фламенго – Kurir.mk

Фламенго по само пет месеци го отпушти Сампаоли

Дарко Андоновски — Fri, 29 Sep 2023 10:08:52 +0000

Бразилскиот прволигаш Фламенго објави синоќа дека ја раскина соработката со аргентинскиот фудбалски стратег Хорхе Сампаоли по неуспехот во финалето на бразилскиот куп против Сао Паоло (0-1, 1-1). -Тренерот Хорхе Сампаоли и неговиот стручен тим веќе нема да го водат црвено – црниот тим, објави Фламенго на социјалните мрежи, посакувајќи му на аргентинскиот стратег „среќа“ во продолжението на кариерата. Сампаоли е отпуштен по само пет месеци откако дојде во Фламенго од редовите на шпанска Севиља, каде, исто така, претходниот ангажман му траеше пет месеци. Сампаоли со Фламенго потпиша договор до крајот на 2024 година, и според локалните медиуми, клубот поради предвремениот раскин на соработката ќе треба да плати обесштетување од 1,8 милиони евра. Медиумите наведуваат дека главен кандидат за наследник на Сампаоли на клупата на клубот од Рио де Жанеиро е поранешниот бразилски селектор Тите.

Девојка почина по судири меѓу навивачи на Палмеирас и Фламенго

Ивона Петрова — Tue, 11 Jul 2023 17:32:29 +0000

Млада Бразилка почина денеска во болница во Сао Паоло, два дена откако беше тешко повредена во пресметка меѓу навивачи на фудбалските клубови Палмеирас и Фламенго. Двете навивачки групи се судрија пред големото бразилско дерби меѓу Палмеирас и Фламенго кое се одигра во неделата, а 23-годишната Габриела Анели беше тешко повредена додека чекаше да влезе на стадионот Локалните медиуми јавија дека девојката во тешка здравствена состојба била пренесена во болница со расекотина во пределот на вратот, откако била погодна со стаклено шише. „Не можеме да прифатиме 23 – годишна девојка да биде жртва на варварство во опкружување кое треба да биде забавно. Ја изразуваме нашата солидарност со семејството на девојката и бараме итна истрага за ова злосторство“, соопшти Палмеирас. Во судирите пред стадионот на Палмеирас беше нападната и полицијата, која употреби солзавец за да воспостави ред. Солзавецот се прошири и на теренот, поради што судијата во два наврати во првото полувреме мораше да го прекине натпреварот кој на крајот заврши нерешено 1-1.

Хорхе Сампаоли седна на клупата на Фламенго

Бошко Тасиќ — Sat, 15 Apr 2023 17:17:23 +0000

Хорхе Сампаоли кој пред извесно време беше отпуштен од Севиља е новиот тренер на бразилски Фламенго. Аргентинскиот стручњак доаѓа на местото на Португалецот Витор Переира, кој доби отказ по сензационалниот пораз од Маринга со 2-0 во Купот на Бразил. Договорот на Сампаоли со Фламенго е до крајот на 2024 година. Аргентинецот има искуство во бразилската Серија А каде ги водеше Сантос и Атлетико МГ. Викендов започнува новата сезона во Бразил, а првиот натпревар на Фламенго е на домашен терен со Коритиба.

Фламенго освои бронза на Светското клупско првенство

Бошко Тасиќ — Sat, 11 Feb 2023 18:58:54 +0000

Фудбалерите на бразилскиот Фламенго вечерва го освоија третото место на Светското клупско првенство откако го победија египетскиот Ал Ахли со 4:2. Головите за Фламенго ги постигнаа Габриел Барбоса в о 11-тата и 85-тата минута и Педро во 77-та и првата минута од судиското продолжение. Двоен стрелец за Ал Ахли беше Ахмед Абделкадер во 37-та и 60-тата минута. Ал Ахли од 69-тата минута играше со играч помалку откако директен црвен картон заработи Калид Абдулафатах.

Бразилски Фламенго е најдобар во Јужна Америка

Бошко Тасиќ — Sun, 30 Oct 2022 08:20:30 +0000

Фудбалерите на Фламенго се победници во Купот Либертадорес откако во синоќешното финале ги совладаа сонародниците од Атлетико Параиренсе (1-0) во меч одигран во Еквадор. Решавачкиот погодок го постигна Габриел Барбоса во четвртата минута од судиското продолжение во првото полувреме, по што Бразилците умешно ја задржаа предноста до крајот. Задачата им беше олеснета и со црвениот картон на противничкиот фудбалер Педро Енрике неколку минути пред популарниот Габигол да ја затресе мрежата.

За Фламенго ова е втора титула во ова натпреварување во последните четири сезони, откако триумфираа и во 2019 година, додека во двете години помеѓу во Јужна Америка владееше Палмеираш.

