ФК Пелистер – Kurir.mk

ВИДЕО: 30 години од историскиот меч – Вардар стана првиот клуб што го освои фудбалскиот Куп во самостојна Македонија

Ивона Петрова — Tue, 23 May 2023 06:31:46 +0000

На 23-ти мај 1993 година на Градскиот Стадион во Скопје се одигра првото финале на Купот на Македонија помеѓу екипите на Вардар и Пелистер. Пред полни трибини и прекрасна атмосфера, со голот на Жанко Савов во 88-та минута Вардар влезе во историјата на македонскиот фудбал како прв освојувач на Купот на Македонија. За овој натпревар од фудбалската историја е запишано дека во битката за престижниот наслов, Вардар го совлада вечниот ривал, битолски Пелистер, а стрелец на единствениот погодок во самиот финиш беше Жанко, кој во Вардар дојде токму од Пелистер. По завршувањето на натпреварот, тогашниот претсетдател на Република Македонија, Киро Глигоров, му го врачи победничкиот пехар на капитенот на Вардар, Љупчо Марковски – Калц. Тогашен тренер на Вардар беше Ѓоко Хаџиевски, а вардарци по осамостојувањето на татковината, во сезоната 1992/93 ја освоија и првата двојна круна на домашната фудбалска сцена. Натпреварот се одржа пред полни трибини на кои имаше 20.000 навивачи. Главен судија беше Гоце Попев (Скопје), помошници Ванчо Коцев (Штип) и Бранко Манојловски (Тетово).

Коњановски на средба со фудбалерите и стручниот штаб на ФК Пелистер

Тале Кристо — Fri, 14 Jan 2022 15:25:44 +0000

Фудбалскиот клуб „Пелистер“ со натежнати бројни проблеми се враќа во 100% сопственост на Општина Битола. Градоначалникот Тони Коњановски и директорот на ЈП Водовод Пеце Милевски, присуствуваа на денешниот тренинг на фудбалерите на стартот на подготовките, по што заедно со стручниот штаб на клубот, разговараа за проблемите со кои се соочува ФК Пелистер. Градоначалникот Коњановски, на средбата информираше дека локалната самоуправа во соработка со новата управа на клубот ќе даде комплетна поддршка на функционирањето на ФК Пелистер со цел негова стабилизација и санирање на заостанатите обврски, а во насока на постигнување на високи резултати на клубот во пролетната сезона.

Време е за вечното македонско фудбалско дерби – Пелистер против Вардар

Бошко Тасиќ — Sun, 04 Apr 2021 08:17:05 +0000

Фудбалските тимови на Пелистер и Вардар играле натпревари за врвот од табелата, но оваа сезона ситуацијата е нешто поинаква, тие се среќаваат во битка за излез, или бегство од дното. Пелистер во Битола од 15 часот го пречекува вечниот ривал Вардар, кој е само два бода зад нив на табелата и во опасната зона која води во понизок ранг на натпреварување,а мечот е во рамките на 25-коло од ПМФЛ. Од таборот на Пелистер внимателно гледаат на овој натпревар, нивниот тренер Капинковски верува дека доколку одиграат според договореното, тие ќе бидат победници. „Ова е дерби кое секогаш е интересно. Кажав и пред натпреварот во Скопје, нема изразити фаворити, без разлика на форма, бодови и ситуација во клубови. Видовме дека претходниот натпревар заврши 2-2, со доста голови и фудбал. Се надевам на таков натпревар и во Битола. Секој си има свои математики, а ние како и на секој дуел играме до максимум и да ги освоиме бодовите“. Исто така денес од 15 часот се среќаваат уште: Работнички – Борец Шкендија – Силекс Шкупи – Ренова Струга Т.Л – Беласица foto:gol.mk

Денес се играат средбите од 19.коло во ПМФЛ, дербито е во Скопје

Бошко Тасиќ — Sun, 21 Feb 2021 07:51:13 +0000

Денес се играат средбите од 19 коло во Првата македонска фудбалска лига. Во дербито на колото во Скопје Вардар го пречекува битолски Пелистер. На гости Пелистер сезонава има само два триумфа, додека Вардар на домашен терен запиша три победи на девет средби. Дуелот во Скопје се игра од 14 часот. На останатите средби се среќаваат Силекс-Шкендија, Борец – Шкупи, Струга-Македонија ЃП, Ренова-Беласица додека претходно се одигра средбата, Академија Пандев – Работнички 0-1.

