фк шкупи – Kurir.mk

„Шкупи“ вторпат поразен од „Левски“

Катерина Бојаџиева — Thu, 03 Aug 2023 19:40:27 +0000

Македонскиот претставник во Конференциската лига „Шкупи“ го заврши настапот во европските купови, откако вечерва загуби на гостувањето во Софија од „Левски“ со 1-0 и со вкупен резултат од 3-0 е елиминиран во второто квалификациско коло. „Шкупи“ допатува на реваншот на стадионот „Георги Аспарухов“ со тешка задача да ја анулира негатива од 0-2 од минатиот четврток во Скопје. Македонскиот тим имаше свои шанси на реваншот кои не успеа да ги искористи, а казната за тоа дојде во 11 минута од судиското продолжение кога Марин Петков му донесе триумф на „Левски“. Своите најзрели шанси „Шкупи“ ги пропушти во финишот на натпреварот кога голманот на „Левски“, Андреев, во два наврати со фантастични одбрани ги скроти ударите на Реналдо Цефас. По елиминацијата претходно на „Македонија Ѓорче Петров“ и на „Шкендија“, единствен македонски претставник во Конференциската лига остана актуелниот шампион „Струга“, чиј противник во третото квалификациско коло ќе биде „Свифт Хеспер“ од Луксембург.

Приведени 19 бугарски навивачи: Биле насилни на натпреварот, дел од нив нападнале полицајци

Ивона Петрова — Thu, 27 Jul 2023 22:50:55 +0000

МВР во врска со фудбалскиот натпревар помеѓу екипите на ФК Шкупи од Скопје и ФК Левски од Софија, информира дека приведени се 19 навивачи од Република Бугарија, поради нарушување на јавниот ред и мир пред и за време на натпреварот. -Од нив, осум лица се приведени за насилство на спортски натпревар, две лица за физички напад на полициски службеници кои вршеле службени дејства, а девет поради агресивно однесување кон нив. По документирање на случајот против нив ќе бидат поднесени соодветни поднесоци, посочуваат од МВР. Околу полноќ полициски службеници од СВР Скопје лишиле од слобода и двајца навивачи на навивачката група на ФК Шкупи, кои го нарушиле јавниот ред и мир со физичка пресметка. И тие се приведени и ќе се соочат со законски предвидените поднесоци.

Тројца фанови на Шкупи приведени по големиот инцидент на „Чаир“

Бошко Тасиќ — Thu, 10 Nov 2022 05:50:17 +0000

Наместо фудбалски спектакл на двата најуспешни македонски клубови во последните години, на „Чаир“ се случи голем срам – гостите поведе по само девет минути игра, по што на теренот летаа боксови и факли, и се тепаа фудбалери и навивачи. Натпреварот меѓу Шкупи и Шкендија заврши со службен резултат од 0-3 за гостите од Тетово, бидејќи домашните навивачи дивееја на трибините и теренот, откако „црвено-црните“ поведоа со 0-1. Ваквиот епилог донесе многу работа за полициските службеници, а од МВР информираат дека досега се приведени тројца навивачи на бранителот на титулата. Веднаш по завршувањето на останатите натпревари од четвртфиналната фаза од Купот на Македонија, на вонредна седница, Комисијата за натпреварување на ФФМ донесе одлука тимот на Шкендија, службено со 3-0 да го добие натпреварот со Шкупи. Теренот на Шкупи, стадионот во Чаир, се суспендира за одигрување на првенствени и куп натпревари и клубот се предава на Дисциплинска комисија на ФФМ

Соопштение на Шкупи: Ќе се бориме до крај против оние кои му наштетуваат на нашиот клуб

Бошко Тасиќ — Wed, 09 Nov 2022 18:45:59 +0000

Шкупи се огласи со соопштение по повод денешните случувања на натпреварот со Шкендија, кој беше прекинат во 10. минута кога Дашмир Елези го постигна голот за водство на тетовскиот тим. Навивачите не издржаа и влегоа на теренот, сакајќи да се пресметаат со гостинските играчи. Шкупи ја прифаќа грешката, им се извини на оние кои неизмерно го сакаат клубот, и истакна дека ќе работи на искоренување на оние кои наштетуваат на клубот.

„Почитувани навивачи, ние како клупски челници 3-4 години се трудиме да направиме максимум за клубот Шкупи да расте, и да бидеме најдобри во земјата, да го подигнеме квалитетот во Европа и да придонесеме вистинските љубители на фудбалот да се радуваат на победите на нашиот тим. Спортистот мора да биде морален и љубозен, но грубоста и неморалот на фудбалерот никогаш не смее да биде објаснување за она што се случи денеска. Многу ни е жал како клуб, затоа што не сме такви, и нема ни да бидеме. Сакаме да бидеме тим за кој ќе се зборува за неговите победи, за неговиот раст. Знаеме дека вистинските навивачи никогаш не би го повредиле својот клуб. Вистинскиот навивач не го оштетува клубот и застанува против оние кои му наштетуваат на клубот. Нема шанси оние кои денеска го направија тоа да се вистински поддржувачи на Шкупи и да го сакаат Шкупи. Им се извинуваме на вистинските фанови, на фудбалската јавност, на татковците и мајките кои ги донесоа своите деца да гледаат фудбал. Ние ветуваме дека ќе се бориме до крај со оние кои се обидуваат да му наштетат на клубот до крај, без разлика на цената. Нема да дозволиме да го попречат растот и развојот на својот клуб“, се вели во соопшението.

