фламинго – Kurir.mk

КАЗИНО „ФЛАМИНГО“ ХОТЕЛ – ГЕВГЕЛИЈА СТАНА ГЕНЕРАЛЕН СПОНЗОР НА ФК „КОЖУФ“

Ристе Здравков — Fri, 01 Sep 2023 08:22:54 +0000

На голема радост на Гевгеличани ФК „Кожув“ доби генерален спонзор. Компанијата Макотен ДООЕЛ Гевгелија, како носител на светски реномираниот австриски бренд „Новоматик“ во чија групација е и „Казино Фламинго“ во Македонија, одлучи да ги поддржи амбициите на менаџментот и спортскиот колектив на ФК „Кожув“. Настрана од средствата, кои задолжително се слеваат во државниот буџет од приредувачите на игри на среќа за финансиските програми на Агенцијата за млади и спорт, Казино „Фламинго“ хотел – Гевгелија продолжува да го подржува развојот на македонскиот спорт. Нема никаква дилема дека поддршката за професионалниот спорт значи и сериозен придонес во правилниот развој и воспитување на младите. Младите генерации гледаат свои идоли во професионалните спортисти и вообичаено се идентификуваат со индивидуалните и колективни спортски успеси. ФК „Кожув“ е вистинска гордост на македонскиот спорт и претставува синоним за фудбалската традиција во регионот. Основан е пред повеќе од 1 век во далечната 1922. Без разлика што во моментов се натпреварува во Втората македонска фудбалска лига, овој клуб отсекогаш бил расадник на млади таленти. Со оваа одлука за генерално спонзорство продолжува партнерството на Казино Фламинго Хотел – Гевгелија со локалната заедница. Оваа компанија веќе 17 години приредува игри на среќа во грандиозен хотелски комплекс на граничниот премин Богородица и речиси 4 години во срцето на Скопје, на плоштадот Македонија во хотелот „Мериот“, каде е сопственик на истоименото „Казино Фламинго“. Дел е од исклучително успешната Групација „Новоматик Македонија“. Овој светски бренд во индустријата игри на среќа, без разлика на сериозните економски последици од повеќегодишната здравствена и енергетска криза, никогаш на отстапи од корпоративното мото – секогаш општествено одговорна компанија! „Казино Фламинго“ со години наназад е сигурен партнер на заедницата и во континуитет подржува различни граѓански иницијативи, проекти и реализира бројни хуманитарни и донаторски активности. Како претставници на „Новоматик“, реномирана ЕУ компанија, „Казино Фламинго“ продолжува да манифестира висока општествена одговорност преку хуманитарни и спонзорски активности во најзначајните општествени сфери, јавното здравство, спортот и културата.

Нов хит: „Фламинго“ потпетици речиси целосно распродадени

Ивона Петрова — Fri, 26 May 2023 11:54:45 +0000

„Фламинго“ потпетиците од италијанскиот моден бренд „Москино“ (Moschino) се распродадоа речиси целосно, кусо време откако се појавија на пазарот. Цената на чифт од овие необични салонки е 835 евра, а судејќи според нивната официјална интернет-продавница, тие сè уште се достапни само во малку броеви. Инаку, креативниот директор на овој бренд, Џереми Скот за овогодишната колекција пролет-лето се инспирираше од необичен додаток за летните забави на базени и плажи. Линијата беше претставена уште лани во септември, на Модната недела во Милано, кога ревијата почна со црно-црвени комбинации украсени со срциња. Потоа следеа креации со цветни мотиви и палета неонски јакни. Во таа смисла, посебно се истакнаа овие розови салонки со облик на фламинго на врвот, што го воодушевија модниот свет, па не чуди што уште сега се речиси распродадени.

НЕСЕКОЈДНЕВНА ГЛЕТКА ВО ОХРИД – големо јато на фламинго го прелетуваа Охридското езеро токму на Велигден (ВИДЕО)

Дарко Андоновски — Sun, 16 Apr 2023 19:54:05 +0000

Големо јато на фламинго денеска беше забележано на крајбрежјето на Охридското езеро. Туристите денеска можеа да уживаат во оваа посебна глетка која е несекојдневна особено во нашата земја. Фламенгото беа во голем број, а дали „залутале“ или пак новиот дом го пронашле токму во Охрид засега останува нејасно. Инаку ова не е првпат да се појават фламинго во Македонија, пред две години во Преспа исто така беа забележани розови фламинго во Преспанското езеро.