Давид Луиз потпиша за Фламенго

Бошко Тасиќ — Sun, 12 Sep 2021 07:50:57 +0000

Искусниот бразилски фудбалер, Давид Луиз, кариерата ќе ја продолжи во Фламенго, и таму ќе го носи дресот со бројот 23. Луиз со клубот од Рио де Жанеиро потпиша едногодишен договор. Давид Луиз минатата сезона играше за лондонски Арсенал, и на 20 меча во Премиерлигата даде еден гол. Откако му истече договорот со Топчиите на 30-ти јуни, тој се обидуваше да си најде клуб во Европа, но не успеа, и одлучи да ја прифати понудата од Фламенго.

Балотели доби понуда од бразилски клуб

Ивона Петрова — Tue, 06 Aug 2019 08:05:54 +0000

Италијанскиот фудбалер Марио Балотели може да ја продолжи кариерата во Бразил. Фламенго му понуди договор на 28-годишниот контроверзен напаѓач, пренесува „Глобо Еспорте“. – Тој е одличен играч и разговаравме со него. Марио покажа интерес да игра за Фламенго, но сè уште нема конечно решение. Остануваат многу прашања за решавање, изјави Родолфо Ландим, претседател на бразилскиот клуб. Во моментов Балотели има статус на слободен агент. Минатата сезона Италијанецот играше за Ница и Марсеј. За Ница тој одигра 10 натпревари и забележа една асистенција, а како дел од Марсеј, Балотели беше на 15 средби на кои постигна осум погодоци.

ФАНАТИЗАМ БЕЗ ГРАНИЦИ: Навивач го тетовираше дресот на омилениот клуб по телото (ФОТО+ВИДЕО)

Матеја Петровски — Tue, 24 Apr 2018 09:25:49 +0000

Фанатичниот навивач на бразилски Фламенго се одлучи на во најмала рака необичен начин да ја обележи љубовта кон својот клуб. Човекот го тетовираше дресот на својот клуб по горниот дел од телото. Понекогаш љубовта помеѓу навивачот и клубот нема граница, а тоа го покажа еден навивач на Фламенго. Маурицио Дос Ањос е голем навивач на Фламенго, а својата љубов кон клубот одлучи да обележи на необичен начин. Имено, Дос Ањос го тетовираше дресот на саканиот клуб од двете страни на горниот дел на телото. Изработката на тетоважата траела скоро една година, во која Бразилецот одел на 32 термина и на вкупно 90 часа работа.

Cada sessão uma emoção diferente vamos q vamos que estamos chegando na reta final #dez #retafinal #mantonapele

A post shared by José Mauricio dos anjos (@mauricio.flamengo) on Apr 6, 2018 at 4:49pm PDT

Откако објави фотографија на Инстаграм, дел од корисниците го сметаат за навивач кој го сака својот клуб, додека дел го сметаат за лудак. Но, изработката на тевожата дури и му се исплатела. На Маурицио му се исполнила желбата да го запознае легендарниот Зико, кој го пофалил неговиот гест и му поклонил потпишан дрес. Истата работа ја направил и Андраде кој во Фламенго поминал дури 14 години.

Ai esta o novo manto do @flamengo pra temporada 2018 e com o novo escudo #vamosflamengo #novomanto #2018 Apoiadores no Instagram ⤵ @flamengo122anos @flaboutique @anjinhodoflamengo @nrnmetropolitano @_flausa @espacorubronegro @flamengoarte @flamengoforte @matts_1981 @rrn_oficial @paparazzorn @fla_r.a.p @colunadoflamengo @flamengo @fla_naticos @carabao.sul @coutogeferson_fla @magatattoo @mengao_news @josecaricaturas @rndestacruz @verdadevermelhoepreto @adidasbrasil @carabaoenergybrasil @timbrasil @mrvengenharia @jeepdobrasil @guaravitaoficial @carabaobr @18kflamengo @urubuzadasc @rrn_oficial @ubz_sp @lima_claudionor

A post shared by José Mauricio dos anjos (@mauricio.flamengo) on Apr 10, 2018 at 8:11am PDT

Parabéns @flasaochico pelo seus nove anos. Foi uma honra poder conhecer nosso campeão brasileiro de 2009 @andrade.camisa06 ?⚫?⚫?? e rever nosso grande idolo @rondinellideusdaraca @rondinelli1524 #issoaquiéflamengo Apoiadores no Instagram ⤵ @flamengo122anos @flaboutique @anjinhodoflamengo @nrnmetropolitano @_flausa @espacorubronegro @tattoocitioficial @flamengoarte @flamengoforte @matts_1981 @rrn_oficial @paparazzorn @fla_r.a.p @colunadoflamengo @flamengo @fla_naticos @carabao.sul @coutogeferson_fla @magatattoo @mengao_news @josecaricaturas @rndestacruz @verdadevermelhoepreto @adidasbrasil @carabaoenergybrasil @timbrasil @mrvengenharia @jeepdobrasil @guaravitaoficial @carabaobr @18kflamengo @urubuzadasc @rrn_oficial @ubz_sp @lima_claudionor @nativuscare

A post shared by José Mauricio dos anjos (@mauricio.flamengo) on Apr 14, 2018 at 8:26pm PDT