тим со слични иницијали, а колегите во овој поглед се Баерн Минхен и Базел. Трите букви се појавуваат во секој амблем на Барса од 1910 година. Новото лого е една од клучните точки во стратешкиот план на тимот за промовирање на брендот на глобално ниво. Проектот го направи локалната компанија за брендирање „Summa“ и беше претставен од Конрад Љоренс, кој е добитник на некои од најреномираните дизајнерски награди во Каталонија. Ако промената биде одобрена, таа ќе стапи во сила во сезоната 2019/2020. (МИА)