Големо јато на фламинго лета низ Охридското езеро pic.twitter.com/AlmKlh7DYs
— Курир (@KurirMK) April 16, 2023

Казино „Фламинго“ хотелот во Гевгелија станува домаќин на традиционална крводарителска акција

Ристе Здравков — Tue, 01 Mar 2022 10:27:46 +0000

Со успешна крводарителска акција, казино „Фламинго“ хотелот во Гевгелија востанови благородна и хумана традиција за крводарителски акции. Својата хуманост на дело ја покажаа повеќе од 50 вработени, како и граѓани доброволци, при што беа обезбедени 56 единици крв. „Со оваа крводарителска акција го најавуваме почетокот на традицијата на нашиот хотел во соработка со Црвениот крст и Институтот за трансфузиона медицина за годишна акција за дарување крв. Интересот за оваа хумана активност кај вработените беше голем и повеќе од 50 вработени доброволно се пријавија за дарување. Со ова уште еднаш покажуваме дека сме компанија која што е хумана, која што сака да помага, општествено одговорна и секаде каде што можеме подаваме рака. Се надеваме со нашиот скромен придонес ќе помогнеме некому кому му е тоа потребно,“ изјави по повод крводарителската акција, Елена Минева од казино „Фламинго“ хотелот во Гевгелија. Од страна на Општинската организација на Црвен крст- Гевгелија, казино „Фламинго“ хотелот доби благодарница за покажаната општествена одговорност и несебичната поддршка и помош во развој на хуманитарната акција. „Крводарителството е синоним на Црвениот Крст, а ние како негови претставници ја покажуваме неговата хумана страна заедно со една општествено одговорна компанија како што е „Фламинго“. Голема чест е да се соработува со луѓе кои што имаат иста визија за доброто на граѓаните. Се надеваме дека ваквата акција ќе биде пример дека секој еден од нас ќе дарува крв бидејќи секоја капка крв може да спаси човечки живот“, вели Лазар Мешков, секретар на ОО Црвен крст Гевгелија. Казино „Фламинго“ хотелот е и меѓу компаниите кои што го помогнаа и отворањето на нови простории за општинската организација на Црвениот крст во Гевгелија. Првата крводарителска акција во казино „Фламинго“ хотелот се одржа во ноември 2020 година како продолжување на хуманитарно-донаторски активности кои Групацијата Новоматик Македонија и Апекс Македонија ги реализираше од почетокот на светската пандемија со Ковид-19. За време на Ковид-19 пандемијата казино „Фламинго“ хотелот во Гевгелија со одлука на менаџментот беше отстапен на здравствените власти за карантин, а во јавните здравствени установи беа донирани болнички кревети и медицински материјали во вкупен износ од 200 илјади евра.

КАЗИНО „ФЛАМИНГО“ ХОТЕЛ ГЕВГЕЛИЈА ДОНИРАШЕ МЕДИЦИНСКА ОПРЕМА ВО ВКУПНА ВРЕДНОСТ ОД 20.000 ЕВРА НА ОПШТА КЛИНИЧКА БОЛНИЦА ВО ГЕВГЕЛИЈА