Шкупи во финишот го скрши отпорот на Пелистер

Дарко Андоновски — Sun, 30 Aug 2020 17:07:08 +0000

Шкупи го победи Пелистер со 1:0 во единствениот денешен натпревар од 4. коло во Првата македонска фудбалска лига. Стрелец на голот вреден три бода за чаирчани беше Дембо Дарбо во 88. минута. На саботните средби постигнати се овие резултати: Академија Пандев – Струга Трим Лим 1:0 Македонија ЃП – Беласица 2:1. Колото ќе биде комплетирано утре со натпреварите: Шкендија – Борец и Силекс – Ренова. Табела: Шкупи 10 бода, Силекс 7, Шкендија 7, Македонија ЃП 6, Ренова 5, Работнички 5, Пелистер 5, Борец 4, Струга 4, Вардар 4, Академија Пандев 3, Беласица 0.

Шкендија фаворит, Пелистер посакува изненадување

Дарко Андоновски — Tue, 22 May 2018 16:38:47 +0000

Пред утрешното финале на Купот на Македонија тренерите и капитените на финалистите, Пелистер од Битола и Шкендија од Тетово, одржаа заедничка прес-конференција. Тренерот на „домаќините“ Неџат Хуесин смета дека Шкендија е голем фаворит пред утрешното финале. - Актуелниот шампион тоа го покажа и низ првенството, каде што играше стандардно добро. Имаат една од подобрите екипи подолго време во македонската лига и несомнено се фаворити. Но, секогаш фаворитот не значи дека ќе победи во финалето на купот. Ние нема да дојдеме со бело знаме и ќе пружиме добар отпор. Очекувам добар натпревар, па нека победи подобриот, рече тренерот на Пелистер, Неџат Хусеин. И фудбалерот на Пелистер, Благојче Марковски смета дека Шкендија е фаворит, но во купот имало изненадувања. - Шкендија е секако фаворит, но се надевам на поволен резултат за нас, рече Марковски. Тренерот на тетовчани, Ќатип Османи, смета дека купот е поразличен од првенството, бидејќи се игра само еден натпревар. -Ние сосема сериозно го сфаќаме овој натпревар и сигурно дека посакуваме да победиме и да го освоиме купот, рече тренерот на Шкендија, Османи. Капитенот на Шкендија,Ферхат Асани, го дели мислењето на својот тренер. - Нашата цел оваа сезона е да ги освоиме двата трофеи. Едниот го освоивме, а утревечер сакаме да го земеме и вториот. За прв пат во историјата на клубот сакаме двете титули да ги донесеме во Тетово, рече капитенот Ферхат Асани. Двесет и шестото финале на фудбалски куп на Македонија се игра утревечер на Градскиот стадион „Младост“ во Струмица со почеток во 20 часот.

Фудбалерите на ФК „Пелистер“ пуштени од болница- еве ги деталите

Катерина Бојаџиева — Sun, 08 Apr 2018 09:14:33 +0000

Дванаесетте фудбалери на ФК „Пелистер“ од Битола, кои вчера попладне со здравствени проблеми повраќање и стомачни проблеми биле примени на Инфективното одделение на велешката болница, по укажаната лекарска помош и по опоравувањето, се пуштени дома вчера попладне во добра општа состојба, изјави за МИА Марина Андова, портпарол на ЈЗУ Општа болница. - По укажаната лекарска помош сите 12 фудбалери, по примената инфузијата и рехидрирани во добра општа состоја се пуштени дома со препорака за контрола да се јават во Клиничката болница во Битола, информира Андова. Како што информираа дел од медиумите, вчера битолските фудбалери на пропатување низ Велес за Скопје ручале во угостителски објект во Велес и кај нив се јавиле здраствени проблеми како повраќање и стомачни тегоби. Тие веднаш биле однесени и примени на Инфективното одделение во велешката Општа болница, околу 13.30 часот. Таму фудбалерите биле хоспитализрани и ја добиле целата потребна здраствена помош и нега. Поради хоспитализација на фудбалерите, ФФМ го одложила фудбалскиот натпревар помеѓу екипите на ФК „Пелистер“ и ФК „Шкупи“, што требаше да се игра вчера попладне во Скопје.

Одложено вечното дерби Пелистер- Вардар

Катерина Бојаџиева — Mon, 26 Mar 2018 10:34:24 +0000

Вечното дерби во македонскиот фудбал меѓу екипите на Пелистер и Вардар што беше предвидено да се игра во четврток е одложено. Барање на актуелниот шампион Вардар натпреварот да доби нов термин поради голем број репрезентативци е прифатено од страна на ФФМ. Другите четири натпревари од 25.коло во ПМФЛ се закажани за четврток (29 март) од 15 часот. Двојките се: Силекс – Победа, Работнички – Академија – Пандев, Скопје – Шкендија и Ренова – Шкупи.