Поранешниот тренер на Вардар и досегашен предводник на Академија Пандев, Александар Васоски е на добар пат да стане стратег на фудбалскиот клуб Сараево. Медиумите во Босна и Херцеговина веќе информираа дека Васоски се договори со клубот од „Кошево“ и ќе застане на клупата на овој тим за кого долго време настапува Крсте Велкоски. Оваа вест ја потврди и самиот Васоски кој се радува на оваа задача, но притоа порача да се има трпение, односно официјално да се потврди договорот.