Ристе Здравков — Fri, 12 Jun 2020 09:16:40 +0000

Општествената одговорност во време на пандемија која е закана по општественото здравје е должност на секого, поединец или компанија. Истата може да се постигне преку одговорно однесување и потпомагање онаму каде што е потребно, секој во своите можности. Таков пример е и Казино „Фламинго“ Хотел Гевгелија кое уште на самиот почеток излезе во пресрет на институциите и функционира како државен карантин. Казино „Фламинго“ Гевгелија, дел од Групацијата НОВОМАТИК во Македонија донираше 10 електронски болнички кревети во износ од 20.000,00 евра за потребите на ЈЗУ Општа Болница во Гевгелија. „Како општествено одговорни компании, Групацијата НОВОМАТИК во Македонија (Адмирал, Астра и Казино Фламинго Хотел) и АПЕКС Македонија целосно свесни за тешкотиите со кои се соочуваат јавните здравствени институции, длабоко почитувајќи ги натчовечките напори на докторите и медицинскиот персонал во беспоштедната борба со вирусот COVID 19, и покрај тешките моменти за нашите компании, денеска во Гевгелија ја започнуваме големата акција за донирање на болнички кревети и средства за дезинфекција во повеќе здравствени капацитети во Република Северна Македонија“, истакна Александар Савиќ, менаџер на казиното „Фламинго“ хотел Гевгелија. Д-р Димитар Крџев, директор на ЈЗУ Општа Болница - Гевгелија, изрази благодарност што оваа донација доаѓа во едно специфично време кога пандемијата на коронавирусот ги исцрпува како кадрите така и медицинските потенцијали на болницата. Новите современо опремени кревети ќе бидат распоредени во сите одделенија на болницата со што ќе се подобрат условите за болнички третман и згрижување на пациентите во Општата болница. Градоначалникот на општина Гевгелија Сашо Поцков, кој беше присутен за време на донацијата, ја истакна високата општествена одговорност на Групацијата НОВОМАТИК во Македонија и посебно на Казино „Фламинго“ Хотел Гевгелија. Со почит, КАЗИНО „ФЛАМИНГО“ ХОТЕЛ ГЕВГЕЛИЈА ГРУПАЦИЈА НОВОМАТИК ВО МАКЕДОНИЈА

Нова атракција во скопската зоолошка: 15 прекрасни фламинга добија ново живеалиште

Ивана Ефремовски — Thu, 11 Jun 2020 13:16:28 +0000

Новото живеалиште за фламинга денеска свечено се отвори во Зоолошката градина во Скопје. Во ова живеалиште ќе живеат 15 фламинга кои се едни од најегзотичните птици. Видот на птиците, како што информира на денешната прес-конференција Тина Мицковска од ЗОО Скопје, е големо или розово фламинго, кои се доста распространети птици. Ги има во Јужна Америка, Јужна Африка, во Европа, Португалија, Кипар, Албанија, во Шпанија. Се работи за 15 млади птици, кои имаат помалку од една година. Сè уште немаат повпечатлива боја, но ќе ја оформат до пет годишна возраст. Бојата ја добиваат преку пигмент од специјална храна со која ќе бидат хранети.

Беше во врска со Рада Манојловиќ, но сега го покажа вистинското лице- по фотографијата на Милан Станковиќ ќе паднете во транс (ФОТО)

Дарко Андоновски — Tue, 24 Jul 2018 19:59:31 +0000

Популарниот пејач Милан Станковиќ по се изгледа води голема грижа за својот изглед, а неговиот приватен живот од секогаш ја интересирала јавноста. Овој пат јавноста можеше да се увери во неговиот сексапил споделувајќи со фановите фотографија на својот Инстаграм профил. Поранешното момче на Рада Манојловиќ се качи на фламинго гума за пливање, а неколку минути потоа следуваше пресврт... Откако тој ја сподели фотографијата опишувајќи ја „Среќно лето сите кои го слават“, пејачот беше преплавен од илјадниците коментари под фотографијата, погледнете.

Srećno leto svima koji slave ?

A post shared by MILAN STANKOVIC (@milanstankovic) on Jul 24, 2018 at 10:13am PDT

ФОТО: По фламингото, пицата и еднорогот, нов бизарен тренд пристигнува на плажите

Ивона Петрова — Wed, 18 Jul 2018 17:32:38 +0000

Секоја година на плажите се појавуваат нови впечатливи реквизити. Еднаш тоа беше големо фламинго, па шарениот еднорог, за најпосле на плажите да може да се види и огромно гумено парче пица. Годинава, креативците отидоа малку подалеку во своите идеи кои според многумина се бизарни. Па така се креираше розов ковчег на надувување. Зад истиот стојат дизајнерите Андре Гринбаум и Иан Фелтон, а нивната реализиција започнала како шега меѓу двајцта. Гумениот розов ковчег, со капак, бил создаден како уметничко дело пред три години со цел да ги исмева сите „чуда“ кои се појавуваат на плажите ширум светот. Авторите рекле дека сакале да направат нешто забавно, опуштено, сатирично и необично. Тие не се надевале дека нивното дело ќе има толкав интерес. Откако им се обратиле голем број луѓе со прашање каде може да го купат производот, одлучиле да покренат кампања за собирање на средства кои им се потребни за масовно производство.