фк шкендија – Kurir.mk

ПМФЛ: Шампионот Струга поразен во Тетово

Дарко Андоновски — Wed, 04 Oct 2023 14:14:19 +0000

Фудбалерите на Шкендија се искачија на лидерското место на табелата, откако попладнево во Тетово го совладаа актуелниот шампион Струга со 1-0 (0-0) во заостанатиот натпревар од второто коло во Првата македонска фудбалска лига (ПМФЛ). Победоносниот гол за тетовскиот прволигаш го постигна босанскиот интернационалец Алмир Аганспахиќ во 47. минута. Шкендија сега е нов лидер во ПМФЛ со 20. бодови, два повеќе од Шкупи на второто место, додека Струга остана четвртопласирана со 15. бодови. Идниот викенд на програмата се натпреварите од 10. коло во ПМФЛ по што следува двонеделна пауза поради настапите на македонската репрезентација, против Украина на 14 октомври во Прага, во рамки на евроквалификациите и три денови подоцна против Ерменија во пријателски натпревар во Струмица.

Тројца фанови на Шкупи приведени по големиот инцидент на „Чаир“

Бошко Тасиќ — Thu, 10 Nov 2022 05:50:17 +0000

Наместо фудбалски спектакл на двата најуспешни македонски клубови во последните години, на „Чаир“ се случи голем срам – гостите поведе по само девет минути игра, по што на теренот летаа боксови и факли, и се тепаа фудбалери и навивачи. Натпреварот меѓу Шкупи и Шкендија заврши со службен резултат од 0-3 за гостите од Тетово, бидејќи домашните навивачи дивееја на трибините и теренот, откако „црвено-црните“ поведоа со 0-1. Ваквиот епилог донесе многу работа за полициските службеници, а од МВР информираат дека досега се приведени тројца навивачи на бранителот на титулата. Веднаш по завршувањето на останатите натпревари од четвртфиналната фаза од Купот на Македонија, на вонредна седница, Комисијата за натпреварување на ФФМ донесе одлука тимот на Шкендија, службено со 3-0 да го добие натпреварот со Шкупи. Теренот на Шкупи, стадионот во Чаир, се суспендира за одигрување на првенствени и куп натпревари и клубот се предава на Дисциплинска комисија на ФФМ

Промени во раководството на ФК Шкендија, новиот претседател е универзитетски професор

Ивана Ефремовски — Tue, 06 Sep 2022 13:04:10 +0000

ФK Шкендија од Тетово преку својата веб-страницата соопшти дека во клубот е извршена структурна промена во раководството, а внатрешната реорганизација е со цел да се постигнат целите за наредниот период. Нов претседател на клубот ќе биде Замир Дика, универзитетски професор и поранешен ректор на Универзитетот на Југоисточна Европа. -Новиот спортски директор е Харун Иса, познато фудбалско име во земјава и странство, поранешен фудбалер со богата интернационална кариера. Соработници на Харун Иса во спортското одделение ќе бидат поранешните фудбалери на Шкендија, Ибрахим Османи и Скендер Јонузи, информираа од клубот. Поставени се и нови луѓе во администрацијата на клубот. Финансиско-административниот одделе ќе го води Лулзим Имери, Дритан Муслиу ќе биде задолжен со организација на логистичкиот дел, додека организациски секретар и одговорен за административните прашања на фудбалерите ќе биде Ерблир Лума. (МИА)

Шаќири официјално веќе не е тренер на Шкендија

Бошко Тасиќ — Mon, 05 Sep 2022 20:20:12 +0000

Фудбалскиот клуб Шкендија реши да се раздели со тренерот, Артим Шаќири.Лошиот старт на новата сезона во Првата македонска лига како и лошиот настап во Европа, се причината раководството на Шкендија да направи тренерска смена. „Клубот и тренерот сметаат дека прекинот на меѓусебната соработка во моментов најдобро можно решение и за двете страни. ФК Шкендија му се заблагодарува на Артим Шаќири за придонесот во периодот додека го водеше тимот и му посакува многу успеси во иднина“, стои во соопштението на Шкендија. Иако сезоната е на самиот почеток, во македонското првенство се сменети веќе тројца тренери, пред Шаќири отказ добија Седлоски од Шкупи и Стојчев од Академија Пандев.

Шкендија ја прекина соработката со тренерот Артим Шаќири

Магдалена Андонова — Mon, 05 Sep 2022 15:58:17 +0000

Фудбалскиот клуб Шкендија објави раскинување на соработката со шефот на стручниот штаб Артим Шаќири. – Соработката со тренерот Шаќири е прекината со меѓусебен договор, бидејќи клубот и тренерот сметале дека прекинот на соработката во овој момент е во најдобар интерес на двете страни. Во оваа прилика КФ Шкендија му се заблагодарува на Артим Шаќири за неговиот придонес во периодот додека го водеше црвено-црниот тим и му посакуваме здравје и многу успеси во иднина, стои во известувањето од тетовскиот прволигаш. Шкендија под водство на Шаќири имаше забележителни настапи во еврокуповите каде немаа пораз и на пенали беа елиминирани од шведски АИК. Во Првата лига по шест одиграни натпревари Шкендија има три победи, два нерешни резултата и еден пораз. (МИА)