ФУДБАЛСКА ТРАГЕДИЈА – почина поранешниот фудбалер на Шкупи на само 23 години, се струполил на земја среде тренинг (ВИДЕО)

Дарко Андоновски — Thu, 15 Sep 2022 11:19:31 +0000

Поранешниот фудбалер на Шкупи, Мариано Ондо Монсух Ангонг, починал како последица на срцев удар за време на тренинг на селекцијата на Екваторијална Гвинеја. Имаше 23 години. Во 2018 година, Мариано Ондо настапуваше за Шкупи, каде забележа само три настапи. Беше репрезентативец на Екваторијална Гвиниеја за која одигра седум меча. Тој починал вчера за време на тренинг на својата селекција откако му се слошило и бил префрлен во болница каде починал. Имал договорен трансфер во шпанската Трега лига, и требало да замине за неколку дена.

Навивачи на Шкупи претепале Швеѓани на Бит Пазар

Катерина Бојаџиева — Wed, 10 Aug 2022 16:01:47 +0000

На 09.08.2022 околу 18.45 часот во Полициска станица Бит Пазар е пријавено дека во близина на плоштад на подрачјето на Бит Пазар група лица-навивачи на ФК Шкупи физички нападнале осум државјани на Шведска кои во Скопје дошле во врска со натпревар кој треба да се одигра на 11.08 помеѓу ФК Шкендија и ФК АИК. Полициски службеници од Единицата за интервентна полиција веднаш интервенирале и се преземаат мерки за расчистување на случајот.

Шкупи со порака: Скопјани, дојдете во вторник на Арената да направиме историја

Бошко Тасиќ — Mon, 25 Jul 2022 05:27:24 +0000

Во вторник во Скопје со почеток од 21 часот, нашиот фудбалски шампион Шкупи против Динамо Загреб ќе го одигра возвратниот дуел од 2.квалификациско коло во ЛШ. Првиот меч во Загреб беше 2:2 со што се отвори шанса Шкупи да оди натаму. Јасно е дека ќе биде тешко против силниот Динамо, па затоа чаирчани упатија порака преку своите социјални мрежи до граѓаните на Скопје. “Драги граѓани на Скопје како и подржувачи на Шкупи, во вторник сме на чекор до испишување на историја и пласман во третата квалификациска рунда во ЛШ. За да се случи ова на нашиот тим му е потребна поддршка. Дојдете на Арената, ни треба вашата поддршка“. Инаку билетите и натаму се продаваат, а чина од 150 до 1.000 денари.

ПМФЛ: Шкупи ја почнува одбраната на титулата против Тиквеш

Дарко Андоновски — Wed, 20 Jul 2022 11:53:24 +0000

Со жрепка попладнево во седиштето на ФФМ е одреден распоредот на натпревари во Првата македонска фудбалска лига (ПМФЛ) за новата сезона 2022/23. Воведното коло ќе се игра на 6 август, а шампионот Шкупи одбраната на титулата ќе ја почне со гостување во Кавадарци кај Тиквеш. Зимската пауза е предвидена за 11 декември кога ќе биде одиграно 18. коло, а пролетниот дел од сезоната ќе стартува на 19 февруари. Нови членови на прволигашкото друштво се Силекс и Победа.

Шкупи се враќа непоразен од Загреб

Бошко Тасиќ — Tue, 19 Jul 2022 21:07:54 +0000

Шкупи одигра 2-2 на гостувањето кај Динамо Загреб во првиот меч од второто квалификациско коло од Лигата на шампионите, патникот понатаму ќе се решава во Скопје. Шкупи со големи реми се враќа од Загреб, Динамо беше голем фаворит во овој меч, но момците на Гоце Седлоски останаа непоразени. Дека нема да му биде лесно на Динамо Загреб најави Кевен во 25. минута кој му донесе водство на Шкупи и го замолкна Максимир. Пред крајот на првото полувреме, во 44. минута македонскиот репрезентативец и капитен на Динамо Загреб, Аријан Адеми постигна гол со глава и изедначи на 1-1. Во 86. минута Петковиќ по асистенција од Адеми постигна гол за комплетен пресврт и водство на Динамо Загреб од 2-1. Во тие моменти се чинеше дека хрватскиот тим сепак ќе дојде до триумф, но тоа не се случи. Само три минути подоцна Реналдо Кефас убаво гол лобуваше истрчаниот голман на Динамо и донесе реми за Шкупи, 2-2. Реваншот се игра за седум дена на арената „Тодор Проески“ во Скопје.

Шкупи го „преживеа“ Линколн, закажа дуел со Динамо Загреб

Бошко Тасиќ — Tue, 12 Jul 2022 20:28:46 +0000

Шкупи загуби со 2-0 на гостувањето на Гибрлтар кај Линколн, но пресудни беа оние 3-0 во Скопје на арената „Тодор Проески“, закажа пресметка со Динамо Загреб. Линколн стигна до предност во 32 минута со голот на Хуанфри, а конечните 2-0 ги постави Каскиеро во 69 минута. Следно за Шкупи е дуелот со Динамо Загреб на нашите Стефан Ристовски и Аријан Адеми, средбата се игра на 19 јули (вторник) со почеток од 21 часот.