ФК Силекс – Kurir.mk

ПМФЛ: Силекс и Академија Пандев ги поделија бодовите

Бошко Тасиќ — Sat, 27 Aug 2022 18:53:52 +0000

Немаше победник на првиот дуел од 4. коло на Првата македонска фудбалска лига, кој денеска во Кратово го одиграа Силекс и и Академија Пандев (1:1). Домаќините поведоа со голот на Обрадовиќ во 37. минута, но тоа водство не траеше долго, бидејќи „Пандевци“ стигнаа до израмнување неколку минути подоцна. Велиновски погоди за Академија Пандев во 43. минута, поставувајќи ги фактички и конечните 1:1 на оваа средба. За Силекс ова е второ реми сезонава, па „кратовци“ се без пораз и со осум освоени бодови, додека денешните гости освоија само четири бода од четири кола.

Македонија ЃП по втор пат во својата историја го освои фудбалскиот Куп на Македонија

Бошко Тасиќ — Fri, 20 May 2022 18:53:15 +0000

Македонија Ѓорче Петров после 16 години пауза повторно е победник во Купот на Македонија, после вечерашната победа со 4-3 на пенали (0-0) против Силекс во финалето на нашето најмасовно натпреварување. Младиот голман на „лавовите“ Христијан Стефковски е херојот на ѓорчепетровци со два одбранети пенали во рулетот од белата точка, откако ги запре Бурхан Алии и Благоја Спирковски, за Сефер Емини да го релизира последниот пенал за првиот трофеј после 2006 година.

Силекс одново подобар од Вардар

Бошко Тасиќ — Sat, 20 Nov 2021 14:59:53 +0000

Кратовски Силекс делува несопирливо во Втората лига – Запад и ја забележа десеттата победа во 11-то коло, откако во драматичен натпревар успеа да триумфира во вечното дерби против Вардар. „Комитите“ режираа фантастична атмосфера во тренинг центарот „Петар Милошевски“, но и тоа не им помогна на нивните миленици кои доле на теренот им режираа шок во судиското надополнување. Вардар беше на добар пат да стане вториот тим кој го сопрел Силекс во Втората лига, но кратовчани постигнаа гол во 92-та минута преку Спиркоски и остварија голема победа од 1:2 Претходно, кратовчани поведоа со голот на Љамалари, додека израмнувањето кое беше активно до 92-та минута беше дело на Филип Петров во 27-та минута. Со биланс од десет победи и само едно реми, Силекс има 31 бод на првенствената табела, девет повеќе од Воска која денеска ремизираше, односно 11 од Вардар кој е на третата позиција. Резултати: Втора МФЛ Исток – 20.11.2021 БЕЛАСИЦА – БРАТСТВО 07 1 – 0 ДЕТОНИТ ЈУНИОР – КИТ ГО-ПЕХЧЕВО 1 – 0 ПОБЕДА – КОЖУФ ГЕВГЕЛИЈА 3 – 1 ТИМ ЛОКОМОТИВА 2018 – КАМЕНИЦА САСА 0 – 0 ОСОГОВО – СЛОГА 1934 3 – 0 Втора МФЛ Запад – 20.11.2021 ВАРДАР – СИЛЕКС 1 – 2 КОРАБИ – ВОСКА СПОРТ 1 – 1 КФГ ГОСТИВАР – ВЕЛЕШТА 1 – 1 ТЕТЕКС 1953 – БЕСА 1976 2 – 1 ОХРИД ЛИХНИДОС – КАДИНО 3 – 1

Силекс испадна во ВМФЛ, Ренова преживеа

Бошко Тасиќ — Tue, 25 May 2021 16:42:29 +0000

Тиквеш по 17 години се враќа во ПМФЛ, попладнево со 1-0 го изненади Силекс и го испрати во втора лига, Ренова на пенали беше подобра од Охрид и обезбеди уште една сезона во најсилното првенство на Македонија. Клучниот момент се случи на стартот од вториот дел, Спахиу доби одлична топка се најде осамен пред голманот и реализираше за 1-0. Силекс силно притисна во финишот, креираше неколку шанси, но не реализираше ниту една па следната сезона ќе игра во Втора лига а Тиквеш после 17 години се враќа во Првата лига. На вториот натпревар, Ренова на пенали беше подобра од Охрид. На теренот на ФФМ, Охрид беше многу блиску до победа, но голманот подари гол во 89. минута за 2-2. „Гипсарите“ потоа ја искористија психолошката предност и беа подобри во пенал серијата за уште една сезона во најсилното првенство на Македонија.