Шкендија лесно дојде до трите бода против Скопје

Бошко Тасиќ — Wed, 17 Aug 2022 17:19:54 +0000

Денеска се играше одложениот меч од првото коло во Првата македонска лига помеѓу Шкендија и Скопје, победија домаќините со 2-0, а гостите уште во првото полувреме останаа со двајца играчи помалку. По само шест минути игра резултатот беше отворен. Бразилецот Вагнер шутираше од слободен удар, топката се одби од живиот ѕид и заврши во мрежата на Скопје за водство на Шкендија од 1-0. Потоа следуваа две исклучувања за Скопје. Најпрво Гордијан Христовски доби директен црвен картон во 33. минута, а потоа Христијан Кировски за две минути успеа да добие два жолти и тој да биде исклучен од игра. Првиот жолт му беше за приговор, вториот за опасен старт. Победата за Шкендија ја запечати Сабит Билали во 62. минута поставувајќи ги конечните 2-0. Шкендија има четири бода од две одиграни кола во новата сезона.

Шкендија со нова победа над Валмиера го завери пласманот во следната рудна

Бошко Тасиќ — Thu, 28 Jul 2022 20:19:34 +0000

Шкендија со 3-1 го победи тимот на Валмиера и со вкупни 5-2 се пласира во третото квалификациско коло од Конференциската лига. По триумфот во Летонија, Шкендија беше јасен фаворит за пласман понатаму, македонскиот тим таквата улога ја оправада у на терен. Шкендија поведе со гол на Бејтулаи уште во 11. минута, а Мурата со среќен погодок во 25. минута успеа да изедначи на 1-1. Осум минути подоцна Шкендија го врати водството благодарение на еден супер погодок на Дориев кој почна трка од својата половина, направи соло акција и ја затресе мрежата на противникот за 2-1. Работата на тетовскиот тим беше дополнително олеснета во 67. минута откако Мурата заработи втор жолт картон па Валмиера остана со фудбалер помалку. Точка на мечот стави Рамадани со погодок во 85. минута од натпреварот.

Победа на Шкендија во Рига за голем исчекор кон третото квалификациско коло во Лигата на конференции

Бошко Тасиќ — Thu, 21 Jul 2022 17:45:31 +0000

Шкендија е на добар пат да го помине и второто квалификациско коло во Конференциската лига откако со 2-1 славеше на гостувањето кај Валмиера во Летонија. Шкендија одигра уште еден одличен европски натпревар и со предност ќе го почне реваншот во Скопје. Тетовскиот тим почна одлично, со гол на Дориев уште во деветтата минута поведе со 1-0. Предноста на Шкендија траеше се до финишот од првото полувреме кога во 45. минута од натпреварот Геј изедначи на 1-1. Но, во второто полувреме Шкендија даде уште еден гол, овојпат погоди Гури во 63. минута, го врати водството на својот тим и донесе победа од 2-1.

ПМФЛ: Срамното дерби во Тетово заврши без победник

Бошко Тасиќ — Sun, 08 May 2022 17:47:18 +0000

Тетовска Шкендија ќе игра во Европа после освоениот бод во скоро двоипол часовното жесшко дерби со Шкупи кое заврши без голови. Срамното дерби со безброј прекини, кое имаше предигра со нападот врз фудбалерите на Шкупи пред стадионот, продолжи со дивеење на гледачите пред стартот на вториот дел кога Артид Иљази беше погоден со камен во глава, па домашните навивачи со пиротехника направија нов прекин само што почна вториот дел, за да продолжи хаосот со прекин зашто помошникот беше удрен со тврд предмет, а да заврши со меѓусебна тепачка на фудбалерите на двата тима. И фудбалот падна во сенка, а Шкендија пред крајот кога сите повеќе чекаа само за да заврши мечот, Љупчо Дориев промаши пенал, па тетовци и со бод дојдоа до недостижните плус три на коло до крајот во однос на Македонија ЃП и поради меѓусебниот подобар дуел во однос на „лавовите“ ја обезбедија Европа без оглед дали во завршните 90 минути, ѓорчепетровци би се израмните бодовно со нив. Шкендија како и Академија Пандев ќе играат летоска во квалификациите во Конференциската лига, а тетовци според својот рејтинг би требало да бидат носители.

Шкендија во хумана акција, пакетчиња за деца со посебни потреби

Бошко Тасиќ — Sun, 26 Dec 2021 06:59:25 +0000

Фудбалерите на Шкендија вчера ги посетија децата со посебни потреби во Дневниот центар и во специјализираната паралелка што функционира во рамките на Основното училиште „Лирија“ во Тетово. Егзон Бејтулаи и Флорент Рамадани, продолжувајќи ја традицијата да ги посетуваат децата во пресрет на крајот на годината, им доделија новогодишни пакетчиња. Посакувајќи им на децата здравје и среќа во наредната година, фудбалерите на Шкендија ја пренесоа пораката дека сите заедно, што повеќе да ги промовираме општествените обврски кои секој од нас ги носи и заедно да изградиме позитивна атмосфера во државата во која живееме.